瑤柱魚翅瓜煲豬骨湯@朋友自家種的魚翅瓜

 

2009年3月15日 (星期日)

 

今日係星期天

應該係休息的

但係....未做哂啲嘢呀....

所以今日早咗啲起身...開工呀...

而阿榮老公呢...我當然係想佢訓多啲啦

所以無叫醒佢....

未開工之前...準備定今日的午餐及晚餐的材料先

因為一間真係無時間了.

 

老公終於起身了..

太好...因為其實我肚餓咗好耐lu...

終於可以醫肚了.

火腿伝承麵

之前係日本到買咗呢包麵, 今日終於都可以試食了...

日本啲麵真係是但求其買包都好食...

呢包呀....好滑, 好香仲好煙韌添

大家有機會都可以試吓啊!

大家知唔知呢個係咩瓜呢...

就係....魚翅瓜

同事CC自己有種菜的, 佢好好呀,

間中巳經成日送佢自己種的菜比我

今次我估唔到佢'托'咗兩個魚翅瓜比我

一個送咗比我媽咪, 一個就送比我

我其實都未見過呢種瓜嫁..真係唔識嘢..

CC教我用嚟煲湯...所以今日就試吓啦..

CC同媽咪都係教我要好似以下幅圖咁樣切開喎...

因為裡面係一絲絲的..

大家見唔到...其實都要好大力先可以切得開,

本來諗住叫老公開的, 但係因為我又心急,

所以我初時係用大刀的,

但後來發覺又危險, 咁我自己就用咗把生果刀

慢慢逐啲逐啲切開囉...

終於切開咗了, 裡面嗰樣就係咁了,

切開咗之呢, 好奇怪嫁喎...因為佢好鬼香嫁..好清香味.

然後將佢隔水蒸20分鐘, 待涼之後,

唔要啲'核'及要批走啲皮及起肉,

咁先可以用嚟煲湯嫁...

睇睇今日我點樣配搭煲呢個湯啦...

材料: 半個魚翅, 豬骨25元左右, 乾瑤柱8粒, 蜜棗2粒, 薑數片, 拍扁

做法: (1)先將魚翅瓜處理 (請攪上面的做法), 備用,

(2) 豬骨先出水, 乾瑤柱用水浸幾分鐘, 備用,

(3) 煲加入適量水, 放入蜜棗及薑,

(4) 滾後, 加入乾瑤柱及巳出水之豬骨.

(5) 再滾後, 加入魚翅瓜, 煲滾後, 關小火, 煲個半至2小時, 即可.

 

瑤柱魚翅瓜煲豬骨湯

可以飲了...切咗出嚟的時候都巳經好香,

煲的時候又係好清香喎..心諗一定好清甜啫

果然出嚟的效果, 老公都話呢款湯水好香好甜好飲..

我仲有半個魚翅瓜..過多幾日又煲先..

 

蒜茸炒小棠菜

蒜茸豆豉炒豬腸

食完飯...又要繼續開工了...

攪到成12點...頂唔順lu...要訓覺了..

但係老公呢...仲想幫我做埋落去..

所以我都唔知佢幾點訓..但係一定夜囉..

其實唔想佢幫我做到咁夜..因為佢聽日仲要返工嫁嫲

而我呢...明及後天都放假啊...

一早攞咗假嚟係想好好休息及做吓自己想做的事

而家...睇嚟明天我仲要趕工

希望明天可以快手啲啦...