星期二 (5/1/2010) 陪咗媽咪去做p.e.t. scan,
星期三(6/1/2010)早上, 媽咪打比我,
話有得攞報告了....(咁快...個心又有啲驚)
因為琴日先去做, 今日晨咁早就通知有...
個心又亂諗...唔通真係..真係有癌細胞!!!
不過點諗都好, 都係要去攞嫁啦...
一於唔駛諗, lunch time飯都唔食, 即刻搭地鐵去攞報告.
攞咗份報告返嚟, 即刻fax咗去私家醫生到先,
不過私家醫生未覆我. 攞咗報告返嚟,
叻叻及millia小姐分別都幫我初步睇咗個結果,
應該唔係癌細胞, 反而可能係媽咪啲骨退化.
而且叻叻仲幫我睇哂成份report, 以佢有限的醫學英文,
份報告話媽咪由頭, 頸, 心, 肝, 脾, 肺, 腎, 所有器官都正常
最重要有一句係:
第五節尾龍骨的陰影, 反而係退化多過係癌細胞
話一講到呢一句重心, 成個人鬆哂
叻叻及millia小姐話睇唔到係唔好嘢, 咁我即時都安心好多.
不過佢倆位都話, 佢哋唔係專業人仕,
只係表面咁睇係無事. 咁我都會等埋醫生詳細的分析先.
後來may姐都幫我睇, 佢都係同叻叻及millia小姐一樣
都係話見唔到唔好嘢.
多謝叻叻, may 姐及millia呀, 以及多謝各位的祝福!
咁我都即刻打個電話比媽咪
講比媽咪知叻叻佢哋睇咗份報告
解咗比我聽, 我咪同媽咪講
唔駛擔心咁多, 應該無問題
等媽咪都唔駛呢幾日個心囉囉攣
咁當然都係等到14號返去
聽醫生講一次, confirm先, 咁個心要安定啲.
你d同事又會識咁多野0既??
回覆刪除祝你心想事成~ 媽咪身體健康
[版主回覆01/09/2010 10:42:00]係呀, 佢哋全部都係senior court interpreter (高級傳譯主任), 啲英文勁到爆呀, 好多時有好多嘢唔明, 就請教佢哋. 有啲仲識日文, 韓文, 法文, 等等的語言, 所以有好多時, 有啲化妝品, 寫日文呀, 我咪攞番嚟問佢哋囉...嘻...好正嫁, 而家唔怕買日本, 韓國用品, 買咗返嚟, 就請教佢地點用. 好好嫁.
多謝您的祝福. monica我會去你blog嫁, 不過有時未必有時間, 留言咋, 保持聯絡啦.
你好呀...我其實上次留過言架啦,不過唔點解冇post到出黎.....我搵唔番
回覆刪除放心啦,份報告一定冇問題.....祝你媽咪身體健康,日日都咁幸福!!!!
[版主回覆01/09/2010 23:09:00]唉..個屎人yahoo blog真係好多問題嫁. 我都試過你的經驗.
mr & mrs菇, 多謝您的到訪及祝福問候.
我都好耐無去你到了, 不過有時去到, 你都未有新嘢呀...嘻嘻
我覺得你好靚, 我好like你影相啊...好廋呀. 羨慕屎我呀.