Happy Father's Day

過往的兩年，非常討厭父親節

因為看著朋友們能夠跟父親渡過

看在眼裡，卻痛在心裡，

不是嫉忌，而是羨慕

 

兩年沒有跟父親聯絡

這種滋味實在難受極了

這兩年內,發生了太多太多的事

為了逃避, 我卻失去了跟父親相處見面

的珍貴時刻

今年...我不再容許自己白白的讓這

珍貴的時刻溜走

反之...我轉變了心態

不再逃避, 接受現實

更重要的是我不再執著

而是要珍惜每一秒可以跟家人

一起的時刻

 

有些事情,既成事實

怎樣逃避也不會改變事實

事實終是事實

明白了這一點

不再執著, 的而且確

心...輕鬆了

笑...也出於內心

 

父親節這天

心情有點緊張

不竟父女兩年沒有見面

這刻就像一對情侶

分手多年後, 再見面的情境

既開心, 又緊張, 還加了一點點的甜意

 

見到爸的樣子

我沒有哭

反之開心

雖兩年沒有見面

但大家有著滔滔不絕的話題

爸說了一句話:  好彩仲有個女記得我!

我聽到,即刻回答: 我一直都無忘記你, 係你唔記得我至真.

說罷, 倆父女互相笑了.

 

我想當爸爸接到電話

約他父親節出來飲茶

我想爸爸的心情也和我有著同一的感覺

開心, 緊張且甜蜜....

打破了這次的冰冷局面

回想起, 自己真的變了

有很多事情, 不應該看得這麼重

反觀順著天意, 不要執著,不要強求, 不要過於緊張

事情總會有彎轉的

 

爸爸...永遠都沒有人能夠代替你

你永遠都是女兒的好爸爸

沒有你, 就沒有我

感謝爸爸,

祝願爸爸身體安康, 平安快樂!

 

爸爸.....父親節快樂!

 

願我能和你渡過以後的父親節!

你願意嗎?

家有一老, 如有一寶.

2009年6月1日(星期一)

 

好開心啊...

因為早幾日蕭少爺執好咗間細房

鋪好啲新床單, 被鋪....

今晚返媽咪家吃飯時

'燈燈燈'.....邀請咗媽咪嚟我哋到住呀...

嘻嘻.....媽咪不知幾咁happy呀....

因為媽咪知道我哋原來秘密咁

執好間細房, 又買哂新的被鋪,

請佢入嚟住....呵呵呵...

媽咪個心一定甜到漏兼好感動囉

我諗佢好開心, 尤其係個女婿請佢囉....

哈哈...真係抵錫...

抵我蕭C奶嫁比你蕭少爺的....

好興奮呀....好期待媽咪入嚟住啊...

到時可以同媽咪一齊睇日劇 lu...

 

恭喜家姐成為業主啊...

2009年5月24日(星期日)

 

今日落好大雨啊...

約咗蕭少爺的家姐12點

陪家姐睇樓啊...

好開心, 真係好戥家姐高興

因為呢日全家人(除咗奶奶, 因為佢要返工)

一齊陪家姐睇樓

地點為屯門的康德花園

好抵呀, 542尺, 實用面積可以講係八成半以上

個廰勁大, 房又係勁大及好實用

至於景觀嘛...好正呀

因為前面無樓擋住

望到好遠的山景, 好舒服

而且仲係高層添

全家人都好鐘意呢間屋

業主開價100萬

最後係97萬三千成交

好興奮啊....

一直都無諗過原來康德花園啲間隔咁好用咁大

真係好值得住呢

而家啲新樓靚就靚呀

但係啲問隔就好細呢....

新樓有新樓好

舊樓有舊樓好

都係嗰句啦,

最緊要係自己鐘意就得了

講時講蕭C奶就最憎啲人

去到人哋屋企又或者自己都未有錢買到樓

就係咁話人哋間屋點樣唔好呀

位置唔好呀, 好唔方便呀,

間隔唔係好實用呀

如果係我就唔會買呢到呀

總之就多多嘢講嗰啲啦....等等類似的說話

可能因為蕭C奶覺得自己都未有能力買啦

唔應該去話人哋間屋囉...

