2012過去....迎接2013....

其實今天巳是2013年1月12日了..

巳經踏入咗2013年兩個星期了..

2012年尾, 本想寫一寫剛過去的一年感想

可是一直未有心情, 也沒時間.


2012年發生了很多甜酸苦辣的日子

但...雨天過後, 晴天紿終回來我身邊

感恩!!!


2012年開心事很多,

雖然當中一些開心, 欣慰的事/問題

都要經過一些苦一些酸一些辣才能得到甜

但....回望是值得的.


感恩上天沒有帶走我的爸爸

感恩上天看顧著我的媽媽

感恩上天看守著我的老公

感恩上天給我的甜酸苦辣


人要學會感恩.

我又再成長了一點點

我又再成熟了一點點

我又再堅強了一點點

這些一點點是很寶貴的

令我更加學懂....感恩自己擁有甚麼, 而不是去看自己還沒有甚麼!!

這一點點是我在2012年當中最深的體會!!

感恩...感恩自己的思想做法正面!!


2012年...最不滿意的, 又最想得到的...是時間!!!

時間在我來看, 永遠都不夠用

2012年...放低了很多東西, 很多事情

實在有心無力去完成


2013年來到...最想要的...仍然是時間

2013年...今年不想寫明目標是甚麼

因為很多時候, 也未能好好完成或做到

今年我只想淡淡然地說: 

我只想平安, 平靜, 平淡

想做甚麼就做甚麼

也想把之前放得太久的各種玩意, 問題等等...

隨心去慢慢完成, 解決.


2013努力, 加油, 感恩!!

幸福手工皂

在BLOG中, 蕭C奶幸運地認識了一些新朋友仔

當然這世界要小心地交友

因為實在太多壞人在這個社會

但其實也有很多好人嫁...

在一些緣份, 在BLOG中認識了小嘉

小嘉真是一位天使朋友

心地好, 善良, 誠實, 細心又有心

這是我在認識小嘉一段時間對她的印象

前幾天又收到小嘉送我的手工皂

實在開心不了...

感謝您....還記得我家少爺敏感皮膚

感謝您...送我的手工皂

放心...我一定會用嫁..

嚟緊...你將要迎接BB的來臨

將會忙到不得了

到時就會有排都收唔到你的手工皂了...

嘻......

沒想過......在今日人氣話題...嘻嘻...

昨天同事打來找我

告訴我......jobe...你個blog係今日人氣話題喎...

我回答: 唔係呀!!!

同事答:  係呀...你自己開嚟睇吓了...

嘻...即刻開....果然...竟然....居然...估不到....喎...

WAKAKA..

辛苦

唉，星期六日都病咗

瞓足兩日兩夜

星期一放病假休息

都好好地

點知夜晚瞓唔著

好痛苦

搞到今日早上起床

雙眼腫哂

頭赤赤，梗係啦無瞓過

上午完了工作

下午就回家再休息

成個下午瞓下醒下

又保瞓唔林

好啦

到而家成半夜一點幾又係瞓唔到

眼光光

頂：（

真係好辛苦

撞鬼呀




呢排係甘瞓唔到

迷上深夜食堂

之前透過少爺介紹,　巳看過深夜食堂的劇集

沒想過這麼好看,　每一栠都會教觀眾做一道簡單又美味的菜式

對於我這位愛煮食的C奶,　實在愛看極了

後來最近又再次開始巡BLOG

發現好多BLOG友仔都睇緊深夜食堂的漫畫書

攪到蕭C奶又心思思喎 ^^

所以就即刻請了好友米米幫我攞這套漫畫了

少爺用了幾天時間巳把這八集看完了

而我嘛.....呵呵.....慢過蝸牛, 只係只係...........看了半本第一集罷了...

因為蕭C奶實在太忙了....放心, 我會慢慢看的.




正當蕭C奶想看之際....(始終第一集還未看完)

前天去了好友做的書店

米米竟然攞出這本新書問我: 喂, 呢本你要唔要呀???

我LOOK LOOK本書. E...深夜食堂嫁喎, 係咪嚟嫁, 原來係食譜.

