敗婦煮飯仔小聚

敗婦煮飯仔小聚——六餸一湯及甜品，大滿足！

素湯
薑蔥炒蟹，
金不摸煮蜆，
炸排骨，
蕃茄蘋果汽酒燉牛肚，
素炆猴頭菇，
蒜蓉炒油麥菜
及
北海道牛奶布甸

（好美味*^o^*）
真係好開心 ，有一班愛烹飪的朋友！






話說少爺出外工幹....哈哈...我就靜靜雞一早約了敗婦們來我家玩煮飯仔.

(一知道少爺出外工作, 我三秒三就即刻約人了....KAKAKA)

一起合力煮餸, 一起品嚐

敗婦們一直都很想試試素湯

我便煲了素湯及煮了素炆猴頭菇

豪姐就煮了炸排骨及薑蔥炒蟹

(超好味呀, 個炸排骨, 我仲以為咁早炸定會好快淋,

但係一啲都唔淋, 仲要好鬆脆呢.  一定要自己試整.

仲有個薑蔥炒蟹, 夠鑊氣之餘, 仲要好食過街邊)

還有維媽的金不換煮蜆, 好香金不換味呀,

有學到多一款的有關蜆的菜式.

還有小杯的蕃茄蘋果汽酒燉牛肚,

一聽個名就知正, 有我喜歡的蕃茄及牛肚,

牛肚我咁大個女都未煮過, 所以小杯一話煮,

我即刻唔客氣咁話: 好呀, 我想試吃.

初時大家都諗, 得五個人, 咁多餸, 邊鬼食得哂..

哈哈...點知...都掃鬼哂啦....啦啦啦...

好閧心呀, 真係好鐘意又愛吃又愛煮的妳們

隔熱套裝@敗婦聚會

2013年8月10日(星期六)


敗婦們來我脾家gathering, 一直在想，
很想親手做一些handmade的小礼物送給她們啊！
Happy Cooking!


小小驚喜送給你们，看見你们收到的開心look , 我十分開心滿足，
感謝您們常給我Happy Moment!   


(如果維媽，小杯及豪姐都能來, 就好了！)


十分喜歡這張大合照.....其實我們在隔熱墊背後, 都笑到KAKA聲嫁....





這樣拍.......好似好型喎....













一吓子做了七套....

每一SET都設合每一位敗婦的....哈哈...















這一張, 很像家居鞋...




這次能夠順利完成,

要特別感謝好朋友CANDY的幫忙

髀家之私聚@敗婦聚會

2013年8月10日(星期六)

Happy gathering…今天敗婦們來到我家，謝謝大家來臨啊！

（已經緊張左兩星期吖，哈哈●﹏●）



這次的GATHERING, 為何選在我的家舉行?

因為我也買了KM (KENWOOD)的專業攪拌機

所以邀請了敗婦們來為我的KM開光..KAKA...



其實因為我家超細小

雪櫃又細, 所以一直在想, 可以做點甚麼東西招呼敗婦們呢?

加上她們位位也是烹飪高手啊...所以我特別緊張呢..

也因為我明知自己雪櫃不能放太多東西

事前就請了敗婦SICI及敗婦MRS HORSE幫忙

SICI幫忙做甜品, MRS HORSE幫忙做一款小吃!

感謝倆位!!


***********************************************************

最後我只準備了三款小吃

**  涼拌木耳

** 花椒醉鴨舌

** 黑椒楓糖雞翼


幸好, 各位敗婦們也喜歡這小小的小吃...


還有sici 的homemade cake-抺茶芝士蛋糕
 
及Mrs Horse的 牛展




我們吃了小吃後

重要的環節來了...

就是...為我家的KM開光....

感謝敗婦MRS HORSE及偽主婦帶了壓麵器及切麵器來

即席教我做自家製意粉

嘩..超好玩呀...有了這套配件, 就能輕易做自家製意大利麵








另一重要環節, 緊接著....鄧鄧鄧鄧....

就是敗婦芝帶來了一只銅鍋來給我們試玩...

YEAH....

首先我們請了客席主廚偽主婦來做示範

有敗婦要求煎雞蛋及炒蛋.

