2010年2月14日
年初一及情人節
蕭c奶及少爺今日中午返咗去奶奶老爺到
坐咗幾個鐘後, 五點左右就返屋企了
因為要準備情人節大餐啊...
早前係towngas到學咗個情人節餐
蕭c奶因為而家好忙, 好耐都無咩下廚
一於趁情人節好好咁為少爺下廚啦
焗法式洋蔥湯
其實好想買兩個新的西式湯碗, 不過無時間去買,
攪到呢兩日去咗吉之島都買唔到心水的
就用咗屋企的飯碗
唔靚囉....不過第一次整呢個湯都真係幾好飲喎
又唔難, 只係花少少時間啫
第日搬去新屋, 一定要買番兩個靚靚西式湯碗先得!
個芝士真係好濃好香, 導師真係無介紹錯呀!
脆炸生蠔伴尼斯薯茸
唉, 呢款炸生蠔....哈...失敗咗
其實原本我預咗每人三隻
不過...個三隻, 炸到濃鬼咗, 唔見得人
而呢三隻都唔係好得好多
睇吓...炸到都唔似蠔, 扁扁平平,
呀導師炸得圓卜卜嫁嘛, 好靚仔嫁
導師用咗煙肉, 不過我就無用到
oh...炸嘢第一次整, 真係好難撐握呀...
睇嚟...蕭c奶又唔知邊日有心情
要再接再勵!
好彩的係....個薯茸好得, 好好味,
因為實在太容易了.
香煎羊扒伴意式鯷魚汁
好彩預咗9件羊扒, 長長久久!
羊扒是用上紐西蘭羊扒, 肉質鮮味又夠juicy
第一次整呢款鯷魚汁
好成功, 少爺都話好有新鮮感
平時多數就咁點芥辣醬
而呢個鯷魚汁, 多咗一份酸味及鯷魚味
好開胃!
其實情人節有時出去食
都唔一定係好貴
就算一個情人節餐
收幾百蚊, 我覺得都好抵
因為老實講, 自己整係有心思
不過用料相對哋係靚
所以都唔係平嫁
出外吃, 唔駛煮, 唔駛洗喎
所以我同咗少爺講
下年一於出去慶祝啊...
少爺...情人節快樂啊
下年我要收到份大的情人節禮物嫁
仲要食餐勁的情人節餐嫁
初五我返工呀,一於食lunch啦,另外我21號約左人大食會,想整個法式洋蔥湯,不如你食lunch個日比個食譜or教我點煮呀...
回覆刪除[版主回覆02/17/2010 14:28:00]咁就約定你初五，即係聽日呀。 咁我明天比個食譜你啦。 喂，咁你啲朋友食唔食牛嫁。因為個洋蔥湯要用牛的湯粒， 如果你啲朋友OK， 咁我順便聽日帶埋比你，咁你就唔駛買啦。你話比我聽我喎。OK。
你老公個樣有d似森美....haha....
回覆刪除[版主回覆02/17/2010 14:26:00]哈哈。。。咁攪笑，等我話比佢知先。
佢地食牛架....另外,係唔係要用焗爐架??
回覆刪除[版主回覆02/17/2010 23:25:00]係呀, 要用焗爐焗番個面頭囉. 咁我聽日帶埋個牛湯粒比你啦.
情人節果日好SWEET呀,其實自己煮有時都好貴,因為咩都想整又會買多左,如埋自己整一定買D靚D,所以同出去食差唔多,不過自己多左份心意,蕭生肯定好LAM姐!!HEHE~~~
回覆刪除[版主回覆02/18/2010 11:02:00]係呀， 自己煮仲貴及多工夫做，不過講得無錯的係，親手做的情人節餐係好開心及多咗一份心思。係用錢買唔到的。 不過下年我一於唔煮呀。。。嘻嘻。我要嘆嘆嘆。。。（不過我可能到時得講字！）
好恩愛呀！羡慕死人啦！
回覆刪除我都好鐘意飲洋葱湯，教埋我吖！
[版主回覆02/19/2010 10:07:00]好呀，我會出食譜嫁，只係呢幾日好凍，日日都出咗去食飯，未有時間UPDATE囉。我會努力，盡快UPDATE嫁了。
情人節大餐自己整果然有心思呀！不過我都係喜愛你下年決定出街食嘅選擇！哈~
回覆刪除[版主回覆02/19/2010 10:06:00]你當然支持出去食啦。。。因為你同少爺一樣，都唔想做洗碗果位人兄之嘛。嘻嘻。