我即回,答米米: 要.  梗係要啦....

超正呀, 仲要係彩色嫁....

回到家, 巳被少爺搶先看了...

深夜食堂的粉絲們, 你們買咗未呀!!!

 

減食><

最近蕭C奶及少爺又咗一年一度的身體檢查

OH...比上年還差咗

這次真的不能不減食了

這種情況,  其實即係迫著你減肥

亦即是話迫著你無朋友囉...


報告出咗, 顯示我尿酸高, 好壞膽固醇都不合格>< >< ><

醫生就話: 你咁肥, 好心你減吓肥啦...  (OH...NO...)


至於少爺, 顯示尿酸高, 血糖, 好壞膽固醇都不合格外,

最差的係三脂甘油非常差

醫生話; 尿酸, 血糖, 好壞膽固醇, 其實只要你們肯減食, 戒口及做運動,

一定有得救, 可以改善. 慢慢努力. 

但係醫生話係佢作為醫生的角度來看, 三脂甘油這個非常重要, 醫生話再係咁,

會有'死亡'的危險!!!!!

一聽到醫生咁講, 我真係好擔心少爺. 

少爺係時候你要醒吓啦, 要認認真真咁去改吓你的生活及飲食習慣

唔好再比自己放縱, 比自己籍口, 亦都唔好再咁懶,

好好咁善待自己的身體啦.

老實講, 我係有責任要負, 因為你的飲食主要兩餐係我煮的

但係你自己要好好反省啊...

經常吃小食, 又不肯做運動, 其實最大問題是這點

我同少爺大部份係一樣, 尿酸, 膽固醇, 但係血糖及三脂甘油我係無事的

因為我比少爺好一點, 就係唔多食零食, 亦都肯做吓運動

點都好, 既然報告出咗了, 真係好頭痛,

好多嘢唔食得

主要食糧係..............菜囉.....少少豬肉, 雞肉囉..........

OH....

要努力呀...要減肥, 要做運動....

我其實真係好怕少爺有事

少爺希望你為咗自己的身體, 努力啲啦, 比啲恆心啦.  

撐少爺

最近令到蕭c奶擔心的係少爺

少爺最近返工返得唔係好happy

所以好多時做太太的都feel到少爺唔係好開心

成日都有啲bad mood的樣

 

作為太太的除了好好的聽少爺的心聲

大大力支持少爺外

就是每天煮靚餸給少爺享用

亦都盡量待少爺下班回家後

不要囉囉唆唆, 煩著他

盡量給少爺有自己的空間

最重要讓他在家輕鬆, 舒適, 零壓力

 

少爺都常常分擔我的不開心事

有時候不需要說任何的說話

只要靜靜地待在對方身邊

大家就會感受得到對方的支持, 安慰

但願少爺可以放開一點

無論如何...我都要大大力的咀爆少爺

抱實少爺, 給他大大的支持, 鼓勵.

 

我要給少爺正能量及大智慧

好等少爺心情轉好及順利工作!!!

 

KEEP FIT旅程

 

大家都知蕭C奶同少爺好鐘意食嘢

而蕭C奶仲要愛煮嘢....

基本上蕭C奶同少爺都唔算係一個擇飲食的人

 

我想每個人在某一個階段都會有所改變, 對嗎??

 

最近因為都比較忙, 一直都很想跟大家分享我和少爺的近況.

 

趁今天有空, 跟大家說說吧....

 

之前跟大家說了,

我和阿榮都有做BODY CHECK, CHECK到某些指數都不靚仔. 

戒了一陣, 忍不到, 加上實在太多飯局及節目,

真的每次都跟自己說, 又不是常常, 又不日日食, 又不是點點點....

還有會常說, 一次半次啫...以上說話.  但想深一層, 積小成多啊...

這次一次, 那次一次, 這裡半次...可想而知...

跟本事實就不是一次半次, 而是巳經累積了無數次.

 

旅行前, 剛好見了醫生, 醫生很認真的, 嚴厲的跟我和阿榮說,

真的要好好減食, 減食你們平時最愛但真的我倆身體不好的食物. 

OH..這次不得不認真了. 