真的很好笑, 很好玩...(聚會玩煎蛋, KAKA)

銅鍋加上明火...強呀!





玩完煎蛋

就來玩煎中蝦..

原本試埋煎帶子嫁...但係...某敗婦忘記喎...KAKA...

嘩...銅鍋的威力果然驚人

傳熱程度超快,

這些中蝦, 我只是在恵康買來的冰鮮蝦,

平時我買過, 可是怎樣煎也都不夠爽口及脆身??

原來真的和烹調工具有關嫁...

這個銅鍋簡直是煮食的好拍檔

它可以把廉價的食材, 一吓子變成了高級食材啊...

所以...所以呢.....我當然也立時敗了一只...wakaka...




意大利麵正在晾乾...

本應應該要用掛麵條的架的..

可是我覺得(暫時) 不需要敗

就學其他敗婦一樣, (暫時) 用著衣架來掛麵了...嘻..





麵至少掛20分鐘左右,

掛到乾身了, 就可以煮...

我們煎完蝦, 就來炒一個香蒜白酒意粉

偽主婦先示範一次

另一碟就我來做啊...(實在太太太開心了, 有偽主婦親自教授, 多興奮啊..)

有高手在旁, 幸好我也沒有丟臉啫....總算合格吧!







yeah....漂亮嗎....

這就是我們即席做的意粉了...

大家又一起品嚐啊...

嘩....蝦非常脆呀....超正, 好味呀...

很想快點有個銅鍋, 我很想很想做給少爺品嚐呀..

還有煎帶子呀...因為帶子很快出水,

所以未曾試可以煎到帶子好味啊..

很想很想....做....



品嚐了所有小吃

剛巧八月份是mrs horse的生日

我們就即時用sici做的蛋糕來慶祝mrs horse的生日啊...

這個抺茶芝士蛋糕

我很喜愛, 因為我愛抺茶

而且sici這個抺茶粉也夠抺茶味.

找次我也來做一個.






幸好也有幾只似樣的碟來盛著這美味又好看的蛋糕啊....




mrs horse.....happy birthday啊...

祝您廚藝更上一層樓....越煮越開心...




今天非常謝謝各位敗婦,

謝謝sici及mrs horse的幫忙


更要謝芝士带來铜锅，偽主婦的示範，

再再謝謝带了意粉配件給我即席玩homemade pasta。

（銅鍋及km 配件的魔力太勁了！(>﹏<)）



實在開心，興奮，緊張，感动，謝謝您們給我过了愉快的一天！

【深夜食堂煮婦同樂會第56話】水煮蛋

【深夜食堂煮婦同樂會第56話】水煮蛋


各位, 好耐無見了....kaka....我逃課了很多啊...

真在太太太忙碌...(有時想, 為何大家都有這麼多時間寫blog啊 @@)

我真是忙到連睡覺也不夠

早幾天跟敗婦們傾開, 這次的題目實在太容易到不能再容易,

無理由唔交功課嫁

加上加上....早前從首爾敗了兩只'雞蛋碟', 十分可愛

那我就可以順便開光及交功課....嘻...^^

老大這次出的題目, 真在太便宜我這位大忙人啊...





鍋內加入水及雞蛋, 開火, 把雞蛋煮大約20分鐘

完成後, 把雞蛋沖凍水, 把雞蛋冷却, 扑開雞蛋殼, 食得!!





鄧鄧鄧............粉紅小雞蛋碟 及   白色大雞蛋碟

真係好好好可愛.....好好好靚呀...

朋友問:  除了放雞蛋, 還可以放甚麼??!!

其實自己可以動吓腦筋的....

睇吓下次我又如何好好善用這兩只雞蛋碟了...

【深夜食堂煮婦同樂會第45話】粉絲沙拉

【深夜食堂煮婦同樂會第45話】粉絲沙拉




最近天氣時涼時熱, 這種悶焗的天氣, 實在會令人無胃口啊..

今天介紹一道醒胃的菜式給大家

酸酸地會令人胃口大開呢...

就是粉絲沙拉!!

沙拉通常用水果或者蔬菜, 今天這一道沙拉主角是粉絲

用上日本的粉絲, 又滑又煙un, 十分合適天氣悶熱的時候吃.

