自製梅子醋 (內附食譜)

2013年4月18日(星期四)

未出梅子酒食譜, 就先出咗呢個先...

因為比較新鮮嘛..哈哈...

快手寫blog文先...唔係又唔知幾時寫lu..

做法我跟咗jacky yu的, 我做咗佢的半份份量.

看了JACKY書中提及梅醋的好處,
好想有一樽係屋企旁身...嘻...


** 醋本身有很多功用, 例如:

.... 促進口水, 胃液的分泌, 調整腸胃機能, 幫助消化
.... 使血液變得潔淨, 促進脂肪, 糖份分解
.... 幫助排出體內多餘的膽固醇
.... 增加皮膚, 頭髮的亮澤, 從而逹到美容作用
.... 用醋來烹調菜式, 更加是美味開胃


而用梅子泡浸出來的梅子醋, 更兼備了梅子及醋兩方面的食療效用,
可謂一舉兩得. 梅醋不單止好飲, 還可以止渴, 消除疲勞, 解熱, 止咳, 健胃,
更可以有敦中和酸性及鹼性的食物. 當你食慾不振的時候, 飲一小杯梅醋,
包你胃口大開.  一般來說, 梅醋可以直接飲用, 每次約一小杯, 若嫌太酸的話,
可以調以適量開水或蜂蜜飲用, 你更可以運用你烹調上的創作力, 用梅醋代替
其他醋來泡醃各類蔬果泡菜, 如梅醋苦瓜, 梅醋石榴, 梅醋蘋果等等.......
加些橄欖油拌沙律, 清香味美, 甚至燜煮及烹調各類菜式, 都非常之健康有益.




琴晚手痕痕浸了一樽梅子醋，六個月後，就可以飲用了!





材料:

半熟及熟梅子 790g

白醋 800g

冰糖 440g


我用咗2L的樽, 但我建議買2.5L OR 3L的樽會仲好
因為你會見到我張相, 連梅剛好頂住咗...其實我唔知
咁樣得唔得嫁....嘻嘻...



做法:

1)   將樽清洗後, 及晾乾.

2)  先將梅子清洗好, 及晾乾透, 記得一定要乾透啊..

3)  用牙簽挑去梅子的蒂, 及在梅子上用牙簽吉小孔.
(因為是熟梅, 所以輕力吉小孔巳可以了, 不用大力啊)

4)  把吉好的梅子放入, 加入冰糖及白醋, 用保鮮膜封口, 蓋上樽蓋, 即成.

5)  放在陰涼處, 久不久搖吓佢, 六個月後就可以飲用嫁了.