【深夜食堂煮婦同樂會第47話】木耳炒蛋

【深夜食堂煮婦同樂會第47話】木耳炒蛋


哈哈...咁橋屋企有木耳絲...梗係順便做埋功課先.

因為我又走咗課幾次了...呵呵...(今次仲唔攞第一...WAKAKA..)

呢一個題目, 我無睇過漫畫點整呀,

不過臨時整,  我當佢好似平時啲白飯魚炒蛋
或者菜脯煎蛋的原理咁做.

超容易, 又好味, 又健康囉...



木耳炒蛋

材料:

雞蛋   2隻

蔥花   隨意

木耳絲   隨意


調咪料:

鹽     小許

豉油     小許

麻油     小許

喼汁    小許



做法;

(1)  木耳浸軟, 切幼絲, 瀝乾水份, 備用.

(2)  雞蛋打勻, 加入蔥花拌勻, 再加入鹽, 豉油, 麻油拌勻, 備用.

(3)  燒熱鍋/pan, 加入油, 先爆木耳絲, 炒片刻,

   再加少許喼汁炒幾吓就得嫁了.

(4) 然後跟手加入巳拌勻的雞蛋, 先煎一面, 再反轉煎另一面.  完成.


真係好容易呀, 又多一款煎蛋的餸.