廣州之旅 - 第二日

 

2008年10月6日

廣州之旅 - 第二日

 

琴晚都唔算太夜訓，大約凌晨一點左右啦，哈哈。。都好好訓呀，除咗太攰， 可能因為去咗做沐足， 所以訓得好好，我哋一訓就訓到十一點到，（鐘意幾點起身就起身，好正啊。。）慢慢執好啲嘢，去Check-out， 因為琴日太多人，所以我哋今日慢慢先係白天鵝賓館到周圍影相及參觀。

嘩...勁開心呀, 一打開窗, 勁好陽光呀....

哈哈...老公超攪笑呀..

白天鵝賓館的泳池.

呢間就係白天鵝賓館了..

我哋出發了...呢到係賓館外的環境. 無雨真係靚好多.

呢間就係琴日我哋做沐足的沙面國醫館.

我哋第一站梗係去食個午餐啦，我哋去番琴日的‘荔灣名食家’，因為琴日食唔夠呀，今日要食返夠本先。呢間嘢真係值得再去呀，平，靚，正。。其實仲有好多款都好想食，但係得兩個人始終都係試唔哂。

呢碗叫做: 上湯牛三星 ***必食推介

(其實係由牛潤, 牛心及牛腰組成的), 真係估唔到, 真係好好味, 好爽口嫁. 之前未曾食過, 好特別.

又一必食推介---荔灣牛肉腸粉

皮薄且滑, 而且好特別佢哋加啲菜係入面, 好爽口, 最重要係啲餡好多好滿. 勁足料呀. 真係好食過香港囉.

荔灣艇仔粥 --- 勁多料呀....

好似牛脷酥的...但係佢哋就叫做'咸煎餅', 好香好味.

呢到好多人都食的牛雜...正.

最後試埋佢哋的'雙皮奶'.  呢個都好好味, 好香奶味啊.

你哋睇吓啲價錢, 差不多唔會多過10元嫁, 超抵食呀...

其實仲有好多款式, 我哋都好想試, 但係實在太多了, 下次要約埋啲朋友嚟先得了.

荔灣名食家的環境.

食完午餐, 我哋就一邊欣賞上下九路的環境. 今日好陽光.終於可以正正經經咁睇清楚上下九路lu...

上下九路又名騎樓街,事原呢到的騎樓特別多的,且各有特色. 你哋又覺得點呢?

行完上下九路之後,我哋就咗天河區的廣州購書中心, 無影到相呀. 我哋行到八點, 大家都買到想要的書, 然後就坐火車番羅湖.

到咗羅湖都巳經係晚上九點半lu. 我哋就去咗一間我哋好愛的菜館到食飯, 呢間菜館叫做'江樺菜館', 係羅湖商業城的五樓, 好好味嫁. 你哋下次都不妨試吓.

我次次都會叫的- 豉油皇炒鵝腸....超好味呀....

燒乳鴿---皮脆肉滑

西蘭花炒鮮魷

飯後甜品---薑汁撞奶 (好滑好香薑味)

 

廣州2日1夜之旅, 終於完滿結束,

多謝大家收看! 88.