 

因為醫生說:  我們再這樣下去, 一定會有痛風.  所以我真的很怕, 是真的,

我不想有病啊...因為最後痛苦的是自己.

 

有見及此, 旅行回來, 即刻進行了, 我們的生活改變. 

人是這樣啊...不到最後, 都不會改的... ^^

 

醫生說:  我們吃不夠蔬菜, 加上肉類太多,

所以我要從新編配我們的餐單...

 

早上, 改吃麥皮. 

(不可以再吃腸粉呀, 公仔面呀, 燒賣呀, 糯米雞呀, 波蘿包呀, 多士呀...)

 

中午:   帶飯.  必定係多菜, 少肉及飯

(因為我知道蔬菜最好不要隔夜, 因為會很容易有癌症. 

 但係講真....香港人邊有咁多時間呀..係咪先.)

 

所以為咗我同阿榮, 我就而家改咗早上早半個鐘起床,

先煮每日中午的飯盒, 咁菜無隔夜, 雖然我都研究過中午都要叮/蒸一次,

但我諗我估, 早上新鮮整, 咁就會縮短咗個時間, 起碼唔會隔咗一晚掛....

 

下午茶:   一個生果 / 梳打餅

 

晚餐:  每人一碗飯, 由原本兩碗變為一碗..嘻嘻

          跟住就係只能有一份肉 / 魚,  及兩碟都係蔬菜為主.

 

除咗減食, 我哋真係勁忍口, 忍得都幾辛苦..

嗯..其實係咪好辛苦呢, 又不至於..

只係真係要時常remind自己, 唔好食我哋唔應該食的嘢囉...

盡量少出街, 咁就會眼不見為乾淨咁囉..

我睇唔到睇唔到...哈哈...

 

跟住仲要加埋運動, 呢個我哋超讚自己呀....

而家呢個六月份, 先每個星期兩天跑步...但係讚自己的係...

我同阿榮係逢星期二及四, 係...係...早上六點起床,

然後落去球場跑三個圈, 再緩步跑或行三個圈. 

跟住番上樓涼澡, 返工..

以前都試過夜晚食完飯先去跑步

但係講真夜晚真係好難會長期做到

我煮埋飯, 少爺洗埋碗都巳經最快八點幾

咁食完又唔可以即時跑步喎

咁又要夜啲. 但係...點都要做家務嫁

有時都要洗衫, 收衫, 摺衫

或者都有私人嘢要做, 要處理

我同少爺大家都愛看書, 加上我而家又愛上手作

咁如果夜晚出咗去跑步,

跑得嚟, 沖埋涼, 又成十點幾十一點了

咁又話要早瞓...

咁仲邊有時間...

所以最後我先決定改為試吓早上跑

咁每日夜晚我同少爺都會有番啲空間

去做自己喜愛的事啊..

 

係咪好勁呢...哈...希望你哋十卜十卜我哋啦...

我哋真係要努力keep keep keep,

為咗個body, 無辦法呀..

 

所以因為二及四要跑步, 所以早上我就不能煮午飯,

咁我哋倆個lunch就會去食米粉及菜菜囉...

 

同埋, 因為避免出街食飯, 所以定下了,

每個月只可以有2次的朋友飯局,

手快有, 手慢就真係唔好意思了...要推掉. 

 亦都在此希望各方好友體諒. 

 因為我都要留番少少quota比家人啊...

 

還有...都希望盡量食中菜, 素菜, 日本菜

因為應該會比較清一點啊..

 

所以你會發現最近蕭c奶的自家煮意

會以蔬菜類為主

每餐一定會大量菜, 少肉

雞要食少好多, 因為本身媽咪有癌症

都係避免少吃雞為妙

牛, 羊這些是緊記一個星期多才吃一次

豆類, 西蘭花, 菇菇也是啊...

所以現在蕭c奶要常常動動腦筋

點樣可以食得清淡但又要新的款式

海鮮暫時要say goodbye

內臟又要暫時要say goodbye啊...

 

還有, 因為不想再吃出面做的麵包

所以攞咗部麵包機回來啊..

