一行三人@Yeah Show 2009 世界變

 

2009年3月7日(星期六)

今日約了媽咪同阿榮老公

一行三人先去藍田食個下午茶先

行咗一陣, 睇吓四圍的環境

跟住再去旺角

因為朋友介紹咗一個專買假髮的店鋪

媽咪現時的假髮係由阿姨所送

但其實並不太好看, 而且都唔係咁啱媽咪的頭型

所以一早就好想買個新的比媽咪

但又唔知邊到有得買

後來朋友介紹, 今日就帶媽咪去睇吓

擇咗幾款, 都咪話呀,

原來假髮都有好多學問的

真係有分焗唔焗啦, 真髮做的假髮, 定係假髮做的假髮,

價錢真係相差好遠嫁.

如果係三佰幾的就當然會焗好多, 質地都差啲, 又唔係太耐用而且還要厚身

跟住就一跳就到千三元左右, 比三伯幾的耐用好多,

質地靚好多, 最重要係透氣好, 唔焗身, 輕身啲

然後最貴的係用真髮做成的, 要成三千幾以上,

但係除咗質地好, 透氣好, 唔焗身, 輕身啲之外,

由於用真髮, 所以可以電髮, 染髮, 就好似真係你自己的頭髮咁,

聽到之後, 真係估唔到啊...好神奇啊

不過我哋真係有睇過啲真髮, 真係好真嫁...放咗落個頭到,

真係一啲都睇唔出係假囉....

聽完老闆娘的介紹

我哋決定擇千幾元那種

因為阿姨所送的都係幾百元那種

媽咪都話真係唔太靚

後來媽咪試咗千幾元那種

媽咪都說好輕身, 好軟, 好舒服

最後擇咗一款好似媽咪之前的頭髮

最好笑的係.....假髮都可以有師傅即場幫你修改

你想點剪, 分咩介, 都可以叫師傅幫你修改

真係好似自己去咗salon到咁囉..無分別嫁....

而且每個假髮咩顏色都有

真係唔駛驚佢只得一個色唔啱你

好lu...終於都買咗, 媽咪都好開心啊..

我同阿榮老公都好開心呢....

跟住我哋就要趕去紅館到睇show lu...

 

 

日期： 7/3/2009
活動： Yeah Show 2009 世界變 - 林以諾牧師大型棟篤笑音樂佈道會
藝人： 林以諾 、 孫耀威 、 森美 、 關心妍 、
             徐偉賢 、 高皓正 、 可嵐 、 文恩澄 、
             彭紀諺 、 張彥博 、 何基佑 。
時間： 20:00
地點： 紅磡香港體育館

好同事janet woo送來三張yeah show門票

請我, 阿榮老公及媽咪

謝謝她的邀請啊

我巳是第二次睇林以諾牧師的音樂佈道會

今次比上一次更好看

今次帶埋媽咪一齊睇

真係好好啊....因為大家都笑到肚都'亂'....

坐在媽咪身邊, 看到她狂笑的表情,

聽到她狂笑的笑聲,

真的令我心裡踏實了很多

再望望另一邊的阿榮老公

也是一樣笑過不停

真的令我心裡開心不巳

今天的行程很充實啊...

下一次我想同媽咪去南丫島或者山頂啊...