而且這一道又是清廚房的好菜式 哈哈.




材料:

日本粉絲    1包

小黃瓜    1條

紅蘿蔔    半條

洋蔥 / 紅洋蔥 半個

木耳     適量

火腿片    2片

蟹柳    數條


調味汁:

醬油    40ml

米醋 / 白醋    35ml

味醂   40ml

砂糖   適量

麻油   適量

白芝麻 少許



做法:

(1)   粉絲浸軟剪小段, 木耳浸軟切絲,  紅蘿蔔切絲.  把粉絲, 木耳絲及蘿蔔絲用熱水燙過後,

    用冰水沖, 瀝乾備用.   火腿也切幼條, 用熱水燙, 但火腿只能輕輕快手燙過, 不然會過熟.

(2)  小黃瓜刨絲, 洋蔥切絲, 備用.  

(3)  將醬油, 米醋, 味醂及砂糖混合拌均後, 加入麻油, 試味.  若不夠味, 自行調較到你喜歡的味道.

(4)  調好後, 拌入粉絲, 紅蘿蔔絲, 木耳絲, 火腿絲, 小黃瓜絲及洋蔥絲與調味汁拌勻.

(5) 拌勻的粉絲材料放在盤中, 撒上芝麻, 再擺上蟹柳絲即可.

Homemade Tea Buffet @ Mrs. Bear&#39;s Home

2013年4月27日(星期六)

謝謝mrs bear的邀請, 到她家舉行一個小小high tea 派對.



吃過Mrs Bear 的Homemade Hightea,
我已經不想再去那些甚麼甚麼hotel的hightea了!！

無論視覺及味覺都是無敵享受！！ Thx Mrs. Bear ^^







連包住叉都包得咁鬼C靚....





開餐了....乾杯!!!




WOW....其實我覺得MRS BEAR呢一個放了食物的位置,

實在太太太美了....

你看....未食都巳經被吸引著了.




看看MRS BEAR為我們準備了甚麼??

通粉沙律 ----    好好好好味呀!!!!  真的...非常好味, 我吃了很多啊..

魔鬼蛋 ----   放在LC上, 更加要加分囉...KAKA...

士多啤梨 ---  又大又甜

水果蛋白蛋糕 ---   這款甜點也是十分好吃啊...煙煙UMUM的, 超美味.

還有三文冶等等....




看....每樣一款...



真的很喜歡MRS BEAR的SETTING

忍不住拍了幾張照片啊...









今天又非常開心, 過了一個輕鬆又高貴的下午.

MRS BEAR希望再有機會品嚐你的美食啊...

謝謝您!!!

韓風小聚@MRS HORSE&#39;S HOME

2013年4月13日(星期六)


又來小聚啊...老老實實...我真係肥番咗了..

因為成日都同敗婦們小聚, 飲飲食食, 又開懷...

真係明顯地肥咗添....

前幾日先去完小杯家...今天又來開餐...

就快見敗婦多過見少爺


今天來到mrs horse家, 又來痴餐, 嘻嘻..

嘩...真係好鐘意mrs horse餐枱setting

靚到呢....

全粉色...pink pink...





首先...MRS HORSE為我們先準備了幾款小食

有韓式的紫菜, 菇菇, 魷魚絲

還有卷蛋...(其實我唔知佢叫咩名堂嫁....哈哈...)

依然都係大愛那些韓式前菜啊...超級好下飯呢.

還有韓式南瓜粥...好好味, 同埋好特別啊...

所謂南瓜粥, 又唔係我哋的廣東粥咁嫁, 其實係南瓜蓉,

甜甜哋, 仲會配埋糯米湯圓一起吃添...這個我十分喜歡.

因為湯圓及南瓜我很喜歡吃.






韓式石鍋拌飯

MRS HORSE改用了美麗的LC花花鍋....

只看外觀巳吸引著我們了...一看便之一定十分美味

果然...一試美味非常啊...

實在太太太有口福了....謝謝馬太.




重點之一......韓式炆牛肋條

又是太好味了.  用上自家製梅汁, 再加其他的自己調味出來而炆的牛肋條

謝謝MRS HORSE親自教授我們啊...

