年初二之彩虹祝福

今年爸B去咗旅行, 所以我同啲姑姐改咗地點,

就去到大姑姐到團年囉...

YEAH...仲方便...係琛圳...不用再坐一小時車程回鄉..

嘻嘻...





一直都好想試吓美心出咗的彩虹蛋糕

但係咁大個, 又無人生日...一直未有機會

我就搵個藉口, 既然初二多人

加上又可以同我啲表兄妹一齊品嘗

咁我就過關時, 係美心到買咗呢個蛋糕去大姑姐到

好開心, 可以同表妹佢哋一齊食一齊拍照...




這個彩虹蛋糕，祝福大家生活得像彩虹一樣，

多姿多采，幸福快樂！

年廿九團年飯@得龍盆菜

話說奶奶今日突然好想吃盆菜

奶奶一句話想食, 做新抱仔的梗係要識做啦

但係....都有壓力嫁

因為奶奶有時都好有要求囉...

一於上網搵吓資料

剛好認識了BLOG友OL, 她的老公KC係一位評食家

(唔知係咪咁叫嫁..不過佢老公真係成日都食好嘢,

又上電視, 成日被食店邀請去試食喎....)

所以我又問吓OL有咩好介紹???

咁OL就話, 可以試吓有50年經營的'得龍大飯店的得龍盆菜'

咁我即刻去LOOK LOOK

嗯...都有好多食評話好味

我見個價錢都唔平呀, 過千

咁算啦, 一年一次, 又係自己人食

最重要係....老爺奶奶吃得開心

呢一點, 係用錢買唔到返嚟的

咁就一於試吓啦.








好彩.....當老爺奶奶品嘗時

都覺得得龍的盆菜味道做得好好

咁佢啲味都的確OK的

不過我自己可能比較吃慣淡口

所以都係認為略為濃味左啲

又咸咗啲啲

不過咁....吃得盆菜的, 都應該係要濃味的

所以呢個係我自己的問題

唔關得龍的問題

總括嚟講, 都有八分啦.

因為我都好怕之前吃過的盆菜, 好難吃.




老爺通常係一位比較含蓄的人

見到老爺讚話好味, 做新抱的都開心到屎

嘩....即刻無咗壓力了...

係...我係處女座, 所以都好要完美,

所以每次都真係好驚屋企人唔滿意嫁...嘻..

其實盆菜都幾貴, 所以我決定下年親自試吓做盆菜

奶奶聽到話: 吓...自己整, 咪好煩, 樣樣都少少..

其實樣樣都少少先好呀...

一於下年自家製, 做兩盆先....

一盆男家, 一盆女家...

聖誕快樂...

聖誕節真的很忙, 很充實,

這個節日可以跟親人, 好友, 愛人一起

非常開心, 滿足, 滿意呢...

這是我其中一個很喜歡的節日

充滿歡樂笑聲滿載的節日

在此祝大家: merry xmas 呀....




今年平安夜， 簡簡單單，温馨愉快地跟媽咪侄仔渡過！

驚喜的是，今年侄仔準備了一份聖誕礼物給我和少爺，非常窩心！


Thx soooo much.

Master Chef @ Towngas

哈哈....前天放假了

因為好耐無見媽咪

又好耐無陪媽咪了..

一早報咗個示範class

媽咪去到示範炒白菜仔

我就試玩炸魚手指

輕輕鬆鬆就同媽咪過咗一天

幸福就是這樣.

大閘蟹宴

2012年10月28日(星期日)




幾年都無食大閘蟹了

今年終於忍唔到口了

因為個個都係fb到係咁post啲大閘蟹相囉..

雖然我同少爺都減食及戒口中

不過見有少少成績, 呢排又工作忙

反正幾年都無食,


一於就獎勵我哋自己啦...

一早約好了少爺家姐一齊品嚐大閘蟹

 
本來一直少爺都幫襯開銅鑼灣的華記買大閘蟹

但早前剛好看見偽主婦今年跟朋友幫襯九龍城永富

所以我向少爺提意不如今年試吓第二間啦

今日專登中午時入九龍城食番餐泰菜lunch



之後去到侯王道買大閘蟹了

呢條街都有好幾間喎...

最後我哋幫襯咗兩間

因為想試吓邊間好食囉...

最後幫襯咗永富及新三陽





因為少爺家姐一早指定要試食深夜食堂的調味醬炒麵,

所以就預咗這個一起吃

剛好又到交課時間.....所以今日就準備咗馬鈴薯沙拉

三個人真仲要每人兩隻蟹

夠食了.....而且我還準了...........甜品添...




第二轉了....這是永富的大閘蟹...







這是新三陽的, 膏味甘香, 也比較實在!!





這是永富的大閘蟹, 看似跟新三陽差不多, 但食落就有分別了.

永富的膏味偏淡, 不夠甘香.





集合我們三人的吃飯感, 都認為這次新三陽優勝一點

因為膏味甘香, 好味很多啊...

