茶樹菇廋肉蜆肉炒甜豆+原汁原味蒸豆腐 (內附食譜)

2010年7月6日(星期二)

 

原本今晚好唔想煮飯嫁

因為天氣太熱

唔想郁囉...but 出咗去幾日街街到食

食到好悶lu..都唔知食咩好

加上又貴, 又無得帶飯, 攪到餐餐都要出街食

唔健康又食到悶

諗諗吓...算啦, 辛苦都自己煮啦

況且蕭c奶都好耐無下廚

係街市到行咗一陣

諗起雪櫃有包蜆肉, 想煮咗佢

ok....一於買包甜豆, 再加啲茶樹菇一齊煮

跟住諗到清蒸豆腐

yeah...咁又攪掂一餐了....

茶樹菇廋肉蜆肉炒甜豆

材料:  甜豆一包, 10蚊廋肉, 雪藏蜆肉半包, 茶樹菇適量

蒜蓉, 蔥段

以上的蜆肉及茶樹菇按個人喜好而定份量多少啊...

 

準備工夫:

(1) 先把廋肉切片及用少許油, 糖, 豉油醃一會.

(2) 甜豆洗好, 每條切半, 出水, 備用

(3) 蜆肉融雪, 用少許胡椒粉及酒醃一會, 作用是除腥味

茶樹菇切尾部, 比較長的, 可以切半, 備用.

 

做法:

(1) 燒熱鑊, 加入少許油, 先炒廋肉一會, 再加入蜆肉炒至

廋肉至八成熟, 盛起, 備用

(2) 同一個鑊, 加入少許油, 爆香蒜蓉, 加入巳出水的甜豆炒,

然後再加入茶樹菇炒一會, 加入水, 少許鹽及豉油, 蓋上蓋,

煮大約五至八分鐘.

記住係少許鹽及豉油啊....

(3) 打開蓋, 加入先前巳炒一會的廋肉及蜆肉, 煮至全熟,

最後加入少許麻油及蔥段, 炒勻, 完成.

 

原汁原味蒸豆腐

材料:  兩磚豆腐, 蒜蓉, 蔥粒

 

做法:

先把蒜蓉鋪在豆腐面上

(1) 鑊加入適量水, 水滾後, 加入蒜蓉豆腐蒸至八分鐘

其間蒸至六分鐘時, 加入蔥粒

(2) 倒了蒸好的豆腐水, 加入少許日本豉油, 即成

 

 

呢兩款餸菜, 都好夠營養

又唔會肥, 因為當中只用廋肉

而豆腐沒有加入油份及鹽

原汁原味是清蒸的

只靠蒜茸及蔥粒夾埋一齊食

帶出了豆腐的鮮味及原味

記著要少油少鹽少豉油啊

蕭c奶每道菜都只用很少很少的調味料啊

盡量吃出食物本身的原味啊...