蜜汁义燒 (內附食譜)

再來光波爐煮意：)

今晚試整蜜汁义燒，很像樣啊!！ 而且做法簡單！！

醃义燒時，一定要用雙手把梅頭肉及醃料拌勻，
因為有麥芽糖痴痴立立，所以雙手醃肉時，又係好好玩，哈哈！！

從來沒有想過自己可以在家做燒肉, 叉燒 @@

再一次証明, 只要你肯做, 真係有好多嘢都可以自家製的.
我只係跟光波爐的食譜去做, 或許會有很多方法的.
大家不妨自己去SEARCH都得.

而光波爐的做法, 也十分簡易, 醃料只需要5款啫.
而且仲係好容易買得到的.


材料:

梅頭肉   1件 (大約35元)

醃料:

老抽, 鹽, 糖, 麥芽糖, 叉燒醬



做法:

1.  梅頭肉洗淨, 抹乾, 與醃料拌勻, 我的方法係,
  最後才加入麥芽糖, 跟住就用雙手把麥芽糖及其他醃料
  塗勻在梅頭肉上, 大約也用是幾分鐘吧.  因為我會靠用
  雙手的熱力及力量溶化麥芽糖.

   塗勻後, 醃最少兩至三小時以上.




2.  醃好的肉置於低架, 以250度, 燒10分鐘. 
(要視乎你買回來的肉厚薄, 若厚的可加三至五鐘)



3.  打開鍋蓋, 反轉再燒5分鐘. 
(同樣若厚的, 自行加多3分鐘左右吧)



4.  燒好後, 取出, 原本根據食譜到第三步驟巳完成,
但因為可能我買的梅頭肉比較厚身啊, 當這刻取出後,  切件時,
發現中間較厚身的肉滲出血水, 所以我便把它切件後, 再焗多少少時間)



切件後, 再焗多幾分鐘, 即成.




自家製叉燒面世了....^^