廣州之旅 - 第一日 (Part 2)

 

   

2008年10月5日

廣州之旅 - 第一日 (Part 2)

 

睇吓白天鵝賓館的房先:

另外, 呢到係白天鵝賓館的環境:

我哋帶咗花師奶同花老爺嚟呀...

 

我哋開始出發去食嘢了....呢到係賓館附近的環境.

沙面堂 - 係呢到的教堂

終於到咗上下九路了, 呢到兩邊都有好多細間的商店, 有買衫的, 食嘢的, 鞋的, 玩具的, 家居用品的, 電器的, 海味的....好多種類, 你想買咩都有呀....

啲魷魚同羊肉都好好味呀...一路行我哋就一路食.

終於到老牌茶樓-陶陶居, 百多年前於西關開業, 為當時廣州最早期的高級食府.

我哋試咗佢幾款點心, 不過就好失望囉, 都唔覺得佢好好食, 反而我哋香港的點心好食好多....

奶皇包-太甜, 一啲都無流沙囉

綠茶奶撻- 無咩特別, 都無綠茶味

雪紅蓮 - 好搵笨, 內裡只係啲cream同幾粒雜果

蒸腸粉 - ok啦

榴槤酥 - 呢個我只係食咗一口, 阿榮就專食入面, 呢個就唔錯, 真係好有榴槤味, good...

食完呢餐之後, 我哋對於一啲出名的茶樓巳經無興趣了, 嗰啲廣州酒樓, 大同酒家, 蓮香樓呀等等...提唔起興趣lu....寧願食啲細鋪頭仲好食...

跟住我哋再係附近到行吓, 轉咗去食另一間食店,

荔灣名食家.

荔灣名食家由伍湛記, 南信及歐成記, 三家享負盛名的食店組成. 店內全自助形, 食客可即買即坐在店內食用.

鮮豬潤腸粉 -

超好味呀, 多料又大份, 啲豬潤仲好新鮮, 正呀!

歐記的上湯鮮蝦雲吞 -

唔係好大粒, 但勝在夠鮮味, 足料又大份, 好味呀!

食完之後, 呢次就真係食飽了, 哈哈....跟住我哋又出去行lu, 不過啲雨開始大咗好多, 攪到我哋係咁行都無咩嘢買到及睇中, 咪就咁行吓, 睇吓啲環境囉...

 

 

做完沐足之後, 我哋又開始肚餓lu...哈哈..

我哋又出發去食晚飯了, 原本想去某一間的, 但係因為太大雨了, 好似八號咁呀, 搵咗一陣都搵唔到, 我哋就去咗第二間, 我哋到食日本菜, 唔多寄予厚望, 哈...但係又幾好食喎....尤其係個'泡菜肥牛石頭窩飯', 好好味...

鮮帶子及三文魚壽司

泡菜肥牛石頭窩飯

真味牛舌

鹽燒多春魚

燒青花魚

 

食完之後, 我哋返賓館lu.....睇吓我今日買咗啲咩.....

哈哈, 小小嘢食, 買比公司的同事的, 另外我最like買牙刷及牙膏, 因為平,靚, 正...

 

第一日的行程完滿結束...

請看第二日的行程啦..