自家製士多啤梨醬@士多啤梨骨(內附食譜)

2009年3月21日(星期六)

 

話咁快又到星期六

我又可以瞓晏啲lu...

老公就要返工了...

瞓醒咗, 當然要即刻打比晴晴媽啦...

因為我要見吓晴晴啊....好掛住佢呢?

趁晴晴而家仲可以比我抱,

我一於唔放過所有機會

我要抱佢多啲先得....有時好想佢快啲大啲..

因為我呢位ee 好想教晴晴做蛋糕

等佢送比晴媽及晴爸啊...

話時話...唔知點解我特別鐘意晴晴呢...

可能因為晴媽係我的好好朋友啦

其實可能係因為我同晴晴有緣份囉..

Anyway, 總之ee就好鐘意你啦!

 

 

不過晴晴今日好百厭啊..

激親晴媽啊

...但其實都係好攪笑的...

我哋食完嘢, 一齊去買餸..

以後我都要跟晴晴去買餸,

因為薑又靚啲, 多啲, 蔥又係呀...

係街市到, 晴晴好多fans啊....

我都係佢其中一位啊...

 

同晴晴及晴媽bye bye後

我就回家了..

老公都自己整咗啲嘢食緊lu...

跟住同佢傾吓傾吓...

我就 

 , 咁就係sofa到瞓著咗lu

瞓瞓吓...聽到啲好嘈的聲

開半眼望吓咩事.....

嘻嘻....原來阿榮老公係到掃地, 執屋企.

唔知佢今日痴咗邊條根呢...

咁有mood打掃的....唔理lu...

我一於大覺瞓....好好休息吓先得.

跟住到我瞓到咁上吓...

我就醒咗了...但係跟住就輪到阿榮老公瞓lu...

其實我哋兩個好耐都無係星期六瞓晏覺了

老公返工其實好辛苦.....尤得佢瞓吓覺, 好好休息啦...

 

今日有咩好餸介紹比大家呢?

就係士多啤梨骨....

好友'經理'較早前送來了自家製的士多啤梨醬

可以用作塗麵包

但因為最近為了keep fit而減少吃澱粉質,

所以我決定用來做士多啤梨骨

ivy姐好鬼鐘意食士多啤梨骨

不過我都係第一次整, 而且我從來都未係街到食過

所以無得比較啊...

ivy姐, 若果你真係好想食時....你又唔嫌棄的話,

你叫經理下次整多啲醬, 攞比我,

咁你嚟我屋企到食啦....

 

 

士多啤梨骨

材料 : 排骨 20至30元, 青椒 2個細的, 士多啤梨  5至6粒, 士多啤醬 一杯

醃料: 鹽, 糖, 胡椒粉, 雞粉, 生抽, 水及粟粉

做法 : (1) 排骨先用醃料醃30分鐘

(2) 士多啤梨切粒, 青椒切件, 備用

(3) 燒熱鑊, 加入油, 先爆炒排骨炒至八九成熟, 盛起備用

(4) 續加少許油, 下青椒炒一會, 加入排骨炒至熟

(5) 快手加入士多啤梨粒及士多啤梨醬快手炒勻, 上碟即成.

 

士多啤梨醬的做法, 稍後要問好友'經理' 才可以post出來給大家啊...

成日都食生炒骨或者菠蘿咕嚕肉

今次可以試吓第二款lu...

阿榮老公都話好好味, 因為酸酸哋又甜甜哋

好開胃, 好清新啊...

呢個餸好適合夏天

到時大家不妨試吓啦...

 

 

蒜茸炒菜心

 

係到再一次多謝 '經理' 送來的自家製士多啤醬啊..

好好味...第日記得再整嚟送比我啊.....