下次好想試吓野生的大閘蟹,

唔知係咪好正嫁呢...^^


吃完大閘蟹, 當然是享用一杯薑菜啦.....



完美的晚餐.....

因為難得今天到九龍城買蟹蟹

咁不如就去tony wong到買兩件cake,

三個人食....yeah...




兩件都是新口味,

一款是古古力, 一款是酸味味的...

慕絲都好軟滑, 不過可能各人口味不同

我仍然最愛cova或者zoe






今晚真係好滿足呀

oh...今餐咁高膽醇, 嚟緊一星期都要食得清淡一點

還要加多一點運動

這樣才可以抵銷今餐啊...

摸蜆日-下長沙

2012年8月12日(星期日)



因為之前朋友仔見少爺去咗摸蜆

好有興趣, 又提議叫我哋再攪一團

好呀, 上次我都無份去, 我都好想試吓摸蜆係點的!!

實在太開心, 可以約到好友一家大細出席

加上奶奶都有興趣出去走走..YEAH

這次一行十人, 有老有嫩.....HAPPY GATHERING!!!

今日天氣好好, 無猛烈太陽, 陰陰哋, 有海風吹住, 又無落雨喎..

所以就算我哋全部人去摸蜆咗幾粒鐘

都唔會十分十分攰及十分十分熱...

上面張相, 應該大約摸咗一個鐘左右的小小成果啦,

最大功勞, 係好友IVY JIE及少爺

佢兩個好鬼叻, 成日都摸到啲大蜆啊...







我哋全部人努力咗幾粒鐘後

真係有好大的收穫啊..

看....好多大蜆呀...

正呀....食埋呢次,

我哋就要跟海鮮類暫告一段落了...


今日過得很開心

我最開心係可以跟家人及好友一起

我愛當中的過程

非常珍惜每次相聚的時光

家人...朋友...蕭C奶愛屎你哋呀!!!!

大澳一天遊＠復活假期第五天

2012年4月8日(星期日)



一早問定奶奶, 復活節邊日放假,

今日就約定咗奶奶及媽咪去大澳行吓啦.．．

一行五人.．．嘻．．本來呢個組合

係五月大阪之旅的組合.．．可惜取消咗，　要改期．．．

好.．．而家先嚟半天玩吓啦.．．．




都係四圍行,　四圍食.．．

又係我最愛的豆腐花呀．．．

半路棚豆腐花,　好好味,　超滑呀．．．

仲有幾位阿叔自家製的糯米磁，　又係好好味呀．．．

感謝上天，没有下雨，使我能跟家人到郊外走走及聚聚！ ^~^




係大澳影咗少少雜相啊...

天氣好呀...又唔曬...

六十大壽

 

時間過得好快, 有時真的很想將時間停留

唔覺唔覺，　媽咪原來今年係６０大壽

６０？？？？　但係我依然覺得我媽咪係四十幾五十囉．．．

所以媽咪真係到咗６０

個感覺係.．．．係.．．點講好呢.．

覺得唔想咁快,　唔想媽咪老,　

覺得好似可以陪媽咪的日子又少咗

所以感覺係.．．．係我心裡面,　我唔鐘意囉．

 

或許當你太愛一個人,　太在乎一個人的時候

就會好想好想多一點的時間在他/她身邊

好想好好照顧他/她

好想給最好的給他/她

好想好好的考順他/她

或許我仍然覺得自己還有很多東西,　事情

很想和父母一起完成,　分享

所以我很清楚知道自己某程度上

逃避

不想，不接受父母年紀大

我真的這樣想！

 

可是事實往往都是殘酷的

正面的我,　雖然不想接受

但既是事實，　我不能控制

那我如何呢？

當然是把餘下的時間

好好的珍惜

好好的把握珍貴的時光

好好的陪父母渡過他們的餘下日子

我不想讓自己後悔！

我要我的父母餘下的日子過得開心,　幸福！

 

上星期日（５月１５日）回香鄉

跟最親的親人一起為媽咪慶祝

六十大壽

少爺一早訂了這個壽包組合

一個大壽包,　加二十八個細壽包仔

特別之處,　十幾個細壽包伴著大壽包

餘下的細包.．．．原來在大壽包裡面啊.．

超可愛呢.．．

 

 

剛巧大壽的前一天

跟手作老師及同學有聚會啊.．．

這次做一款有內格的包邊包包

ＷＯＷ．．．這夜趕得上完成這個新作品

就順利成章，可以趕得上送給媽媽作為生日禮物

 

媽咪：　再次跟你說聲，　生日快樂．

最重要是身體安康,　幸福快樂！

嘆茶 with my mum.

 

2011年4月13日(星期三)

 

今日上午放假

目的可以帶媽咪去

香港公園的樂茶軒到嘆茶, 食素點心

因為下午兩點正

媽咪要去張醫生到覆診

所以早上同媽咪飲茶

 

 

 

樂茶軒的環境

 

 

 

 

 

 

 

 

美味與幸福的時光

 

2011年3月26日(星期六)

 

嘩...捱過咗星期五, 好快就到星期六唔駛返工了

今早起床後後, 就同少爺去飲茶

可惜....呢間酒樓勁唔好食囉...

