益力多芝士蛋糕 (內附食譜)

夏天好炎熱, 有時想食啲凍凍哋又酸酸哋的嘢,

因為咁樣先有胃口嘛...

今次特別介紹我N年前做過的一款好美味的芝士蛋糕...

益力多就大人細路都飲過,

但係將佢夾埋芝士, 做成一個CAKE

又唔知大家試過未呢...

好清新嫁......

希望大家喜歡啦...





材料： 

消化餅底:

消化餅…………………………………5 塊

淡牛油………………………………30g


芝士餡料:

忌廉芝士……………………………………………250g

糖……………………………………………………70g

淡忌廉………………………………………………………200g

魚膠粉…………………………………………………7 g

水……………………………………………………2 湯匙

益力多……………………………………2-3支 (我用左2支)



餅面:

益力多……………………………………………1支

魚膠粉…………………………………………………4 g

水……………………………………………………2g



做法：

(1) 將消化餅壓碎，加入牛油溶液拌勻，壓實於蛋糕模內雪凍備用。

(2) 淡忌廉6 分打發備用。

(3) 忌廉芝士加糖打滑至糖溶解，加入益力多拌勻。

(4) 魚膠粉加水，隔熱溶解，加進芝士餡內，再加入已打起的淡忌廉攪勻，

倒入消化餅底內，放入雪櫃凝固。

(5) 芝士餡凝固後，可以取出做餅面，把魚膠粉加水座溶，再加入益力多攪勻，倒入芝士餡面，然後再放回雪櫃凝固。

（6）脫模後可食用。

牛油曲奇 (內附食譜)

剛剛的xmas, 做了一款cookies作為party的其中一款甜點

謝謝煮婦們給我這個美味cookies的食譜

好味到暈...嘻..

謝謝好友們欣賞及喜歡

好友還說: 好味過'四重奏'及'jenny cookies'....^^

老實講, 我一向也不喜歡以上兩款cookies

我唔夠膽講係咪好食過佢哋

只能說, 各人口味不同.

這個食譜的曲奇, 確實是我自己很喜歡的口感及口味.

最重要每人能夠找到自己喜愛的口味了.

牛油曲奇

 

無鹽牛油       100g

糖粉   70 g

鹽      ½茶匙

低筋粉 200 g

蛋黃     1隻

 

做法:

 

(1)     無鹽牛油室溫放軟, 打至軟身CREAM狀(忌廉狀態).

(2)     加入糖粉及鹽打至淡黃色, 加入蛋黃打勻.

(3)     分兩次加入巳篩低筋粉打成面團

(4)     入雪櫃30分鐘,  取出用面粉棍壓平, 印模印出圖案

(5)     180度, 焗12-13分鐘, 即成.

朱古力脆曲奇(內附食譜)

最近好有心情, 係咁整cookies

以前最唔like做cookies, 係因為得細爐,

每次只能焗最多十塊八塊

唉...焗幾十塊要分幾次嚟焗

每次都焗到要好多時間, 所以一直都無心機做

但係呢排唔知做咩...嘻....狂整...

或許是因為受到家人朋友歡迎

所以才有動力.

謝謝家人及朋友喜歡...^^

朱古力脆曲奇   (大約30件)

 

無鹽牛油          115g

糖            58 g

黃糖      58 g

海鹽 / 幼鹽              2 g

蛋      50 g

中筋粉 /  低筋粉        160 g (中筋粉即係一半高粉+一半低粉)

梳打粉         2 g

V仔脆黑朱古力粒      38 g

烘香杏仁碎   58 g    (可改用合桃粒)

紅莓乾           50 g    (可改用提子乾)  

做法:

(1)     中筋粉/低筋粉及梳打粉過篩, 備用

(2)     溶解牛油, 變成牛油液體, 將它保持微熱.

(3)     將溶牛油, 砂糖, 黃糖及鹽拌勻, 再拌入蛋拌勻

(4)     加入巳篩粉類, 拌勻至沒有乾粉, 不要過度攪拌.

(5)     加入V仔脆黑朱古力粒 , 杏仁碎和紅莓乾拌勻.

(6)     把麵團雪入雪櫃至少一小時, 或一晚更好

(7)     取出麵團,  至室溫軟身一點, 將麵糊舀在不黏布上.

(8)     每個曲奇之間預留1吋距離, 因為每塊曲奇焗時會發大.

(9)     放入巳預熱170度的焗爐, 焗15-20分鐘.

昨晚再做 “朱古力脆曲奇” ， 今次試由中筋麵粉改用低筋麵粉，及雪一晚改了只雪兩小時，结果：颜色有分别，雪一晚的較深色，雪兩小時的較淺色。囗感方面，低筋粉比中筋粉更脆囗！(圖中左邊深色是用中筋麵粉，右邊淺色是用低筋麵粉。) ^~^

兩分鐘之朱古力蛋糕 (內附食譜)

真係兩分鐘就有得食... 實在...... 太魔鬼了 ~~~

以上這番話是COPY於BLOG友 ---  JO 姐的....


