苦中帶甜自家煮@苦瓜蚊排骨+蒸魚秘訣(內附食譜)

 

2009年3月18日 (星期三)

放完假返到公司

係咪好多嘢做...ok啦...

咪慢慢做囉....又唔駛屎的..呵呵...

不過今日阿榮老公要返東莞做嘢

放咗工我返到屋企

準備做晚飯的材料時

到咗七點半, 阿榮老公打返嚟

~

話因為要趕project, 所以無準時收工

而家先走得, 但係因為無公司車lu.

要自己坐車走, 所以佢話起碼要九點半先返到嚟,

叫我自己先食飯.

但係我又點會咁早啊....

一於準備好啲材料, 沖過涼, 睇吓blog, 收衫摺衫,

時間好快過啫....話咁快老公就返到嚟了

佢去沖涼, 咁我就開始煮餸了.

 

 

 

 

  

 

老公在飲食方面, 值得讚的,

就是他甚麼都吃,

不偏食, 只有一種味道的餸菜他是不喜歡吃的,

就是苦味的, 他都不喜歡.

今日我要做的菜正是老公不喜歡的苦瓜

而我呢. 小時候的而且確不喜歡苦瓜

總覺得它的味道很不好受,

記起小時候, 每逢媽咪釀苦瓜時,

我總會只吃釀在苦瓜裡的魚肉,

苦瓜就要爸爸或媽咪拾手尾啊...

爸爸媽咪總會對我說: 吃得苦中苦, 方為人上人啊....

漸漸長大, 聽得多, 見得多,

知道苦瓜相當有益, 我便開始愛上了它的苦甘味

老公須然不喜歡苦瓜

但是他明白到我的用心, 想他吃一點有益的食物

所以他今天也和我吃著這一道苦中帶甜的苦瓜蚊排骨...

苦是苦瓜的苦...甜當然是我對他那份甜絲絲的感覺啦!

 

苦瓜蚊排骨

材料: 苦瓜 2條, 排骨 20元, 豆豉及蒜茸 適量, 薑 數片, 紹興酒,

辣椒 (怕辣可以不加, 或視乎個人喜好)

 

醃料 : 鹽, 糖, 生抽, 水 及粟粉 (適量)

 

做法 : (1) 排骨洗淨, 用醃料醃30分鐘, 備用

(2) 苦瓜洗淨, 切件, 用少許鹽醃10分鐘, 部份苦瓜汁會流出,

倒掉去苦瓜汁, 備用

(3) 豆豉用水浸一會, 去掉水份, 備用

(4) 燒熱鑊, 加入油, 豆豉. 蒜茸, 薑及辣椒爆香

(5) 加入排骨快手炒一會, 續加入苦瓜炒一會

(6) 灒入紹酒及水至蓋過面

(7) 待滾後, 用小火蚊10分鐘至收汁, 即可食用

 

** 如怕有苦澀味, 可做完步驟(2)後, 把苦瓜出水, 可以減低苦澀味.

由於苦瓜有用鹽醃了一會, 排骨也用了醃料醃一會, 豆豉又有咸味,

所以全道菜一般都夠味, 不需要另加任何調味料.

第二道菜...是蒸魚啊...

琴日係元朗街市到見到呢種魚..

自己同媽咪又唔識喎..

但係又覺得好得意, 咪問吓魚檔個姐姐仔

佢話呢啲叫做 '花利魚' 好似 '撻沙'咁的

阿姐話好食過 '撻沙'喎..

咁我見11蚊4兩, 咪買咗兩條嚟試吓囉...

又真係幾好食喎,  啲魚質幾爽口, 又無細骨, 唔錯喎...

其實佢叫'花利魚',

但係我唔知係唔係用呢個 '利'字...我是但用嫁咋.

 

 

蒸花利魚

做法: 洗淨魚, 抺乾水份, 放上蔥及薑片, 於水滾後, 隔水蒸7分鐘, 去掉蒸魚水.

燒熱鑊, 加入適量油及蔥, 爆熟, 淋上魚面, 加入豉油, 即可食用.

 

蒸魚秘訣: (1) 無論蒸甚麼魚也好, 一定要臨蒸前才洗, 這個動作非常重要,

條魚好唔好食, 鮮唔鮮, 就係呢個步驟, 有好多朋友都唔知,

 成日問我點解可以蒸到咁好食的魚, 咪就係因為你哋唔知呢個步驟囉...ok.

(2) 無論蒸咩魚, 若果係中size的, 只需要7分鐘, 一定要睇時間,

唔可以過多過少. 咁蒸出嚟條魚又會又新鮮又滑.

若果真係好大條....就要加到去10至12分鐘了.

 

以上兩個蒸魚秘訣, 都係多謝我媽咪的傳授!

好駛得嫁...

 

 

2009年3月19日 及 3月20日

(星期四及星期五)

 

呢兩日都無咩事發生

返工, 放工..

只係星期四返咗去媽咪到食飯

星期五就返去老爺到食飯

兩日都不用煮飯

唔駛做, 唔駛洗, 仲又食又拎添.....