終於都開齋肯整去沖繩的點滴
請各位見諒！
2009年9月23日
我哋一行四人，蕭C奶，少爺， 蕉蕉及謝主任，
準時登機向沖繩出發，我哋坐香港快運，中午一點機，
日本時間快香港一個小時， 我哋去到沖繩巳經係日本時間大約四點了
過埋關，攞埋行李，我哋就要坐 ‘單軌電單’，係第7站 -美榮橋落車
然後步行大約十分鐘， 就到達我哋的酒店。
出咗機場，睇住啲指示，去單軌電車站先
到了到了，兩個男人負責買車票
四張車票買到手了。。
點解得少爺及蕉蕉。。。因為蕭C奶同謝主任掛住影相，
佢兩個咪等囉。。。
單軌電車車箱，可能因為新鮮感關係，覺得好舒服，
而且車箱外可以望到外面環境，好正。
終於到達 ‘美榮橋’站了。。。
出閘先。。。少爺快啲啦。。咁慢嫁啫
謝主任，蕉蕉及少爺係到睇地圖，搵吓間酒店的位置係邊
其實中途我哋行行吓，好似唔見有我哋間酒店，真係好懷疑
所以中間我哋係搵咗一陣，又四圍望咗一陣
其實間酒店我哋一早見到。。不過， 大家睇吓啦
遠望時， 真係咩標誌都無，真係唔知佢係酒店囉。。
酒店CHECK IN大堂， 唔係濶大，不過勝在服務好，
環境乾淨，所以都好滿意。
CHECK IN完，上房了，大家約好先安頓好行李
及稍為休息一會，然後一齊出發去
沖繩有SHOPPING CENTRE的國際通
行一會兼食晚飯
最後我們擇選了這間吃晚飯
少爺及謝主任先來啤一啤
石垣牛刺身
沖繩最出名的其中一個食物，就係石垣牛
一定要食呀。。嘻嘻
睇吓啲雪花紋，平均分佈，不過我相信呢個唔係最靚的
只係普通級數。但都巳經好好味
豆腐
日本的豆腐真係勁好味，好重豆味，好香豆味，
食落去仲好滑好CREAMY/。
石垣牛飯
食咗個石垣牛刺身，而家食埋熟咗的石垣牛
好滿足。個飯啲汁好正，個石垣牛好有牛牛味啊。。
肉質鮮甜，正呀。
沖繩苦瓜炒蛋
沖繩最出名的係苦瓜，一定要食啦。
送到嚟，蕭C奶同謝主任好鐘意食苦瓜，
至於另外兩位呢。。嘻嘻。。唔係太鐘意食
不過都要一試，因為唔係太苦， 所以少爺及蕉蕉都食到啊
牛肉鐵板燒
謝主任見唔係幾夠食咁喎。。哈哈。。
忍唔住要叫呢個牛肉鐵板燒
唔知點解日本的食物，好普通都係好好味。
走地雞
沖繩另一出名走地雞，當然要食吓，
四人講起上年去九洲時，所吃的走地雞，好味到不得了
才發覺日本的雞好爽滑，走地雞真係走地雞。
我哋享受完一餐美味的晚餐之後，我哋四人就係國際通到行一陣
目的就係視察吓呢到的商店有咩好買先。
咁到時，到咗最後個日係到買手信，咁就可以快啲手嘛。
之前做個資料搜集，沖繩有苦瓜味雪糕，
既然食飽飽，我哋想食埋甜品喎，
一於就去呢間食苦瓜雪糕啦。
大家商量好食邊幾款之後，
少爺就負責比錢。。
好可惜。。。苦瓜味售罄
只好食以下三款味道
（不過蕭C奶巳經唔記得咗叫咩味添。。哈）
只係記得好滑咁囉。
有得買嚟攞走嫁。好多種味。
食埋雪糕，行多一陣，都夜了。
要返酒店好好休息吓，準備明天出發去座間味島
不過。。兩位男士好想食宵夜啊。。
所以去到酒店對面， 有一間24小時的食店 - Hotto Motto
兩位都買了個類似壽司及三文治二合一的包嚟食
壽司及三文治二合一的包
就係呢到
個樣真係咁嫁。。。仲要係好好味添呀。。。
（蕭C奶心諗，係最後個兩日一定會再幫襯）
個飯係日本米，唔駛講正啦
仲加埋塊厚午餐肉，仲有炒蛋。。嘩。。一流。。
蕭C奶只係試咗一啖，愛上。
呢張係國際通到影嚟玩吓的。。
第一日的行程係咁多先
好好休息，執拾好三日兩夜的小行李
明天準備出發去座間味島了
明天見。。
沒有留言:
張貼留言