就是看過了JO 姐及偽主婦做了這個由廚房裡的人類學家莊祖宜

提供的不可思議兩分鐘之朱古力蛋糕

我便很想跟她們一樣試試...

嘩....果然...果然...不得了....太可惡呀....

除了材料簡單外, 隨手在家也不難找到的...

是它的做法過程.....快, 無難度

時間....也是快....不用等...

OH....若果在家真的百無聊賴

口痕痕, 想食甜點...

這個真的真的可以幫你止一點痕啊...


相信大家都想看看如何做出這快到無人有的甜品啦...

材料:  （兩人份）

麵粉   3 湯匙
朱古力碎   約3湯匙
可可粉     2湯匙
糖     4湯匙
橄欖油     3湯匙
牛奶   3湯匙 (我用了脫脂)
鹽 少許
蛋     1隻
雲呢嗱香油    少許

做法:
(1) 先將古古力切碎

(2) 把以上所有材料放在盆內, 我沒有份次序啊....

(3)  把將有材料, 拌勻

(4)  拌勻後, 把古古力漿倒入焗杯中

(5)  焗爐220度, 焗約十分鐘 (當中都要自行看火..., 

如果有微波爐,  800W至1000W, 只需要叮2分鐘咋....

(因為我無微波爐, 所以就要用焗爐了...)

 

(6)  出爐了....哈哈...個樣好樣衰衰呀....(下次要再試過先得...)





每人一杯, 唔駛爭食...用咁少材料就可以做到兩杯了...

不過今次焗得耐咗, 下次要焗少啲時間先...

仲有個樣唔靚仔, 都希望下次再試吓...

如果試咗OK, 下次有朋友仔嚟, 就可以好快有甜品招呼朋友啊...

實左啲呀...想做到有少少流心效果啊...

其實就唔係話好好味, 不過咁快又咁易的, 也算相當不錯了.

咁方便...你哋又會唔會去試吓整呢??

都幾好玩嫁...

順道介紹一吓這位BLOGGER-莊祖宜

入面仲有埋影片添...

廚房裡的人類學家 Anthropologist in the Kitchen

http://blog.yam.com/tzui/article/48113936

甜甜蜜蜜Macaroon

甜甜蜜蜜Macaroon

 

 

第一次學人整macaroon

原來都有好多技巧嫁

希望有機會, 有時間, 係屋企練習多啲啦..

香蕉muffin送給她他她

 

2009年9月4日(星期五)

 

上回講到很忙的一晚煮意

快手整咗個醉鴨舌送比蕉蕉及謝主任

之後就忙整香蕉muffin了

今次用咗新買的靚靚可愛焗杯

 

部份送比cherry及alan作新居

另一部份送給蕉蕉及謝主任

到時希望佢哋鐘意啦, 小小心意

 

 

 

今次蕭c奶好滿意呀

除咗焗得好靚仔之外

最重要係啲焗杯買靚啲真係唔同啲

係貴咗少少, but最緊要靚囉....

 

香蕉合桃muffin做法:

http://hk.myblog.yahoo.com/jobechan0911/article?mid=6011

芝士粟米田園麵包

 

係上個星期日整咗

芝士粟米釀雞翼 (內附食譜)

http://hk.myblog.yahoo.com/jobechan0911/article?mid=7417&prev=7442&next=7410

整的時候淨番啲粟米喎

咁橋蕭C奶又整咗麵包係到發酵緊

個腦袋諗吓....不如今次試吓加啲粟米及芝士

嚟焗麵包

就係咁...就試咗了

但係少爺覺得唔加粟米好啲喎...

我都覺得...

但係你哋咪千其以為唔好食

唔係...只係唔加咁咪啲芝士味出啲囉...

 

真係好多粟米呀...其實我覺得都幾好食呀

因為粟米甜甜哋, 芝士又咸咸哋, 唔錯呀

而家好鐘意整呢個麵包, 因為都有好多變化

入面都可以加好多不同的材料

而且我最鐘意佢....一啲油的成份都無

好健康呢...而家耐不耐都會整比少爺做早餐呀

 

大家不妨都試吓啦....嘻嘻

熱情果慕絲蛋糕

 

2009年7月25日(星期六)

 

下集....

 

係到煲緊條牛舌 / 牛脷時,

candy同我又準備整蛋糕的材料了

蕭C奶真係無見識呀, 都係第一次見咋,

而且仲未食過添呀...都好貴呀...

一個係14元呀....

未切好似一個無花果, 切咗一半,

入面就係咁了, 用嚟做啫喱面, 咁就有佢啲核囉...