實行homemade

還會做果醬呢

實行自家製一條龍服務

 

希望我同少爺有成績啦..

希望下次番去醫生到

再做body check, 啲數字會好靚仔啦...

嘻嘻..

 

記得十卜十卜我哋呀..

我哋要努力, 加油, 恆心.....

放假了...yeah...

oh....每次放假前一個星期

工作都忙到我屎屎吓

今日終於都做哂要清的工作

終於都可以放心放假lu...

 

唉..今次的旅行

我咩都無plan

真係忙到無時間plan呀

好彩係去陽光與海灘

行李都未執

防曬都係今日走去買咋 ><

 

聽日就要好好咁執行李

後日就早機了...

yeah...好期待呀...

 

我要hea hea hea 呀.... ^^

真的忙不了，亦都真的窮不了.．．

最近蕭ｃ奶真的忙不了.．．

忙.．．結婚週年

忙.．．母親節

忙.．．媽咪大壽

忙.．．手作

忙.．．家事處理

忙.．．好友生日

忙.．．跟家人聚聚

忙.．．安慰朋友,　陪朋友

忙.．．幫朋友訂淘寶

忙.．．家務

忙.．．工作

忙.．．煲劇

忙.．．睇書

 

這個月,　每天都過得十分充實

充實到差點沒有時間，呼吸,　休息

就連月尾要去旅行的嘢, 我都一啲都無理過囉

所以.．．忙到沒有時間寫ｂｌｏｇ，　探bｌｏｇ友

更加沒有時間煮飯啊.．．．

 

除了　＂忙　＂，　亦都出現　＂窮＂字

以上所忙的事,　都要用錢啊.．．

所以未到月中,　荷包亦都窮到穿窿！

 

期待學友演唱會2011

 

 

 

今次睇兩場學友,

 一場係坐第2行,

一場係坐VIP區....

好緊張呀...唔知個位好唔好.

有時張票話係第2行,

但都要睇吓邊行邊個座位囉. ^3^

 

VIP區...我都係第一次坐咋

今次的VIP區就同媽咪及好友一齊

至於第2行

就同少爺, 奶奶及少爺家姐一齊

 

原本係想同日同場大家一齊睇

仲預埋咗兩位朋友及侄仔的飛

可惜...係攞唔到咁多張

仲要呢6張分開咗兩場啊...

所以我先要睇兩場咋...

如果一場攪掂, 就可以慳番680蚊囉

 

不過我都好開心

因為我未試過坐VIP區

聽聞話VIP區係水平線比較好嫁喎

到時睇吓係咪先.

 

 

感動...

預計4月中和少爺到日本東京旅遊.

昨天因為放了假, 去了一整天海洋公園, 所以全日都不知日本地震一事. 直到昨天不斷收到朋友的電話, 我感動了, 因為她們都很關心我去日本的事, 有的不記得我是3月定4月去日本, 對不起, 讓你們擔心了, 謝謝關心, 感激萬分!

我和少爺的日本之旅, 訂了4月中才出發, 地點是東京+箱根, 距離出發還有一個月左右, 我想要看看日後的最新報導, 我想現在agent都不能告訢我甚麼啊...但請放心, 若果不安全的, 我和少爺會另作安排啊...

在此祝福日本平安大吉!

 

我會每日都留意日本的情況

朋友carey比我還慘啊...因為她是今個月23日出發到東京啊...她現在還不知會繼續, 還是取消啊...我也要得看她的情況呢...

而我會星期一打去agent到問問, 現在的情況如何, 我還會問問若果日後可以改期, 改地點等等的問題.  最重要還是人生安全.

