俄羅斯BB口金包
2010年7月3日（星期六）
有睇開蕭C奶的BLOG的朋友仔
都知道蕭C奶
想找一點與趣來培養一下
自己的脾氣及耐性
千擇萬擇，終於找到了學‘針子’
這天是蕭C奶人生中用針線用得最耐的一次了
其實同學們都在這天能夠完成這個口金包
而蕭C奶嘛。。。當然實在手腳太慢了
差一點點的要在回家才能完成啊
還有。。我的第一個作品
實在太粗劣啦。。嘻嘻
希望日後有所進步啦。
幸得導師JI JA 及 CANDY的悉心指導
以及好友‘經理’及身邊的同學仔
不嫌我麻煩及笨手
幫忙我這位一點點針子都不懂的笨女子
在此謝謝各位啊。。。
從這個親手做的第一個口金包
的而且確可以訓練我的耐性及脾氣
因為每一針都要很用心及耐性才能完成
希望我能夠有所改善吧！
我的第一個口金包
當然要送給我至愛的媽媽
我想媽媽收到應該會很驚訝吧
因為媽媽一向都知道我這位女兒一點的針線基礎也沒有啊
由細到大，媽媽都對我愛護有加
任何關於針線的，都是由媽媽幫我做的
這次我親手成功用針線而做出的製成品
這個非常有意義，當我一邊鏠製時
心想。。成功後，第一個作品，
一定是送給我的媽媽。
感謝她一直以來的愛護！
真係好靚喎!!!圖案清清地咁...好好呀!!
回覆刪除[版主回覆07/12/2010 14:57:00]其實親眼見的，呢個都唔係好靚，我下次一定要擇啲深色啲的布。因為無咁容易DIRTY。
同埋啲圖案要密多少少，就仲靚呀。
嚟緊我會準備整第二個，希望多啲練習，可以有進步啊。
口金包好靚呢，一點都看不出粗劣在哪裡。
回覆刪除[版主回覆07/12/2010 14:56:00]哈哈。。梗係唔比你哋睇到啦。。。
其實係個開口位，你見唔見有啲桃紅色線，係一針一線連的，其實打開後，入面係會見到啲線嫁。
如果手工好的，係唔會比人見到嫁。。
第一個，加上我真係平時針線都唔識，我巳經覺得自己好勁囉。。嘻嘻。
難唔難整架?我都有諗過學,不過我真係一D都唔識,同埋平時"FUNG"野我都整得好肉酸,真係勁核突,所以我好怕針子,但又好想學,第時可以教阿女~~
回覆刪除[版主回覆07/25/2010 23:09:00]我咪就係咁大個人都未渣個針囉....就係因為想改脾氣及耐性囉...先走去學. 你有無時間學呀, 可以一齊去玩嫁喎.
我報哂名了...我去跟幾位唔同的老師學. 大約學費由150至250. 視乎跟邊個老師及學咩. 我學呢個口金, 係130蚊. 包埋材料.
我都係fung得唔靚嫁, 勁核突..嘻..不過因為我未試過fung咁多針, 能夠成功完成, 好有滿足感及開心啊...
通常佢哋的class都係星期六或日的1:00至6:00嫁. 我驚你要湊晴晴喎. 我巳經報咗8月1日學tote bag, 8月15日學zipper bag及8月28日學手挽袋. 仲向其中一位老師訂咗啲口金材料包自己整.
而家好充實嫁..我差不多個個星期都去學去玩fung嘢, 我覺得學嚟又可以自己用, 又可以送比朋友家人喎...
你有興報, 話我聽啦...不過要快手報名, 因為每class十個人左右, 好快full. 我下次可以幫你留埋位, 不過你要快覆我, 到時你要多啲留意個blog / mail啊...ok.
thanks mrs siu~~~不過我星期六/日通常都未必有得放呀,所以我而家未覆到你呀,因為我輪shift,所以真係要輪呀,hehe.多謝你先呀,如果我ok我再覆你丫,唔該曬唔該曬!!
回覆刪除[版主回覆07/26/2010 01:31:00]係囉. 我睇吓到時佢地一出個表, 我又send比你, 等你睇吓就唔就到了...ok. 希望有機會同你一齊去玩吓啦...
我都好想學...請問那裡可以學....
回覆刪除[版主回覆07/26/2010 22:33:00]以下兩位係一齊攪的, 一位叫candy, 一位叫ji ja, 你可以留口信問佢地嫁...
http://hk.myblog.yahoo.com/candy-wanwan/article?mid=2404&prev=2448&next=2381
http://hk.myblog.yahoo.com/plisu-x