2010年2月25日(星期四)
呢排天氣真係勁潮濕呀,
從來都未試過呀. 早兩晚間房啲牆出哂水, 天花板滿哂水珠
今晚放工一返屋企, 嘩....望個廰的天花板...
oh no....好似西米露咁大粒的水珠,
即刻call少爺, 即刻去買抽濕機...
嘩...勁多人係到搵抽濕機啊. 想買部三千幾蚊的日立,
可惜有錢都買唔到, 全線斷哂貨之餘,
就算想買第二款, 都全部無哂貨
最後搵到一間, 都只係淨番惠而浦及飛歌,
最後買飛歌, 因為佢容量最大. 價值係1980.
即刻放入房, 又真係幾好喎, 全間房乾番了...
出面走廊又係勁出水
每日出門及番嚟屋企
都行到仲慢過隻螞蟻
因為好驚滑倒, 跌親
各位朋友/bolg友, 如果你哋果度都係咁
就要小心啲了
咁大個女都係第一次用抽濕機
唔用唔知, 抽濕機又真係幾好用喎
抽一陣就巳經好乾爽了
不過屋企又會多咗一件電器囉
其實一個屋企, 真係最好有一個收納雜物的雜物房
咁就成間屋都可以好整齊又乾淨俐落啦
(有一個露台及雜物房, 係蕭c奶的夢想啊...)
唔知你哋屋企又有無我哋咁潮濕呢?
有冇抽濕機呀!!!
回覆刪除[版主回覆03/01/2010 12:10:00]喂, 你咁問, 係你想買而買唔到, 定係你就咁問我有冇抽濕機呀???
我買咗了, 買咗飛歌啊....1980囉. 又幾好用喎.嘻
我簡直係愛丽絲夢遊仙境添啦
回覆刪除我夢想將來自己間屋有露台之外，仲發夢每年二、三月喺乾爽嘅外地過生活
[版主回覆03/04/2010 11:13:00]你都真係‘愛丽絲夢遊仙境’未上畫，就巳經先賭為快了，好勁呀。。。你！哈哈。
有時發吓夢都幾開心的。。。我都成日發夢啦。
唉..我門口全部都水.我倆隻狗狗成日都係門口坐.狗狗成個身濕.我都要開濕機.不過下期電費就好勁啦.
回覆刪除[版主回覆03/04/2010 11:22:00]呢期電費真係金到無法想像啊。。。
成間都係水好鬼辛苦,不過我地無買抽濕機呀,因為間屋太細喇,已經無位再容納佢,等我搬左我一定會買呀!!
回覆刪除[版主回覆03/05/2010 17:11:00]你幾時搬啊...
係囉, 而家屋企又多咗一位新成員.....又要搵個位放佢呀...