2009年4月1日(星期三)
今天是愚人節
也是天皇巨星 ---張國榮的X忌
(我不想打那個字, 用了X代表)
真的很懷念這一位巨星
他的俊俏
他的歌聲
他的風采
他的各樣....
雖然覺得可惜
但是我知道瞙瞙中自有主宰
有很多事情
不是我們努力
就會有收鑊的
但願我們能好好的活下去
2009年3月31日 星期二
蕭師奶放病假的日子
2009年3月31日(星期二)
今天真的沒有上班啊
因為蕭師奶真的病倒了
很累.且無力
昨天晚上沒有好好的睡好
所以今天根本就沒有精神啊
早上只是睡了一會兒就起來
煮了一碗餃子, 就出去看醫生了
媽咪待我差不多時間
先到診所替我掛號
(唉....你們看...媽媽永遠是最好的,
她自己有病...但是了...知道我有小毛病..就緊張起來了,
聽到我病了...就趕忙想煮一點粥給我...
可是了...我說不用了, 我自己回家煮好了,
因為我不想媽媽費心啊...)
看完醫生, 我就跟媽去了買菜市場
買了排骨和一點的菜回家
媽...其實不捨得我, 我看得出的.
其實我也一樣, 我其實很想陪她多一會
但是了....我真的很累...很想回家休息...真的沒辦法了
回到家, 趕忙洗好煮粥的材料
開始煮了....今天媽媽帶我到一間豬肉店
名為 '劉松記' , 是在新墟的買菜市場
很久巳經聽過媽媽說'劉松記' 的豬肉是最好的
新鮮且沒有叫 '崩沙' 這個東西
所以在這買來的豬肉, 是不用出水的.
這個我今天終於可以嘗一嘗了
果然它的豬肉真的很鮮甜,
根平常的是不一樣的
(這個我一定要告訴我的好朋友 '暑媽'了,
因為她會在新墟買菜做飯,
我很早前巳經很想告訴暑媽了,
但是...我當然是忘記了吧..
暑媽....記住了....有機會一定要試試到 '劉松記'買豬肉啊..
真的不用出水, 我聽到買豬肉的人都千萬吩咐客人不要出水的.)
晚上等到老公回來
一起吃粥, 沒有其他了...
不過..我的鬼主意又來了..
就是最近麥當奴又推出了我很喜愛的'足三兩'
它真的很好吃的....不知你們有沒有嘗過呢?
沒有的...就要把握機會了...因為它會推出一會之後
又不推出的....很壞的...
所以我跟老公說: 吃粥的, 會很快肚子餓, 不然你一會兒到九點鐘
下去買 '足三兩' 給我吃 , 好嗎???
老公回答: 嗯....看看一會兒怎樣才算吧! 你呀, 吃完粥, 要吃藥,
要好好的早點睡覺.....
我說: 知道了, 其實我巳經很想睡覺了, 很累, 你呀, 九點鐘要叫醒我,
我要吃藥, 好媽?
跟著我就去了睡覺.....很好睡, 好久未試過睡得這麼熟了.
到了九點多....老公叫我....喂....起來吃點東西...要吃藥啊...
我一出去...嘩...太高興了....因為老公真的買來了 '足三兩' 給我
我問老公: 啊...你何時出去了, 我怎麼不知道你出去的,
(因為我是一個很會醒的人) 這次我真的睡得真的很熟了.
連老公出去我也不知道!
太好了....我們倆一齊吃 '足三兩' ,
一個兩份, 因為真的很大的...
吃完以後, 很滿足啊....吃了藥..我又再睡了...
2009年3月30日 星期一
星期日之煮@花膠冬菇海蔘炆豬肉(內附食譜)
2009年3月29日(星期日)
今日原本約了奶奶及媽咪
一同遊大澳
可惜早上下起雨來
所以唯有除消今天的行程
後來我和阿榮老公便待在家中
好好的享受一吓這天的假期
今天我們看了兩套要哭的戲啊....
累透了....因為我哭得太過....???
不提了....
今天因有時間又有心情
很想炆花膠及海蔘啊
媽咪今天教了我這個方法
一於試吓...
材料: 花膠 4件 , 冬菇 適量, 海蔘 2條, 梅頭豬肉 30元
汁料: 豉油 5湯匙, 米酒 6湯匙, 糖 3至4湯匙
預備材料及工夫:
(1) 先將花膠浸發, 請參見以下做法.
花膠處理
浸數小時。 再用薑荵水+花雕酒細火煲約半個鐘(時間視乎花膠厚薄)，熄火焗數個鐘，撈起，浸十分鐘冰水，隔水備用，切件，臨食再放汁細火炆20鐘。
(2) 海蔘用水解凍後, 去除內臟及薄衣, 用薑蔥出水, 切件後備用
(3) 冬菇浸軟後, 用生粉/粟粉 '卒'片刻, 用清水沖洗乾淨, 加入少許生粉及生油醃好待用 (這個方法, 可以令冬菇更滑口)
做法:
(1) 用一個煲仔, 加入汁料, 滾後, 加入豬肉, 用慢火炆冧及至八成熟, 這個過程需要45分鐘左右.
