梅菜蒸菜心 (內附食譜)

之前係街到, 都有食過這菜式:  梅菜蒸菜心

其實一直都未試過用'蒸'來煮菜類

因為我好怕淋哂又黃哂的蔬菜

會十分難食的.

最近有新聞報道, 高溫炒菜, 會有癌

大家不其然都立刻話唔炒, 要灼菜.

其實我又覺得無需要咁驚

都食咗幾十年炒菜啦...係咪先.

費話少講先....講番碟蒸菜心

因為敗婦小杯早幾日整咗

攪到我又心思思

所以今日就即刻買菜心先

加上早前敗婦維維媽幫我買咗啲靚梅菜,

反正未用....一於今晚用埋.




材料:

菜心   半斤

甜梅菜   兩小棵

薑   切絲


做法:

(1)  菜心洗淨, 備用.

(2)  梅菜用水先行沖走沙粒, 再用水浸5-10分鐘, 浸後, 瀝乾, 切粒, 備用

(其實視乎你買到咩梅菜, 浸的時間, 自己調較, 因為有啲可能好咸, 咪要浸耐啲囉..)

(3) 我用LC BUFFET 鍋, 先把少許薑絲及梅菜粒鋪鍋底.

(4)  放上菜心, 再把餘下的梅菜粒及薑絲鋪於菜心面, 加入少許油.

(5) 中小火4分钟，轉小火3分钟，熄火，焗3分钟。完成.