2009年3月9日（星期一）
今日返工， 時間過得特別快，
可能太忙啦，做到連中午飯的時間到咗我都唔知。
跟住到咗下午又係好快過
GOOD，因為好快就可以放工，返屋企煮靚餸。
較早前用剩了半個洋蔥，唔上唔落，
橫掂仲有幾條牛肋條，又有支Sukiyaki Sauce，
心諗不如試吓整個好似日式的食品都好喎，
個汁甜甜哋應該都夾味的。。
洋蔥炒牛肋條粒配Sukiyaki Sauce
先將洋蔥切絲，牛肋條6-8條切粒，用黑胡椒醃15分鐘，備用。
準備Sukiyaki Sauce，3湯匙加少少水拌勻，即成汁料，備用。
起鑊，加油炒香洋蔥及軟身，加入牛肋條粒炒至八成熟，
最後加入Sukiyaki Sauce煮一會或至收汁，即成
係咪好簡單呢。。。其實真係好正嫁，大家不妨試吓啦。
自家製咸豬肉蒜茸炒翠肉瓜
最近愛上了這樽黑胡椒，我買時好平，
做緊特價，只要12元，好大支啊
而且呢樽黑胡椒好夠味，值得推介比你哋
我就係用這樽Sukiyaki Sauce
又係平靚正，係JUSCO 十元店買嫁
食完飯， 老公就上網，
而我就整蛋糕囉。。因為有朋友生日
同埋我又煲‘笑著活下去’的劇集，
因為上個星期有幾集未睇啊。
一路整CAKE一路追
咁又過咗一天了
兩個送都好正喎, 尤其係個牛呢......一定好惹味者...
回覆刪除[版主回覆03/12/2009 20:27:00]係呀, 我都係第一次咁煮, 個味剛剛好啊....真係好味呢...
個牛肋條好美味，個汁同黑椒好底買，等我都買黎試吓，都話要偷師。
回覆刪除你整佐咩嘢蛋糕呀？？
[版主回覆03/12/2009 20:28:00]都係藍莓芝士凍餅, 因為生日之星話好耐無食呢個蛋糕, 咁橋我仲有材料啊...就整呢個囉
個蛋糕好好食呀.....正....hahahaha
回覆刪除[版主回覆03/12/2009 20:29:00]生日之星...最緊要你like就好lu...
謝謝您
我見你話去銀座個十元店...你係咪住個頭ga....係既話同我都好近呀~~^^
回覆刪除以前都會經常整野食既...之前就懶左lu...而家又開始整過~~^^ 你好多cake我都好想整呀....由其係個月餅.....因為d模好得意~~^^
[版主回覆03/13/2009 09:49:00]係呀，我住係附近的。
整啦，快啲整多啲啦。。我其實之前成日都整CAKE， 係一星期起碼有三日囉。。嘻嘻。。
但之結咗婚之後，因為要自己煮飯，所以無咁多時間LU。。但呢排都盡量開始整番CAKE了。（不過有時都係懶，又無MOOD）
因為除左狗狗之外...唯一可以令我唔亂諗野就係整野食..... 所以而家不停整呀整....d材料多到成個廚房都係...... 我想問下...有無d唔洗焗既紐約芝士cake係唔洗焗ga.... 我有朋友仔想食......(之前我係taste到都有買過黎食,細細件好好味ga)
回覆刪除[版主回覆03/13/2009 15:38:00]唔駛焗的。。我唔知喎。。因為我都係焗啊。。
不過我試吓幫你搵吓， 問吓我蛋糕師傅先。 好嗎。但可能唔會呢幾日問到呀，因為我呢排要忙做嘢啊。。。你等我好嗎。
YEAH~~!!!謝謝你呀~~~
回覆刪除我唔急ga........^3^....啜卜~~~(e....我咁熱情...你honey會唔會殺左我ga~~^^)
你得閒see下呢個website,幾好....
回覆刪除http://health.enjoycolumn.com/2008/03/05/%e5%85%bb%e7%94%9f%e9%a3%9f%e8%b0%b1%ef%bc%9a%e9%93%b6%e8%80%b3%e8%8e%b2%e5%ad%90/
[版主回覆03/14/2009 00:31:00]OK, 謝謝您呀....剛去咗...真係幾好喎, 啱哂我啊...