(2) 起鑊, 加少許油, 爆香蒜茸及薑, 放入冬菇, 炒....係咁炒....然後加入海蔘...炒....係咁炒....最後加入花膠炒一會, 關火.
(3) 豬肉先取起, 切件, 備用
(4) 把剛才炆豬肉的汁料, 煮滾, 先加入冬菇炆20分鐘, 後加入海蔘炆一會, 加入巳切件的豬肉, 炆15分鐘, 然後再加入花膠炆至收汁, 即成.
老公食到好食...
就問...老婆...無了..啲炆豬肉就係得咁多咋...
我答: 係呀...全部係到了...
老公回答: 咁少嫁....唔夠喉喎...
嘻嘻....無計....下次再炆多啲啦....ok.
2009年3月28日 星期六
最後一次化療針
2009年3月25日(星期三)
感謝上天的眷顧
媽咪今日終於可以打埋最後一次化療針
即係話.....化療呢一部份可以話叫做暫告一段落
嚟緊係.....要面對的就是做手術
越接近心情難免真的有點緊張及擔心
下個月15號就返去張醫生到覆診
睇吓張醫生點樣安排
有咩見意...
究竟全部割定係割某部份呢....
真係好難攪啊...
點都好...都係聽完醫生點講先啦...
媽咪身體無咩問題
只是那天很細心看到媽咪臉上
真的老了很多
不竟化療針真的有一定的影響
而且很明顯皮膚是深色了, 斑亦都多了些
不知道完了化療過程是否會退呢?
沒有人知....我想都是因人而巳吧!
不重要...最重要是媽咪身體各處沒有問題就巳經是最好了
奶奶嚟食飯呀!
2009年3月28日(星期六)
今日瞓得好晏呀...所以無約晴晴及晴媽嘆lunch呀...
因為我琴晚同愛麗詩食飯+傾心事
好鬼好傾...其實我哋個心都未想走嫁...
但係巳經係晚上十一點半了....再唔走...我哋就無車返屋企呀.
所以琴晚我成三點先瞓...你哋話了...
我今日又點可能早醒呢...
瞓到下午一點半先肯起身...打個電話比老公
佢都差不多可以放工...
等到佢返嚟, 我哋就出去元朗到買餸了..
因為奶奶由今日起放假至到4月1號啊...
難得奶奶放假, 我又唔駛返工
咁當然係想請奶奶上嚟食我親手煮的餸啦...
今日老爺同阿哥都無嚟
得番我哋四隻腳...開枱???
可惜呢三隻腳都唔識打牌呢....嘻嘻....
買完餸都返到屋企都成五點lu...
要快手煲湯啊...唔係就趕唔切了...
然後就要準備今晚的餸了.
蒜茸粉絲蒸貴妃蚌
20元一斤, 買咗兩斤, 都好大隻又新鮮, 我都未曾整過, 一於試吓先.
家姐話呢個好好味...因為啲味好清甜, 好食過帶子喎....
蒜茸豆豉蒸帶子
我又食帶子了...因為實在又平又靚,
我真係忍唔住呀...而且我好鬼鐘意食啊....
食譜在這裡, 再按:
http://hk.myblog.yahoo.com/jw!jL26mBSYHxX0RNYYtc2j4Y2NvLc-/article?mid=4195
蒜茸炒勝瓜
超嫩超爽...只係用蒜茸及少許油係咁而炒熟,
落好少好少的鹽...就巳經好清甜...好好味啊...
蒸魚
唔知叫咩魚...係奶奶帶來的, 老爺買的, 我問奶奶係咩魚....
奶奶答我: 你真係考起我了...我都唔知係咩魚喎...哈哈...
其實仲有煲湯....不過唔記得影相啊...
今日的靚湯係: 東菇花膠螺頭煲西施骨湯
勁甜勁滋潤, 好好飲啊...
食譜請按這裡:
http://hk.myblog.yahoo.com/jobechan0911/article?mid=3670
食完飯, 大家傾吓睇吓電視
咁又過咗一日了...
奶奶又爭住洗碗lu...
我就由得佢了...叫佢擺係到, 等我洗,
佢又要話洗...咁我唔理lu....
我仲同奶奶講笑: 好歡迎你呢幾日, 隨時上嚟幫我哋打掃嫁!
跟住我哋幾個又笑一輪....
愛麗詩夢遊仙境@Birthday Dinner
2009年3月27日(星期五)
今日早上係咁做...因為話咁快又到月尾月頭,
有好嘢要做及準備...
同gigi食完lunch, 佢比咗張填子遊戲我,
因為佢話要填哂先可以有得參加抽獎.
因為佢話好深, 唔識, 係英文嚟的,
係根據佢問的問題, 然後填番Pracific Place的商鋪名
我好認真咁同佢填呀....
跟住細老闆見到, 佢又八卦吓...
有啲英文我唔識, 我咪又問佢囉...
哈哈...跟住佢好好呀....同我一齊上google到搵資料
我哋真係好用心及花時間及腦汁嫁...
