經理牛一午餐+自家煮晚餐

 

2009年3月12日(星期四)

 

今日lunch去咗灣仔海景萬麗酒店到食

事源係原本13號星期五晚為好友 ' 經理' 慶祝牛一

但係因為好友'叻叻' 當晚有要事

同唔到我哋一齊去食牛一飯

所以佢專登今日約'牛一的經理' 食中午飯

同佢慶祝牛一

咁好友'叻叻' 知我今日會係灣仔返工

所以順便我都有食囉...

當然我知叻叻都會請埋我啦...佢對我真係超超超好啊...

(不過最後到星期五當天我都有事唔去得牛一飯局,

所以我就同叻叻講, 呢餐我同佢夾份請經理食了....)

      

      

      

'叻叻'的 咖哩豬扒飯

好靚, 好大件豬扒, 不過個飯好細, 最後我多口叫咗個服務員

比多一個飯囉....

酒店的水準真係好好呀, 呢件豬扒炸得無油, 又冧, 又香, 好鬆軟,

真係好好好好...食啊!

我同'經理'的 燒羊架

又係好好味, 個羊啲肉好冧, 好軟, 而且啲配菜, 唔係平時啲薯菜呀,

或者咩跟飯跟意粉呀...咁囉..

係啲意大利青瓜, 蕃茄等等...好好味

就算連個薯茸都好好食囉....嘻嘻

布丁配生果粒

因為我要keep fit, 所以我分咗半比佢兩個, 我試食少少啦

又係一個字.....正....好滑好香, 又唔太甜

其實頭盆有湯及沙律, 不過我唔記得咗影相囉....

 

 

原本今日唔想煮飯仔

但係因為星期二及三都出咗去

阿榮老公好似有啲咋型咁喎....

因為我下晏打比佢問

今晚唔煮飯lu...佢答的時候好似有啲唔happy咁的感覺

加上自己都覺得連續兩日都去咗街

攪到佢兩日都返咗老爺奶奶到食

嗯....自己個心又有啲唔好意思的感覺添...

所以最後我都係決定返到去買餸

見好耐無食魚, 又想買啲好啲的冧吓老公喎

最後就買咗條石斑魚囉...好貴呀

不過一次半次, 就無所謂啦

而且諗到阿榮老公做嘢辛苦....

跟住想又係清清地,

就煮咗個日本粉絲什菌蔬菜豆腐煲

      

      

      

日本粉絲什菌蔬菜豆腐煲

裡面有日本粉, 茶樹菇, 雞肶菇, 草菇, 娃娃菜, 豬肉嚷豆腐及豆卜

清蒸石斑魚

 

 

  

  

  

  

  

  

  

  

  

  

上次去日本時買咗呢隻粉絲, 返到嚟巳經食咗好多次,

真係好好味, 自從食咗日本粉絲我巳經愛上咗佢lu...

後來我哋發現香港都有得買呀....係citysuper及大百佳都有呀,

大家不妨試吓啦....用嚟火鍋及煮一啲煲仔, 超好味啊...

(但如果用嚟做中菜, 例如: 沙爹金菇肥牛煲呀, 諗住蒸扇貝, 帶子呢啲加

呢隻日本粉絲, 就唔夾了, 唔好味, 因為我試過了, 要用番平時

的龍口粉絲就最夾最好味, ok)