有時少少中肯意見無所謂

最討厭啲多多意見

但自己又唔係有本事的人係到講呢樣講嗰樣...

其實講以下的說話係無所謂

其實應該咁講

睇吓比意見嗰位啲語氣同態度先啱

唔講咁多口水了

費事煩到大家lu...

總之今日好開心啦

蕭少爺的哥哥最先買樓

而家輪到家姐

下一個應該係蕭少爺了啩.....

順序嫁, 有規有矩, 嘻嘻

最後再次

恭喜家姐成為業主啊...

回憶@爸爸

今早坐車上班途中

沒有如常睡覺

望出窗外

腦海忽然想起了爸爸

想起了很多與爸爸一起的情景

令我會心微笑

想起童年時爸爸常常和我到公園裡拍照

想起爸爸於跑馬日裡努力讀書的情景

想起爸爸彈樂器時的表情

想起爸爸唱卡拉OK時的歌聲

想起爸爸兒時帶我到海灘拾蜆的畫面

想起爸爸說笑的模樣

想起很多很多。。。

當看見一些地盤工人時

更加想起爸爸上班時的模樣，表情

令我想起以往爸爸每天放工回到家時的樣子

很懷念。。很懷念啊。。。

爸爸是我最疼的親人

沒有他， 我不會在這個世上出現

沒有他， 我不會學懂是非黑白

沒有他， 我不會學會獨立

沒有他，  我不會學懂儲蓄

沒有他， 我不會學懂人性的一面

沒有他， 我不會學懂珍惜所有的一切

很多的教誨，無論好與壞，我都是從他身上學到的

爸爸多謝你一直以來的教導

爸爸永遠在我心裡都是最好的

沒有人可以代替你，取替你

希望你一切平安，健康，快樂！

當中的路, 無論有多難捱, 多苦, 我和你都一定可以安然渡過的.

癌症....這兩個字對於我來說,

常在報章雜誌看到,

常在電視電台聽到,

也常在別人身上看到.

雖然常看到, 常聽到,

但對於這個名, 我還是一直都很陌生, 很不了解,

但原來一直很陌生的, 對於現在的我,

要開始了解它, 接近它, 面對它,

真的...從來沒有想過會與'它'有這麼近的接觸, 真的沒有想過.

但事實的是, 我必須要了解, 接觸, 面對'它'.

一聽見這個'它', 心裡真的很焦慮, 疑問, 不安, 害怕, 百感交集.....

中國有云: 針唔咭到肉係唔知痛.

我想現在我就是這樣吧....

我很怕別人問我:  為什麼會這樣的?

我真的很不喜歡別人這麼問我.

算我得罪及坦白說: 若果我真的知道為什麼,

我就不會這麼煩惱吧!

更何況的是, 要我怎樣去答你這個'為什麼'的問題呢?

請不要再問我'為什麼會這樣的?', 好嗎?

我真的很討厭這麼問我....真的求你們不要再這樣問.

因為跟本沒有原因, 沒有答案的.

你們可以問我, 最新的情況, 最好的方法,

說一些比較正面的說法, 想法, 方法, 還好.

我想這是我現正最需要的力量.

真的很感謝, 身邊的所有朋友,

你們的關心, 體諒, 細心, 包容, 開解, 安慰等等

對於我來說, 真的給予我和我的家人很多力量去支持下去.

幸好的是, 我和我的家人做事都是較正面, 較積極的,

我也相信有你們的支持, 鼓勵,

再加上我和家人共同努力, 加油, 積極地去面對,

我深信我最愛的媽媽一定會打勝仗的.

媽咪...有這麼多人在背後支持你和我...請信我這個囡囡,

 

我一定會好好保護妳, 照顧妳, 陪你渡過這個關口.

 

當中的路, 無論有多難捱, 多苦, 我和你都一定可以安然渡過的.

 

我相信每一樣事情, 只要有愛, 盡管有多難多苦,

 

一定可以衝破所有障礙.

 

 媽咪....有我在, 不用驚.