待我們的梅汁收成時, 我必定會做一次的.




吃過了午餐, 因為之前我跟偽主婦巳學了自製泡菜

這次就待其他煮婦學吧.

而我又再看多一次...(其實我都學了兩次了, 係時候要做吓功課先得,

但係....真係未有機會....KAKA)

再學多一次, 都依然好鐘意學, 因為好好玩囉...

再次謝謝MRS HORSE, 這次她又送我一小棵泡菜啊...

嘻嘻.....好開心, 又吃又拎...(很像很貪心似的呢...^^)






能夠再次吃到韓國馬太太的韓式美食，大滿足！

韓式前菜，南瓜甜粥伴糯米湯丸，石頭伴飯，韓式牛肋條，實在太美味！
 
馬太謝謝您！

還有謝謝您送我的自家泡菜啊

還有還有....謝謝煮婦們又和我過了一個愉快的假日.

期待下一次小聚..

【深夜食堂煮婦同樂會第47話】木耳炒蛋

【深夜食堂煮婦同樂會第47話】木耳炒蛋


哈哈...咁橋屋企有木耳絲...梗係順便做埋功課先.

因為我又走咗課幾次了...呵呵...(今次仲唔攞第一...WAKAKA..)

呢一個題目, 我無睇過漫畫點整呀,

不過臨時整,  我當佢好似平時啲白飯魚炒蛋
或者菜脯煎蛋的原理咁做.

超容易, 又好味, 又健康囉...



木耳炒蛋

材料:

雞蛋   2隻

蔥花   隨意

木耳絲   隨意


調咪料:

鹽     小許

豉油     小許

麻油     小許

喼汁    小許



做法;

(1)  木耳浸軟, 切幼絲, 瀝乾水份, 備用.

(2)  雞蛋打勻, 加入蔥花拌勻, 再加入鹽, 豉油, 麻油拌勻, 備用.

(3)  燒熱鍋/pan, 加入油, 先爆木耳絲, 炒片刻,

   再加少許喼汁炒幾吓就得嫁了.

(4) 然後跟手加入巳拌勻的雞蛋, 先煎一面, 再反轉煎另一面.  完成.


真係好容易呀, 又多一款煎蛋的餸.

傳說鴨飯聚@小杯家

2013年4月10日(星期三)


蕭c奶實在好幸運又幸福,  謝謝敗婦們成日都預埋我參加小聚啊. 
感謝!!!

敗婦們之前約好了一齊到小杯家dinner

今天的主菜主角.....是傳說中的葡式鴨飯.

yeah....超期待啊...


這一次的小聚, 一共有十一位敗婦...

wow....三個女人一個墟...相信大家都想象到當晚的情況吧!!


先來看看小杯為我們準備的晚餐:

先來兩大碗沙律菜

老大一早放工, 來幫小杯手呢.

這就是我之前在家做的佛卡夏(意大利香草包)

就是這晚吃過老大做的後, 深深愛上, 而老大說非常easy 做

咁我就試....實在太太太好味.






鄧鄧鄧.....

今天主菜:  焗葡式鴨飯


今天可以有幸品嘗到實在太太太好了...

其實今天我是吃素的, 所以呢...我只係試咗啲飯嫁咋...

但巳經非常非常之好味!!

這個鴨飯的製作過程, 也非常多功夫呢,

又要先焗好鴨, 又要拆肉, 又要煲飯,

又要調味, 又要再攞去焗爐焗...

wow...好味原因就係咁了...想吃好野, 就要付出心機啊..





吃過了美味的鴨飯...

wow...小杯還做了一大鍋的海鮮喇沙湯米...

個湯我全部清哂...就知有幾好味啦...不需多講啦..







當晚...我們敗婦們一傾就傾到深夜十二點了

自從做了c9, 我巳經好耐未試過咁夜返屋企了...kaka...

其實大家還想繼續傾呢...都唔拾得走...

大家一講敗家嘢呢, 就你一句我一句

嘻嘻哈哈, 時間就咁過去...

好多謝小杯啊...

也多謝敗婦們給了我一個愉快又輕鬆的晚上.