點解我會叫做侏羅紀旅程呢???
因為嚟到呢個熱帶雨林的浮羅交怡,
又住咗呢一間充滿樹林的酒店, 加上見到好多動物,
啲動物係隨時會係露台或者你身邊出現,
每次出入都真係比我哋覺得置身於侏羅紀中.
第一日去到巳經係下午了,
只係係酒店游水及出外吃晚飯,
在酒店內走走....relax...^^
第一次住係樹林feel的chalet, 唔錯, 好有渡假feel.
第一次住係同動物咁近距離的房添....
我哋住係其中一間房呀....呢啲叫做chalet (小屋),
唔似平時的酒店咁的, 係一間間, 今次呢間酒店,
仲要係全部都係呢啲chalet, 仲要四周係樹林, 同平時的好唔同啊...
有啲仲係獨立chalet呀...不過full哂...我哋都無得擇了...
酒店的環境
今晚我哋擇咗呢間, 係langkawi其中一間好出名的海鮮餐廳 ---
真浪花園海鮮餐館
有龍蝦及虎蝦喎...
餐館的環境
先來一杯青蘋果汁及西瓜汁
出名的...泰式三味魚...勁得呀...
係超好味呀...
所謂的三味....即甘, 辛和酸, 惹味開胃.
此碟35RM (約HK$91), 價錢都ok的.
但係我真係超like呢條魚呀...好味呀..
仲有呢到的鎮店名菜 ---
牛油虎蝦, 大大隻, 牛油味香濃, 炸得金黃酥脆, 推介呀...
蠔餅 --- 唔油, 蠔夠大, 夠鮮.
食完飯, 我哋係食店附近閒逛了一會
跟住就返酒店休息了....
稍後就同大家分享day 2啦...
嘩!!!住係度,真係好歸大自然呀!!
回覆刪除我見到D魚同蝦...真係流晒口水!!!
[版主回覆06/14/2011 11:33:00]係呀, 真係好有大自然feel, 好舒服.
條魚真係好好食嫁...超讚...
好似好正呀 ...
回覆刪除[版主回覆06/14/2011 11:32:00]皮皮...係...係好似...好似..好正...
搞到我都好想去下~=D
回覆刪除[版主回覆06/14/2011 11:32:00]嗯...你係咪都好鐘意陽光與海灘先????
因為我去咗幾個呢啲的地方, 嗯..我會覺得浮羅交怡一般, 反而我會suggest去沙巴, 因為上去我去, 沙巴真係好多嘢, 同埋啲水清啲.
但當然比起上次我去日本的沖繩無得比, 同埋華欣都ok. 我覺得布吉應該會仲好添.
我下一個目標陽光與海灘的地點, 希望係馬爾代夫....而家努力儲錢...
您好呀^^
回覆刪除知你岩岩去完返黎, 好期待你ge day2,3...有小小問題想問下您
我已經訂左6月中去浮羅交怡, 訂左 喜來登 酒店. 1) 請問機場離酒店幾遠呢?即坐幾耐車左右. By taxi 的話大約幾錢呢? 2) 租一日車大約幾$? Join 浮潛又幾錢呢? 知道左起碼到時識講價.^^ 3) 邊間租車& local tour 公司信得過 or 多 hk 人 join呢? 行程 Day 1 cable car & 周圍遊覽 Day 2 浮潛 & 周圍遊覽 Day 3 Hotel & 都係島上周圍遊覽 請問有咩要注意及我的行程有冇問題呢? 除左浮潛之外,仲有d咩 local tour值得join下呢? 十萬個唔該 ^o^
[版主回覆06/14/2011 11:20:00]蕉,
我係你呢篇BLOG到留咗言, 你去望一望:
http://hk.myblog.yahoo.com/azlzizczez-alice/article?mid=519
我想問你6月幾號出發呢???
(1) 你的喜來登酒比我的酒店近機場, 嗱, 我係我的酒店坐的士去機場, 都要20分鐘. 所以你的都應該都有15分鐘啦.
落機時, 去到浮羅怡就有車接送我去酒店, 咁我離閧時, 都有車接我去機場. 所以唔駛錢.
但係有兩日晚餐, 我都出咗去好旺的市中心到食飯, 你哋應該都會去的, 咪就係我DAY 1講的真浪花園餐廳果條街囉. 咁由我酒店坐的士去呢條食街, 就要30分呀...坐的士喎..都要半個鐘, 可想而知係幾遠吓... 咁就要26RM (HK$67), 都好貴呀, 單程呀..仲有回程呢. 咁你的近我少少, 應該會再平啲了.
( 2) 至於我都見議人哋去租車呀, 因為我自己PLAN係只去東方村, 其餘時間只留係RESORT, 所以我哋無諗過租車, 我見有好多都租車呀, 如果你會四圍, 我都會SUGGEST你租車呀, 會好方便. 但幾錢我唔知LU. 唔好意思呀. 同埋潛水呀, 浮潛呀, 我又係無玩到, 嘻嘻...所以又係唔知價LOR...
不過我可以話你知, 你一出浮羅交怡機場, 記得攞地圖, 仲有佢有好多啲PACKAGE的宣傳單張嫁. 同埋每間酒店一定有TOUR DESK, 可以報名呀. OK.
東方村係免費入場, 你應該知啦, 佢只係收車的費用. 38RM一個人, (HK$98).
我見你DAY 1去東方村, 其實我想問你係香港, 幾點機, 你去到浮羅交怡又係幾點?? 因為我第一日係香港8點半機, 仲要去吉隆坡到轉機去浮羅交怡, 去到都下午三點LU...攪埋CHECK IN, HEA一陣, 都要半個鐘啦... 咁你仲要出去東方村, 你就預咗四點零先去到. 咁我諗你要望望時間.
不過東方村, 都唔係好多嘢行, 都係影吓相, 跟住你快啲去車, 我見通常四點半後好多人上去, 可能係順便睇日落, 都係好主意. 跟住我要介紹, 你食牛的話, 一定要去到第二邊的觀景台的小食店, 佢有個漢堡飽 叫做: PITA BURGER, 好好味, 5RM, 值得一讚.
你預咗都有2個小時係東方村到囉...OK.
食晚飯, 我都suggest你去真浪花園, 如果你都會鐘意食魚的, 你條三味魚, 真係好好味. 值得一試呀. ok.
其他的地點, 因為我都無去過, 但係本身我都想去孕婦湖及濕米島, 同埋佢有個咩碼頭, 係專睇日落的, 我都無去到呀><, 因為三日實在唔夠時間, 加上我哋今次只係諗住hea係resort, 所以真係無時間出去.
係呢, 你去幾多日, 係咪都係留三晚呀, 仲會唔會去埋吉隆坡或其他地方呢???
我盡量係你出發前, update好個blog比你, ok. 盡量咋...嘻嘻.
其實呢到個指數都幾貴, 我覺得. 記得帶防曬用品, 浮潛用具囉.. 希望我的小小information幫到你啦.
有咩問題, 就隨時再問啦. 祝您旅途愉快!
左髀
馬爾代夫同沖繩係我想去多D的
回覆刪除[版主回覆06/15/2011 09:10:00]去啦去啦...你朋友識唔識渣車...因為如果去沖繩, 渣車方便好多, 因為佢哋的公共車, 係好疏班次, 會比較麻煩. 我哋上次去咗十日, 自駕遊, 真係超正呀. ^^
O~好的好的
回覆刪除叫朋友去考車牌XD
你住個間係SUPERIOR 定DELUX?
回覆刪除