操勞過度

最近因為身體不適, 要多休養,

醫生話我可能之前太過操勞,

而家要多休息,好多操重工作都唔好無住,

攪到有好多家務都無得做喎...

咁點得嫁....

 

阿榮老公知道咗之後,

呢個星期我超爽呀,因為全部都由阿榮老公負責了.

我都有做的,不過就真係一啲較容易的及表面的,

而洗碗,拖地,晾衫,摺衫,攞重嘢等等.....

全部都包係阿榮老公身上..

佢話喎...原來做家務真係唔容易,   

而且都要花好多時間去做及做到佢出好多

,

其實都好的,比佢做吓,

等佢知道我平時係幾咁多嘢做了...

唔係佢以為我好爽囉!  

今日最好笑的係....食完晚餐後,一入到廚房,

走返出嚟,阿榮老公就同我講:

原來美食背後, 係要付出咁大代價的.

(咪就係其實要洗好多嘢囉.....哈哈!)

  

 

 

呢個星期屋企人知道我唔係好舒服,

擔心死老爺,奶奶同媽咪了,

媽咪就即刻幫我買定啲餸, 煲咗湯比我,

~~~

奶奶就經常打嚟問候,

仲吩咐埋老爺煲湯攞入嚟天水圍,

老爺好到仲驚死我無菜食, 又買咗啲比我哋,

令到佢哋擔心, 真係唔好呀!

我要好好咁養好個身子,

唔好攪到啲老人家咁擔心先得呀!

 

 

身體唔好,好彩有阿榮老公係身邊炸...

老公呢排辛苦你了.....

不過我好想同你講:

愛爆你呀!

因為你好抵鍚囉.....

(唔係個個老公都好似你咁好嫁....)

kakakakakakaka......

 

 

擔心阿哥

前幾排阿哥因為工傷,經常都要出入醫院, 嗰排真係好忙,又要幫阿哥跟工傷的事. 講真,我真係好擔心阿哥,佢呀,傷到個右邊面及右邊的眉的位置. 當日,阿哥諗番轉頭都好驚, 出事的時候,傷口係咁流血,我阿哥當時仲攪笑,以為: 嘩,咁大雨的, 即刻上番地面先, 一上番地面,佢另外三位同事見到我阿哥咁樣,佢哋都呆咗一陣,先有反應,阿哥見到佢哋咁的樣,打開隻手睇吓啦.....嘩, 咁多血的,先知道自己原來傷咗. 咁啲同事咪立即送佢去醫院囉! 去到醫院阿哥都未知自己有幾傷,個傷口有幾深, 當係醫院時,阿哥照吓鏡,一睇: 阿哥個心就開始驚,原來眉頭個到傷到見頭骨呀!哎呀,好恐怖呀! 阿哥開頭同我講,又話無咩事啦....當我去到見到佢, 哎....其實個心好痛囉! 而我媽咪見到阿哥,其實個心又係好擔心阿哥,又好心痛.

由於阿哥係將軍澳到番工,所以要送阿哥去最近的醫院.大家都知我住邊區啦! 所以好唔方便囉,同埋真係好遠,我就嗰幾日都放咗下午去探阿哥,而阿媽就辛苦啲囉! 好彩住咗幾日就出得院了.

其實自從阿哥工傷之後,我感覺到阿哥變咗少少,老實講,以前阿哥唔會講好多自己嘢比我知,無論開心定唔開心,有事定無事,小事定大事,阿哥都唔會主動同我傾. 我記得細個的時候,阿哥好錫我,阿哥有好多時都會同我傾吓的,但係到咗大個之後,阿哥就唔係點理個屋企,無關心屋企的人或事,係呢十幾年裡面,其實我都好唔開心呢方面,有時諗,一家人點解唔可以開心見成講呢?有咩嘢係唔可以解決呢?一家人係可以共患難的?我其實好嬲阿哥,係呢十幾年裡面,佢咩都唔理,做任何事都只係為自己,永遠都唔會諗吓身邊人的感受,好自私呀! 但係好奇怪,無論阿哥點都好啦,佢都係我阿哥,係我的親人,我愛我屋企人,所以我知道只要有'愛',咩都可以解決到.