因為佢真係唔係一啲咁易的問題啊....
例如: 問題: Say goodbye to Tom Ford
咁你會係到諗....點樣say goodbye 同呢位Tom Ford呢?
咁同啲商鋪名有咩關係呢.....
我見個答案的格數...係5個字...
咁我就諗...一係就GUCCI, 一係就COACH,
然後細闆試吓打Tom Ford, 搵到呢個人的資料...
詳細睇吓....原來呢位Tom Ford曾經係GUCCI到做,
後來無做了....所以我哋睇完就知....答案係GUCCI.
因為佢而家無係GUCCI到做, 咁當要要同佢say goodbye 啦...
好耐無玩填字遊戲, 所以我哋兩個都好興奮啊...
而且最後我哋填哂添.....好有滿足感!
我哋仲話...若果gigi真係抽到獎...一定要請我哋食嘢啊....
我哋都真係好希望佢可以抽到呀...
終於都放工..今日約咗好友愛麗詩...
下星期係佢的牛一
我一早就約咗, 同佢慶祝生日而且我哋都好耐無見lu...
我哋約咗係葵芳, 先行街街先...
跟住先去食嘢....
今日同咗愛麗詩食一間手打烏冬, 係新都會廣場,
好好味啊...啲烏冬真係好鬼彈...
跟住我哋食完嘢, 就走咗去出面的露天場地繼續傾,
傾到啲工作人員話: 唔好意思啊...我哋收工了...
咁我哋又一邊行一邊企係到又傾....
傾吓傾吓...時間真係好快過...又到十一點幾...
我哋其實好唔想走嫁...好似仲有好多嘢傾...
但係....再唔走...真係無車搭啊...
所以我哋都要say goodbye啊....
本書係叻叻送比愛麗詩的...而呢盒雜錦護膚禮盒係我送的...
蕃茄雞絲湯烏冬.....勁重蕃茄味, 好好味啊..
美國牛肉飯....嫲嫲哋..飯比較乾身...係到都係食番佢最名的烏冬好啲
牛肉就好夠味...唔錯.
八爪魚餅.....ok啦, 唔係話好好食. 但又唔係話唔好食...
天婦羅雜菜餅....呢個真係好味呀...食落無油嫁..而且又夠脆...正!
無人幫我哋影合照...唯有我哋各自影單人照啦...
今晚好開心, 可以同愛麗詩傾咗好多心事
我哋大家都各自有大家的煩惱,
但唔緊要....我哋會互相支持及鼓勵對方
我哋會努力, 加油嫁....
愛麗詩: 係到同你講聲: 生日快樂!
仲有...希望你的問題, 早日解決. 祝福您!
自創沙律汁拼燒雞髀@自家種羅馬生菜(內附食譜)
2009年3月25日(星期三)
都未到summer就巳經覺得煮飯時煮到好熱了
好快就到summer....
一諗到係廚房到煮飯, 嗰種熱的感覺...
就知道到時好辛苦啊...
對於新婚的朋友仔
今年會係你哋第一年summer煮飯
到時你哋就知...我講的係幾咁辛苦了
唔好話要煮啲咩嘢....
到時只係煮一啲好簡單的餸...都會攪到你成身汗啊...
到時真係煮完都唔係好好胃口...
我的經驗係...只想飲湯或飲水....
仲有..係咩都唔想做啊...
今晚我就真係想整啲比較簡單的嘢嚟食
由於我哋倆公婆係晚上唔駛食飯
只係食菜及肉
所以今日整咗呢一個
燒雞髀+沙律
簡簡單單, 又唔駛食到咁飽啊...
同事CC又送來了自家種的羅馬生菜
剛好....正正可以自製沙律啊...
自家種的羅馬生菜好新鮮...而且仲好爽添
我另外就加咗奇異果及火龍果添
我的沙律汁係由卡夫奇妙醬+少許幼鹽+黑胡椒
將呢三樣攪勻...就成為我的自創沙律醬了,
大家不妨試吓....呢個醬係我自己自創的...
原來咁樣撈都好好味喎...
醃燒雞髀材料：雞髀---2大隻, 胡椒粉---適量, 蒜鹽---適量
汁料: 老抽---適量, 清水---適量, 冰糖---適量
. 先將雞髀洗乾淨, 沫乾, 用適量胡椒粉及蒜鹽醃2個鐘後
將老抽加清水及冰糖煮至溶解, 成為汁料
燒紅個Pan, 加油及放雞髀落Pan喥煎兩邊...
將汁掃滿雞髀表面及背面
重覆將汁掃滿雞髀表面及背面煮至雞髀熟透
上碟, 灑上Parsley Flakes....再以沙律伴碟....完成!
係咪好簡單呢....而且個食水好靚嫁....
不過如果食開比較濃味的朋友仔
咁可能呢個雞髀你要自己醃重手啲及醃耐了...
我就比較食開淡口的, 所以我哋就覺得ok了.
點解我整咗四隻, 會得番兩隻的..
因為個兩隻係用嚟比我哋明天LUNCH嫁..
訂閱：
文章 (Atom)