【深夜食堂煮婦同樂會】第40話-炸火腿

深夜食堂煮炸火腿^~^



又來炸物功課啊...
其實自從我買咗lock & lock的鍋
我一啲都唔怕炸嘢
因為這個鍋, 超好炸, 又唔會痴底
又好洗, 有咗佢之後, 都好like 炸嘢...哈哈
以前試過炸野, 除了係失敗之外
係好怕啲油

而家因為會成功, 所以就算每次用上半枝油
也不覺得浪費, 因為成功嘛.

今期題目: 炸火腿

參考了cookbook的做法
就跟著試做
本來炸時都覺得好似麻麻地
但係當食落口中時
'咋咋聲' 再加埋芝士, 實在好香口啊..
少爺又一邊吃一邊讚啊...^^
謝謝少爺欣賞!!




材料:

火腿片 6-8片 (我用金妹牌一包)

芝士片 6片

粟粉 適量

蛋汁 一隻



做法:

1)  先準備材料, 如圖一.  火腿就先用廚房紙印走水份, 備用.

2.)  先把火腿沾上粟粉, 再沾上蛋汁, 夾上芝士,
最後再來夾上巳沾粟枌及蛋汁的火腿.

我是先兩片火腿, 一塊芝士, 再兩片火腿的.
我另外有兩件就, 一片火腿,一片芝士, 一片火腿, 一片芝士, 一片火腿,
就會厚身啲囉...其實你自己鐘意點夾就點夾啦..

3)  然後用牙簽吉上四邊, 以固定.  再快手沾上面包糠, 放在碟上, 備用.

4)  燒熱鍋, 加入油, 油熱後, 可先用少許面包糖試油溫.

5) 油溫ok, 就把芝士火腿放入油鍋中炸至兩面金黃色.

6)  準備一隻碟, 放上兩塊廚房紙, 把炸好的火腿放在上面, 吸油.

7.  全部吸油後, 把火腿切半, 排放在碟上, 即可.




火腿夾上芝士真係一流呀！

呢個其實我覺得似下午茶
晚餐當餸, 其實都有點怪怪地...嘻嘻..
同埋其實食兩件都真係好漏
因為係炸同埋有芝士
我諗配少少沙律醬食, 應該會無咁漏
再加杯紅豆冰或其他凍飲
應該會好正!!