Spaghetti Alla Puttanesca (香蒜鯷魚橄欖意粉) (內附食譜)

早前跟了朋友仔小杯做了這款意粉.  材料簡單又好味, 十分方便.

 

這個意粉名, 我初時見到覺得好驚訝, 點解??

 

Spaghetti Alla Puttanesca (香蒜鯷魚橄欖意粉), 就咁看中文名係無咩驚訝, 而看英文串法的, 我唔識, 所以我都初時無驚訝.  因為小杯係BLOG到寫, 這個意粉又叫做”妓女意粉”, 嘩..我一見到好好奇, 我沒有問小杯呀.  只係好好奇咁, 好有興趣煮這個意粉.

 

到了前幾天, 剛巧朋友仔豪姐, 影低了某雜誌的煮食版, 咁橋就係做這個意粉.  入面就有了名稱的由來:  原來Puttanesca在意大利文即妓女, 所以又稱妓女意粉.  材料很簡單, 橄欖, 鹹鯷魚和CAPER都是意大利人家常用的食物.  當妓女工作至通宵達旦, 便會將這些材料來做意粉吃, 補充體力, 快捷方便.  原來就係咁的….

 

了解了這道意粉的背後故事後, 我便試做了這道新口味的意粉. 

 

請大家看材料及做法吧….

 

 

材料 (2人份)：

意粉     適量
蒜頭           4 瓣，切片
辣椒粉               適量 (喜愛辣的就加多點, 不愛便減)
黑胡椒   適量
黑橄欖       10粒，去核切碎
酸豆 Capers    10粒，用水略沖
鯷魚 Anchovy      8片,  切碎
小蕃茄          25個，開四或切半
奧勒岡 Oregano       適量




做法：

(1) 一只鍋, 加入水,鹽, 滾後, 加入HOMEMADE意粉, 煮大約一至兩分鐘. 瀝乾, 備用

(2)   蕃茄一開四件, 黑橄欖及鯷魚切碎, 蒜頭切成蒜片.

(3)   LC BUFFET鍋, 加入橄欖油，加蒜片炒香，依次序落辣椒粉，鯷魚，酸豆，黑橄欖同炒

(4)   炒香後，加入小蕃茄，慢火煮約10分鐘，如不夠水，可加入1-2匙意粉水同煮

(5)   最後加入黑椒粉和奧勒岡，意粉伴勻約一至兩分鐘即可上碟

這道意粉好好味,  味道在於它鹹鹹酸酸， 又帶香辣，愛濃味者， 必定喜愛它.