而家阿哥都好啲,佢都會主動同我傾吓,同我講,都會肯聽吓我呢個妹妹講. 不過,我唔敢諗得太多,或者太好,因為我怕,我怕到頭來有係得個'吉'字.我唔想希望完又失望,有時我真係受唔到咁的刺激. 我真係好希望阿哥識得諗,為吓我呢個妹妹著想吓,又為吓媽咪著想,為吓嘉豪仔著想. 平平淡淡過啲安穩的生活,一家人開開心心,健健康康就最good了.

擔心媽咪

最近好唔開心,因為擔心媽咪的身體,點講好呢?當我發現媽咪突然有高血壓,個心沉咗一吓,好想喊,好唔舒服,好心痛.媽咪一直身體都好好的,我知媽咪因為擔心阿哥的事,又擔心阿婆的病,令到佢唔開心,一個人唔開心,就會容易有病,所以我真係好擔心. 我可以做咩呢? 我只可以每天打個電話關心媽咪,叫佢唔好諗得太多,要小心身體. 我見到媽咪唔開心,我自己又唔開心,所以我決定同媽咪去旅行散心,不過,都要等阿婆的病情穏定先,我今晚都有問過媽咪阿婆的情況,媽咪話都係未好番,我諗媽咪一定好擔心,就好似我擔心佢一樣. 所以未知去唔去到旅行,因為我都知媽咪會唔放心阿婆,我都係,所以睇定啲先.

有時覺得自己因為自己的家事,好唔開心,好想同朋友傾吓,但係......又唔知應該點講好?又唔想煩到佢哋?聽得多都煩啦! 好彩而家我有阿榮老公,真係好彩有呢位好好的老公,好似星期六咁,好唔開心,老公訓緊覺,我走入房望住阿榮老公,攬住佢,個一刻我終於忍唔住喊咗出嚟,就係咁,嚇到阿榮老公即刻醒咗,問我做咩呀,做咩事喊呀.....我就只係係咁喊同寧頭,都唔想講,只係好想佢攬住我,當阿榮老公攬住我的嗰一刻,個心舒服咗好多,定咗好多,擔心都少咗,唔開心都無咗九九十十.

'愛','真誠','包容'

 

雖然這幾天為了爸爸的事而擔憂,所有不好的感覺都出現在我心裡,但難受的都要去面對,也要好好的把事情處理.今天終於把心裡面想對爸爸說的,都一一對他說了,無論結果如何,都把我多年來的心裡話說了出來,這感覺實在太美妙了,因為我將一塊很重的石頭搬開了,心裡也舒服了很多呢?

 

今天的確令到爸爸很宊然,驚訝吧!我想他沒想到我會對他說了這樣的話,他走後,我在想:爸爸明白我嗎?爸爸知道事情的嚴重性嗎?爸爸了解到我的需要嗎?爸爸清楚其實有些事情可以有轉彎的餘地嗎?爸爸心裡究竟想著甚麼呢?等等.....的各種問題,都在我的腦中想著.我想,他會明白及了解的,只是一時之間未能消化到吧!

  

我不喜歡怨恨,仇恨這些東西,有時身邊的朋友或家人都會向我吐吐苦水,把他們認為的怨恨說了出來,有些的確可以理解得到,不是他的錯,又或是不是他想的. 但有些永遠也不想想為甚麼'怨恨'往往都會發生在他們身上呢? 煩事都有兩面的,要消除心中的'怨恨',首要的要學會放下,放手及寛恕別人,還要懂得體諒別人,把心中的成見放低,把自己當作是第三者,用另一個角度去看看事情,把自己的角色對調,感受對方的感受,這樣你會發現,事情並不是你想像的那樣.

 

人往往都是很愛'贏',不肯認'輸',為了面子或一時之氣,都會令到事情沒有轉彎的餘地,值得嗎? 做錯事的一方,為甚麼不可以放下面子,誠懇一點去認錯以及改過.而接受者的一方,為甚麼不可以大方一點,寛容一點,體諒一點,包容一點,去接受攺過旳人呢? 其實無論家人,朋友,同事,大家有緣可以認識,可以做到心交,可以做到一家人的,其實都在乎大家心中有沒有'愛','真誠','包容',無論發生任何事都可以一一迎刃而解,這是我一直的想法.

 

