沖繩十天自駕遊之旅@DAY 2 (座間味島)

 

 

2009年9月25日（星期五）

沖繩十天自駕遊之旅@DAY 2 (座間味島)

 

各位唔好意思呀，較早前寫到

沖繩十天自駕遊之旅@DAY 2 (第一牧志公設市場, 國際通)

跟住蕭C奶又無時間，又停咗， 嘻嘻。

而家繼續我哋的行程了

早上去完國際通，嘆咗勁正的刺身海鮮LUNCH之後

我哋就返回酒店，取輕便的行李

前往碼頭

其實話就話執三日兩夜的輕便行李。。。其實個細喼都好重

睇吓少爺拖得幾咁吃力。。。個肚腩仲比蕭C奶影到添

謝主任及蕉蕉行得好快呀

見少爺拖得咁辛苦，蕭C奶又試吓先，都真係。。。幾重吓。

終於見到去‘座間味島’的船

船會到座間味島及阿嘉島

未夠鐘，先在船客待合所坐一會，等上船

等船中，同DDUNG影吓出發相先

可以上船了，少爺大力啲呀

船內環境不錯，夠濶大，又乾淨，可能因為是平日

所以無咩乘客

DDUNG你又去座間味島呀。

後面就係我哋四個的行李

少爺好悠閒咁一邊睇書一邊吃零食，打發坐船的時間

一個小時後，終於都到達座間味島，落船了

先係碼頭影番張先，我哋BOOK咗間民宿

民宿的負責人嚟接船添，仲有間車仔幫我哋運送行李

真係好服務啊。

 

到達民宿，謝主任先CHECK IN

跟住民宿老闆就帶我哋到房間

這是二樓，都有好多間房喎

這是謝主任及蕉蕉的房間，露台向山景

少爺及蕭C奶的房，面向少少海景

（不過呢張係夜晚影的，所以未見到）

民宿的外觀， 蕭C奶同少爺就係住係二樓，

中間果間房了。

座間味島近碼頭的環境

到達座間味島都巳經五點多了，

我哋PLAN咗想去其中一個暸望台到睇日落

問咗民宿老闆點樣去，

佢話借架私家車比我哋，我哋覺得好唔好意思

可惜。。老闆的車係用棍波，無人識揸。

最後老闆勁好，佢直頭車我哋去添呀

我哋唔貪心，只係想去‘高月山暸望台’

但係民宿老闆好好，仲帶咗我哋去其餘個幾個

實在太感激老闆了

係暸望台到親眼望到的環境，真係好靚嫁

沿途仲有好多綠色樹木及草

 

謝主任又影相了

日落嚟緊了

我哋所在的位置

DDUNG到此一遊

真的很美

第二個暸望台，懶得搵番哧咩名。

日落完咗了，嚟到呢到望吓風景

無高樓大厦,遠望海景,一望無際,真係好舒服

 

開始入黑了, 老闆都車返我哋返民宿了

因為肚仔都餓了,要開飯...

感謝老闆的熱誠款待

到咗食堂地方了, 因為我哋遲咗食飯時間

所以其他住客都走哂LU

得我哋四位咋...正.

開飯前,影番張合照先

座間味島第一晚晚餐

唔好以為好少, 食吓食吓好飽嫁

呢碟豬腩肉, 好好味, 好入味, 又唔肥嫁

洋蔥煮豬肉

又係好好味, 唔知係咪因為肚餓, 樣樣都好好味

沖繩魚刺身

唔識日文, 又唔識講, 所以唔知係咩魚

但係好食過平時係香港啲魚生

因為呢到係當地魚, 好鮮甜, 香港食唔到 

海雲天婦羅

應該係海澡類, 炸得好好味,

連唔多食炸嘢的蕭C奶都食到

因為唔肥, 好正呀.

各位, 開飯了.

今晚我哋就早啲食完晚餐

大家早點休息

準備明天出發到海灘玩過痛快了

 

 

沖繩十天自駕遊之旅@DAY 1

http://hk.myblog.yahoo.com/jobechan0911/article?mid=9012

沖繩十天自駕遊之旅@DAY 2 (第一牧志公設市場, 國際通)

http://hk.myblog.yahoo.com/jobechan0911/article?mid=9111