平底口金@第34至36件手作仔
其實蕭c奶一直都好想好想
做一大堆不同款式的口金
然後一次過先影相...呵呵...
但係...因為實在次次都呢頭做完
呢頭就要送比朋友
所以跟本暫時未有可能...
最近一次過做了幾個口金
都好...叫做滿足吓我囉...
幾個口金一齊拍照
果感覺真係唔同一個個影嫁...
兩款不同顏色的口金
不同顏色的花布
你...又鐘意邊款呢...
留意埋, 口金上的口金線都各有特色
你又鐘意粗線定幼線呢...
另外兩個同款口金
同款係士多啤梨布布
一個係白色, 一個係粉紅色
兩色都好鐘意啊..
每次做口金
都很興奮地襯裡布
因為很多時裡布比表布更加漂亮啊..
這一批的口金
所有的裡布我自己就好滿意自己的襯法..
每塊裡布我都很喜歡啊..^^
真係好靚呀!!個個都鍾意^^
回覆刪除不過我鍾意粗線多D...感覺好似Cute D咁
[版主回覆06/29/2011 10:09:00]我自己都鐘情於粗線呀...識貨喎 , 同我咁有眼光...WAKAKA.
我自從用過粗口金線, 我都愛上咗佢, 我好LIKE佢好出, 好SHAPE. 今次呢個藍色我好鐘意呀. 表布及裡布都好靚..嘻嘻.
加上縫呢個口金時, 真係縫到手指都痛哂, 因為粗, 又要用支粗的針, 真係粒粒都縫得好辛苦. 但係縫完, 勁滿足感呀...
但係粗線都有一個不足的地方, 就係打開入面, 個口金位會見到啲線, 呢方面我仲係到諗緊改量的方法. 因為線粗, 所以會容易見到. 但係我自己可以接受的. 因為始終係手縫, 點都'京'貴啲.
等我慢慢再努力改量吓先...
哈哈哈!!!我地眼光梗係無敵啦!!!
回覆刪除不過原來都有D複雜喎!要做到盡善盡美真係要動動腦呀^^
D布真係好靚...其實我有時見到呢D款既布,都好鍾意....不過呢D布係咪要去D手工藝舖買...我有時見D手工藝舖D布好靚架...不過好似好貴咁>~<
你加油改良喇!!!!
在炎炎的夏日中，期待新的假期，回歸日的三天假，有什么計劃？祝你愉快美好。
回覆刪除[版主回覆06/29/2011 21:17:00]計劃做手作呀...嘻...
第一張相影得好有 feel, 同埋你襯布襯得好靚呀, 我最怕襯布, 好煩
回覆刪除"因為線粗, 所以會容易見到" 可以試下後加條花邊黎遮醜
[版主回覆06/29/2011 22:31:00]我都有諗過用條花邊呀. 不過就未試, 因為未買花邊. 等我搵次試吓先.
睇你做嘅手作仔越來越靚啦！ 同埋你今次影嘅第一和第三張相都不錯呀！繼續努力呀！
回覆刪除[版主回覆07/10/2011 10:30:00]師兄, 好耐無見了....
謝謝您百忙中抽空來我blog啊....thanks thanks... ^^
係呀, 我都覺得自己的手作的手工越嚟越好. 但都仲在學習當中啊...要做多啲先有進步呀.
wow....得到師兄的讚賞, 個心又好開心了, 第一張, 我都好滿意...呵呵..謝謝師兄的鼓勵. 我一定會盡我所能, 努力的.