自製豆腐花 (內附食譜)

2013年5月1日 (星期三)

最近網上很多人都自製豆腐花

一直都好想試做

blog友豪姐話好容易, 我一直都無想過自己做豆腐花,

總是覺得很難, 無可能的.

但係豪姐話好easy, 佢比咗個食譜我.

拖咗兩星期, 一直都無時間, 無mood去做

但個心一直都好想做, 因為不斷網上人人係到post

自己又唔鬼抵得喎.

終於.....今晚超攪鬼, 十點半去買豆漿, 十一點半先整...

所以話呢....一有mood時, 無論幾夜幾複習, 都會有心機去做!!!



夜ma ma 勁有mood, 自製豆腐花做宵夜，哈哈 (肥死)

第一次試做，成功了，第曰可以自製豆腐花宴客吖！

果然係.....零難度, 除非你自己整埋豆漿,

但我覺得就算自己整埋豆漿都唔難囉.

好開心呀, 我其實超like豆腐花, 不過咁....我同少爺都唔可以食太多

不過第日請朋友來我家吃飯, 就可以多了一道快靚正的甜品招呼朋友了.





這個份量:  17cm oval LC鍋, 

大約2-3碗份量, 當然視乎你的碗大小.

材料:

A)  無糖豆漿500ml (壹品牌或山水原味豆漿)

B )  粟粉半茶匙   
熟石膏半茶匙    
取豆漿3湯匙
(在500ml內取出來的, 還有這個可以轉用冷開水也可)


做法:

1) A材料煲滾

2) B材料攪勻, 先放煲底, 將巳煲滾的A沖入B中,
 
   用乾毛巾蓋著, 蓋上鍋蓋, 等20-30分鐘, 凝固即可.

3)   配紅糖或糖水即可享用


** 我用咗山水原味的豆漿, 綠色身的. 因為本身豆漿巳有糖份,
   所以我今次食時巳有少許甜味, 不用配紅糖及糖水.

**  石膏粉在藥房有售

謝謝豪姐的食譜分享!!

各位, 有興趣都不妨試吓啦.

真係好容易整嫁.