每分每秒都在忙忙忙

時間真係過得好快

每一日蕭C奶都好充實

真係由早忙到晚

 

返工，係勁多工作，

多到日日都真係好充實

無時間諗其他嘢咁滯囉

 

放咗工，唔係要返屋企煮飯

就會約咗朋友仔

一係就約咗家人

一係就約咗少爺

實在太多活動

忙到不得了

 

忙到連手作都無時間縫

忙到連做家務都唔得閒

（所以決定請鐘點姐姐幫手。。。YEAH！）

忙到連想煮啲新意思都無時間諗

忙到連FACIAL都無得去做

忙到想幫朋友搵資料，又係無時間搵

忙到有啲HOUSEWARMING又未安排

忙到要探婆婆，姑姐，阿叔等等，都無時間

忙到連新屋的燈，部份的傢俱，裝飾都無時間

去睇，去買， 去擇囉

總之就係忙忙忙啦

 

咁忙，係好定唔好呢？？？

真係唔知囉，好的係充實，証明你沒有浪費每分每秒。

唔好的係，太忙好似攪到有好多嘢未做，會有壓力，

忙會影響健康啫。

 

當然，我忙嚟忙去， 除咗公事，

其他的都係私事，係開心事嚟的。

一個人, 一隻手, 一部腦, 想點!

工作量越來越大

可能你會問'點解'??????

問嚟都無用,因為最終結果都係

要做囉!

 

其實做嘢係無問題,

只係有時會發覺,

自己辛辛苦苦係咁做做做,

但係結果係....老細係唔用,唔理,唔睇.

咁當初做嚟做咩呢.

好浪費我的時間,我的心機囉

 

實在有太多嘢做

係一啲濕濕碎碎的工作

好聽啲可以話係秘書

唔好聽的....咪打雜囉

我諗我係爭在未做埋清潔阿姐的工作啫

 

成日又要做埋啲DOUBLE咗的工作

嘩...大佬呀,唔係你做,你梗係覺得好EASY嫁

但大佬呀, 要時間囉, 一個人, 一對手, 一部腦,

又要有兩日上就去咗第二個OFFICE做嘢

咁點呢....

 

而家成日都多咗開OT

咁又點...

老細真係好勁嫁

係咁比嘢我做喎

但係又唔知我有好多工作喎

總之就係咁加工作

又唔會問你會唔會好辛苦呀???

問吓你HAND 唔 HANDLE到呀???

只會係咁比, 要求你呢樣, 要求你果樣.

 

最頂癮係咩呢.....

如果萬一出事, 佢會置身於事外,

然後就話...咩都唔知呀!

唔係我做嫁! 都無人問過我!

點知呀! 唔關我事呀!

 

有時好唔想開OT

因為講真如果老細好

真係無所謂, 都唔會覺得無得計OT,好似好蝕底

因為你有做嘢, 好老細會知, 亦都會明白你開OT

亦都會覺得要你開OT,佢會自己覺得唔好意思囉.

 

但係老細唔好的

就唔同講法啦, 開咗又點呢,

佢會覺得明白,了解你點解要開.

亦都唔會唔好意思.

亦都唔會感謝您囉

所以有時一諗到咁, 條氣真係好唔順囉

就好唔想開OT

因為開咗都無人會理!

 

所以講真, 要開,都係因為自己太多嘢做

想清一清啲工作

不過咁, 我都盡可能唔開啦

大佬呀....我哋要返屋企洗衫,煮飯嫁

你估我有工人呀!

加上亦都唔想比太多壓力,負擔自己

做壞咗,身體有問題, 你估佢會可憐你呀

所以不如好好保護自己罷啦

總之做好自己本份,

做到就做, 做唔到都無計.

都係果句, 一個人, 一隻手, 一部腦, 想點!

等我呀。。。

蕭C奶返嚟了

返到嚟香港

公私兩忙

忙到跟本都無時間上網咁滯

你哋等我呀

我會慢慢UPLOAD啲旅行相

及其他開心事

同大家分享啊。。。。

放下

唔開心咗好多日

菲律賓呢單嘢, 真係令到好多人個心都好唔舒服

好唔開心, 真係唔多唔少影響咗各人的情緒

而家無嘢好諗

只係希望上天保佑梁太個仔

一定要撐住, 一定要好番

因為你媽媽係到等緊你

你唔可以有事, 唔係的話....我好難想像梁太會點

梁太而家咁堅強, 都係因為你

 

好多嘢都睇開咗好多

睇化咗好多

呢次呢件事, 更一再令我覺得

每遇到任何不如意事

相比一些無奈的事

不可思議的事

其實真係微不足道

再諗深一層

自己真係太幸福, 太幸運

都係果句 ---- 感恩, 珍惜你所擁有的一切!

