沖繩八重山生麵@沖繩料理

2009年10月18日(星期日)

 

嘩...返咗成個星期工

終於等到今日放假

可以瞓番夠本

不過都只係瞓到下午兩點啫...

 

跟住起身梳洗

同少爺執少少屋企

蕭c奶就準備整個下午茶嘆吓先

整啲咩好呢....當然又係沖繩買番嚟的生麵啦

仲唔趁機會食咩???

 

今日擇咗係沖繩八重山的生麵

見到屋企仲有包雲吞，一於攞嚟煮麵食

呢碗有紫菜的，唔駛問當然係少爺嫁啦。

呢碗有無紫菜的，唔駛問當然係蕭C奶嫁啦。。

係沖繩買回來的 ‘海葡萄’，今日一於食哂佢。

不過，無係沖繩時即刻食的咁好味囉。。。

 

沖繩八重山的生麵，麵質比較 '張'口，唔係爽口的

無之前個款係超市買的咁好食，

不過唔知係咪因為蕭C奶煮得過火呢！

要下次再試先得。

 

食完日式TEA，我哋就開始煲日劇了。

因為無追好耐，要努力吓先得。

睇咗兩集，我地就要認真咁大執屋，

真係忍咗成個月有多了，好亂。

明天媽咪入嚟，唔可以咁亂，因為蕭C奶媽咪係愛整齊，

比佢見到咁亂，媽咪會好唔舒服囉。

就係咁執吓執吓又成六點。

蕭C奶又出去買材料做晚餐啊。

少爺咪係屋企到繼續執佢的亂攤子囉。。HAHAHA