色,香,味俱全的下午茶餐+晚餐@自家煮

 

2009年3月14日(星期六)

話說因為本少奶呢幾日有嘢做

所以連琴晚好友' 經理'的牛一飯局

都唔可以出席

係到想同好友 ' 經理' 講聲:

唔好意思 兼 生日快樂啊...

攪到原本負責整蛋糕的我...

都要攪到無蛋糕食..

唔怕...經理.我會補整番一個送比你的...

(不過你要等吓我喎...因為你都知我忙咩啦....嘻嘻..)

今日阿榮老公仲要返工

而我呢...都無得訓到咁晏

因為要趕嘢啊...無計

跟住等到差不多阿榮老公放工返嚟...

平時我哋就出去嘆下午茶的

但係因為我之前都講過啦...

好貴又食唔飽

所以決定以後無咩事都係自己整好過

所以今日自己整咗一個色, 香, 味俱全的下午茶餐

黑椒蜜糖焗雞翼+星星薯餅配鮮蘋果沙律

出面食都無咁多料咁靚添喎....哈哈..

唔好話我自己讚自己

老公差不多食完時

仲話...咁好食, 得咁少嫁..唔夠食, 又唔夠飽喎...

少食多滋味啊...少爺

 

到咗夜晚, 又要快手又要醫肚

為有整呢個咖哩飯啦

因為之前買啲只需要翻熱的咖哩就食得

而家我都會買定幾pack係到

for 而家咁...又要食又要方便

 

日式咖哩牛肉飯

上面嗰碟係阿榮老公的. 下面呢碟咪係我囉..

 

仲有老爺煲的花生眉頭雞腳湯

 

食飽後..又要開工了....

真係忙到'屎'呀....