痛

真係好難接受.....

真的很難過

 

只能夠默默的祝福

離去的人....一路好走

在生的人....要好好生活下去

 

可以嗎????

在生的人....以後的路是多麼的難走

心理, 生理都受到嚴重的打擊

有些事情, 或許會因時間而沖淡

但是....這件事, 我想一生一世都難忘記

我不是他/她們的親人或朋友

這件事都深深的印記在我腦裡

那....他/她們又怎可能忘記呢?

 

痛苦, 傷心, 難過, 悲憤

總總不安的情緒都在每個人裡

這一刻, 當感到快樂時

令我想起痛失相親的汪小朋友及梁太的家人

心裡很酸, 很不安

 

 

自己擁有的實在太多

自己是多麼的幸運,幸福

世事難料

今天不知明天事

再次感恩

並記著....珍惜現在眼前所有的一切!

傷心

相信琴日及今日都係我哋港人

心情難過又沉重的一天

真係好唔開心好唔開心

點解明明一家大細去旅行

最後結果會係咁！！！！

 

菲律賓真無銀用

不知所謂,無腦, 無心

處理手法差到不得了

 

心很痛, 由琴晚至今朝

由睇新聞,真係好心痛......

唔知講咩好

只能夠為他/她們默默送上祝福

 

真係好難想像他/她們日後如何面對

我不是當事,跟他/她們不認識

但是...我的心很痛,很不開心

哭了....傷心難過....

 

這一刻只能感恩自己身邊至親還在身邊

今日剛巧是十五, 本是初一,十五都要食素

但我想講, 今日就算唔係初一,十五

為了對他/她們的祝福

今天我們應該食素吧....

想做

自從蕭C奶開始走去學手作仔後

個個星期六日都出咗去

而平日，又要打兩場羽毛球

又少咗時間

 

因為咁的關係

自家煮就少咗了。。。

啲時間真係好唔夠用

 

其實手作仔，我仲有勁多材料未整呀

個心好心急， 好想整

但又急唔嚟。。因為跟本就無時間囉

 

最近朋友仔的老公忙於出書

聽到後我和少爺都好興奮啊

待朋友仔出書後, 要買番幾本嚟支持吓佢先得呢

祝朋友仔出書順利,成功呀.

 

至於少爺呢排勁忙

成個星期都要開OT

攪到九點後先有飯食啊...好可憐啊..

少爺辛苦你了

 

朋友GIGI, 8月16日就係預產期

不過佢係FB到話: 阿仔係咪玩嘢喎...

哈哈...阿仔唔肯出嚟呀

呢幾日應該係重要關頭啊

等待她的消息..跟住就可以食薑醋了

 

呢個暑假勁多戲想睇

壞蛋獎門人3D

舞出真我3D

茱麗葉愛情信箱

鬼洞3D

潛行凶間

等等的好戲

OH...點算好呀....

有3D呢三套一定要睇呀

如果唔係到就算出咗碟, 無咗3D效果就無咗個意思了.

 

仲有...要搵一日放假

好想帶媽咪到香港公園的樂茶軒

品嘗少油少鹽,比較淡口的齋點心

加上那裡的環境很有中國茶館風貌

雖然貴了一點, 平均每人為150元或以上

但我覺得值得的

尤其是很難找到一個地方適合媽咪的口味啊

 

又想找一天回鄉探望婆婆

媽咪話婆婆而家鈍了很多

又容易忘記事情

所以很想趁婆婆還在

看婆婆多一些啊

 

還有....也想找天跟爸爸相聚

自父親節那天

因太忙了,都沒有時間見面

只是通了電話罷了

 

實在有太多太多事想做

想處理啊....

怎好呢????

又超busy了..

蕭c奶真係忙到爆呀

有幾編blog未寫

又有好多手作仔等住要整

又有太多活動要去

oh...都係果句...

點解咁少時間用嫁...

 

係好事??? 定係壞事???

都係好事嚟的,

咁即係証明生活過得很充實啊.

對嗎?