在這麼多年來,我最渴望的是我的家可以重新開始,家裡的所有人都能把所有的積怨拋下,放下,在將來我可以好好的考順他們,和諧相處,一團和氣.多年來的願望可以實現嗎?我真的不知道,但最起碼的是我這麼多年都沒有放棄家裡每一位成員,無論他們做錯了很多事情,但我並沒有逃避,離開,因為我一直相信只要有'愛','真誠','包容',終有一天他們會明白我的,我也相信終有一天我可以感動到他們的,這是我樂觀,積極的態度.

 

恨一個人是佷蠢的,除非你也恨你自己.當我們怨恨別人時,表示某程度上我們也怨恨自己,這樣又何必呢!

最近OK啦!

噢！哥哥終於搬回來與媽媽住了，都只是住了幾天，暫時當然無咩問題的，其實如果他們可以共住，是非常熱鬧的，而且可以多些時間見面，見面多了，可以與哥哥多點溝通，而且哥哥也可以多點時間與嘉豪溝通，不錯。

 

哥哥搬回來住這件事，總算安定，可以放下，但爸爸一事仍然未曾解決，明天放假，我想我要找他再傾吓呢？如果連這件事也可以好好的解決到，咁我就可以放下心頭大石了。不過，我知都會好難，抱住平常心吧！

 

阿榮老公要回國內工作都幾次了，我倆都開始習慣了，都好的，‘小別勝新婚’，而且我又多了一天時間出來，可以做我想做的事，多自由，哈哈！

 

我又開始打羽毛球了，真的要做多點運動，因為我都知我肥了少少，雖然不是很肥，但真的要減減，明年三月要做姊妹呀,太肥點好呢?所以最近都努力地找跳舞班,我想學JAZZ呀,不過我知好難跳的,我之前都有玩過幾堂,但我真的很想學呀!希望可以找到伴一齊去跳.

 

最近天氣涼了又乾燥,大家一定要多穿衣服,渴多點水及飲多一點湯水!

人算不如天算！

這個星期發生了很多事，無論是關於自己的或是身邊的朋友也是。爸爸的事，其實還未曾完全的解決，因為我還在用心，用時間去等待及面對，真的不知道該說甚麼呢？前天回家吃飯，才知哥哥巳經把他的屋賣了，搬回與我媽媽同住，這也是今個星期的另一件令我吃驚的，一波未平一波又起，一時之間，我真的有點消化不了，有時真的不可以想得太好，想得太多，安排得太多，真的要‘順其自然’，所以呢：人算不如天算！有時會想一個人的命運是操控在自己手上還是天呢？有時真的很矛盾。

說回哥哥搬回家一事，原來他因投資失敗，需要還錢給人，在沒有辦法之下，要賣掉屋，就是這樣迫使要搬來媽媽到住，當然他這時我做妹妹的在經濟上幫不到他，就只好讓他搬去媽媽那裡，但希望他會好好的與媽媽共住，相處和睦吧！只要我其實心中仍是有點兒擔心的，因為我知媽媽習慣了現在的生活，突然多了兩個人同住，相信起初媽媽會很不習慣，我怕媽媽不適應呢？不過，我都與哥哥說好了，若果媽媽真的不習慣，他們就要搬出去，不可以令到媽媽不開心。

第三件事，就是收到朋友的來電，說我們的其中一位朋友，正在考慮離婚，聽到當然有點慨嘆，但是這也是我們一早知他們有可能會有這樣的結果，只是真的等待看看到時會是誰先提出呢？中國有句話是這樣說的：若教人打仔，莫教人分妻。做朋友的，當然不想看到他們有如此的結果，但有時人必須要接受現實，長痛不如短痛，對嗎？兩個人相處，最重要是互相體諒，包容，真誠，尊重，但很可惜的是。。。。。他們永遠只有一方肯做，而另一方不肯做，他們互相找不到共同溝通的方法，以至今日要到這個地步。其實，我都希望他們認真的好好傾吓，看看是否可以重新開始。