因為有多, 所以整咗一碗, 今晚同少爺可以預先試食

哈哈...好味呀, 少爺話酸酸哋, 好啱而家天氣食

而且聽日大家都bbq, 一定會食得好飽囉.

酸酸哋, 一定會食得落啫...

 

完成品...中間係熱情果慕絲,

面層係用咗新鮮的熱情果做的啫喱面....

 

 

 

 

今日又開心可以做到呢個蛋糕

聽日bbq兼且慶祝朋友仔gavin生日

蕭C奶好耐無整新款蛋糕過你哋嘆lu...

聽日希望你哋like啦...

神奇的免搓麵包@田園風味@法包

 

2009年7月20日(星期一)

 

真係要同大家講 '早安'....

因為蕭C奶好肯定咁講

今日一定無人早得過蕭C奶起床

點解.....因為蕭C奶今日係零晨3點半起身呀...

呵呵呵.....瞓唔著...嘈醒咗..定係....蕭少爺錫咗落床...

通通都唔係....係因為..係因為...

要起身整麵包呀....

吓....唔係呀嘛....蕭C奶你開麵包鋪呀,

當然非也....係因為蕭C奶最近愛上了做這款

神奇的免搓麵包(No Knead Bread)

蕭C奶一直都好想整麵包, 但係平時啲麵包係要搓的,

而且發酵時間及室溫都要控制得準確

才可以做到好吃的麵包

所以蕭C奶一直都得個諗字....

而家唔駛了...雖然唔係整嗰啲

雞尾包, 菠蘿包, 腸仔包, 火腿包等等...

但係呢款仲健康呀. 因為係無油分的...

點解蕭C奶要半夜整

係因為呢款包的發酵時間需要14-18個鐘

而因為蕭C奶係係星期六的下午2點半開始計發酵時間

咁咪即係要到零晨先夠14個鐘或以上囉...

咁跟住發酵時間咗14個鐘後, 仲要將個麵團摺幾吓

又要再發酵多一個小時, 之後先可以去焗

就係咁...所以就要到今早零晨5點幾焗囉...

雖然今次係辛苦啲

但係比起上次第一次更加好

而且今次仲加咗啲芝士粒粒添...好味呀...

等蕭C奶大概講吓呢個麵包的做法比大家聽啦

只係將啲材料撈勻後, 由得佢放係室溫到發酵

跟住摺佢十吓咗右, 又再發酵多一個鐘

跟住就可以焗35分鐘, 即成

而呢個方法, 最重要係一定要用有蓋及可以入焗爐的器皿

咁蕭C奶就用咗康寧煲

記住一定要蓋及煲都可以入到焗爐的.

就係咁...係咪好容易呢..其實最麻煩係發酵時間要長

所以大家要預好自己的作業時間, 準備麵團,

其餘的都無難到囉...就算連小朋友都做到嫁...

材料:

高根麵包 250g,

全麥麵粉 50g, 

鹽1/2t+1/4t,

即溶酵母粉 1/8t,

水 260g

 

做法:

先將以上材料撈勻, 用保鮮紙蓋好,

放在室溫下待它發酵至14-18個小時

呢張圖拍於發酵後2個小時, 大家睇吓, 同第一張圖比較,

個麵團係發大咗少少了.....

而呢張如果無記錯係發酵咗8個小時左右,

又大咗了......好得意呀...

之後的步驟沒有拍照, 稍後補上....

經過14-18小時後, 用刮板將麵糊取, 放在鋪有麵粉的布/枱,

以對折方式整形, 最後再撒些麵粉, 進行最發酵約1小時,

焗爐預熱230度, 經過發酵約1小時後, 將麵糊放入康寧煲,

蓋上蓋後, 焗25至35分鐘, 即成

呢個就係今早的新鮮出爐的法包啊....

外脆內軟.....如果無加芝士粒粒,

就可以伴黑醋橄欖油或牛油享用

以上的份量可以焗到兩個法包 (每個size 如上圖)

焗後的成品, 表面呈金黃色, 表皮薄脆, 組織鬆軟,

同時還有大大小小的孔洞, 就好似中歐式田園麵包啊...

呢個包真係好健康嫁...真係一滴油都無嫁..

 

今早給少爺帶了半個做早餐

今早接到少爺來電....說很美味啊..而且今次還有芝士粒粒添...

另外那些, 給了gigi及同事品嚐

他們也說這款麵包很美味

外脆內軟, 味道剛好, 他們還嫌不夠吃啊...

他們還說真像在出面買回來的啊...嘻嘻....

蕭C奶都覺得這款麵包的而且確很美味又健康

在這裡介紹給大家

希望大家有機會試試做吧...

另外, 多謝各同事的讚賞啊...

第一次做的法包, 可click以下觀看:

http://hk.myblog.yahoo.com/jobechan0911/article?mid=6491