一次就夠..無下次呀..><

 

跟住同少爺出咗去九龍灣到行街街.

媽媽打來, 話煲咗個靚湯, 一間攞入嚟

咁就請埋媽咪留係到一齊食晚飯了...

 

真係好飲到呢...

然後同媽咪一齊去買餸

最後我哋買咗條生斑魚

屋企有少少咸酸菜, 一於放埋一齊去炆啦...

然後當然唔少得有蔬菜啦...

 

一餐簡簡單單的晚餐

最重要是可以同邊個一齊享用

有最愛的媽咪, 還有錫我的少爺

當中的美味包括了愛

咸酸菜都變成了甜菜啦...

珍惜能夠興家人一起的幸福時光!

送給表妹

蕭c奶懶惰了....在表妹blog裡copy了這篇日誌啊...

咁我就可以慳番啲時間啦......

yeah....

話說星期五晚趕工縫埋個tote bag, 想第二日

星期六可以親手送給表妹....當晚...我縫好後,

急不及待把這個tote bag拍照留念, 也急不及待

出blog.....oh...當晚巳經是零晨點幾以後

以為表妹不會開blog....鬼知.....表妹唔係當晚開

blog...而係星期六的早上開blog....

所以表妹未見到之前, 就巳經知道一間會收到

這份禮物...oh.....還想帶給她驚喜啊....

啍...下次我都係忍吓先得......我太可愛了....

 

 

近期啊，唔知系咪因为肥左，

(哈哈...你的而且確比前肥咗呀,...減囉,,,

反正我都減緊, 一齊努力囉....)

性感、女人不起来，

大爱D朴素、自然、舒服的布艺包包，

之后表姐近期又学人揸针线，学缝纫有关噶手作仔，

距第二份成功作，就送左俾我哩个表妹啦，

连表姐夫都未有礼物，我已经排第二位收到表姐噶手作仔，

真系超级感动同开心噶，呵呵！

(最緊要你喜歡就得了.....)

 

 

 

继上个礼拜带完团，

同表姐、表姐夫，仲有距地一班朋友，

去左中信王子厨房吃中菜后，

琴日，表姐同表姐夫又过左黎哩边买书同距地装修噶野，

跟住我又带团友（表姐&表姐夫）去左万象城噶留园饭店吃沪扬菜，

之后仲去左太平洋桑拿，

搞到距两个赶唔切返香港，琴晚黎左我屋企过夜，哈哈。

表姐话：“我都系第一次甘夜黎捶骨噶咋。”

(真係未試過咁夜....下次我又要再去)

 

 

 

下昼系科学馆地铁站等表姐同表姐夫噶时候，

入左鸿福堂度坐，

上次已经好想同大家推荐噶啦，

鸿福堂噶杨枝甘露好正啊，料又足，味道又浓郁，

超好超好饮，不过有点贵，

细支要13蚊，大支要24蚊。

 

 

 

留园饭店

 

 

 

 

 哩个青瓜整得好好吃，我好钟意。

(你表姐人就最like呢個青瓜嫁了...)

上海炒年糕，我噶大爱。 (哈哈,都係我的大愛啊)

 

 特别推介——六月黄，表姐夫大爱，真系好好味，

个汁好够味，而且只蟹好脆，好好咬，之后仲有少少膏，口感非常好。

(呢個真係好好味....有機會要再叫)

 四川樟茶鸭——无想像中好食，因为我觉得距太干啦，不过就好在唔肥咯。

(呢個食食吓我都覺得太乾, 下次唔會點)

 

  

 我回赠表姐的士多啤梨环保袋。

(我喜歡這張照片啊...)

 

 哩张真系笑死我同表姐，

因为表姐夫帮表姐影之前就话“侧一侧面啊！”

影完之后，就唔讲野，

拉拉声拿部手机唔知稳咩甘，好鬼认真，然后俾我地睇，

笑到我同表姐晕，我谂隔离台噶人一定以为我地疯了。

(呢一part真係估你表姐夫唔到囉...

我真係接受唔到囉....

亦都比佢笑屎我囉.....)

 表姐夫话“哩张梭发真系好舒服，训觉刚刚好，个枕头都好软！”

之后我地要影距，距就用手遮住个肚腩，

话：“唔好影到我个肚腩！”

表情劲搞野。

(我鐘意你加咗啲字)

 

 食完饭，

我地就去左太平洋桑拿啦，

哩次我试左好多新野，

又搓背啦、又整牛奶蜜蜂全身护理啦、又试日式BB —oil全身推油啦，

真系好舒服啊，

但系唔知点解今朝起身，

我地三个都好似俾人拆骨甘，周身酸痛，惨过去打波甘。

 琴晚偷影日式按摩室噶相，呵呵，

其实我想偷影姐表噶，不过黑过头，影唔到啊。

(好彩黑啫...唔係咪比你影到.........)