Seafood

 

2009年6月24日(星期三)

 

琴日家姐打嚟約今晚出街食飯

係因為老爺返咗大陸去飲宴

通常趁老爺返咗大陸

家姐同奶奶佢哋都會乘機會出去吃晚飯

今日我哋擇咗去流浮山吃海鮮

其實唔係話好想去流浮山食

因為知道貴唔抵

不過, 臨時琴晚先約話去食飯

都唔到去邊食好, 是但啦, 橫掂未同過家姐奶奶佢地去

阿哥就掛住瞓覺, 奶奶叫唔郁佢喎

所以就得我哋四個人

兩隻開邊龍蝦加芝士伊麵底

不過我同家姐都覺得唔夠芝士味啊....

麻香汁懶尿蝦

呢個麻香汁係呢間海鮮店的出名食法

佢嗰汁真係好好味, 甜甜哋又咸咸哋

同家姐一路食一路讚....

蒜茸粉絲蒸大扇貝

呢款無咩特別的, 如果連呢個咁basic的都整得唔好食

咁就要執笠lu....因為連蕭C奶都識整

西芹炒斑球

清清哋, 自己未試過炒斑球呀.....真係要搵次自己試吓煮先

蝦醬炒通菜

好味呀, 夠蝦醬味

鹽焗奄仔蟹

奄仔蟹係而家的最好時節, 一定要食佢啦

好好味呀, 剛剛焗好, 又多蟹膏

我哋三個都唔食蟹腳, 全部比哂少爺食...

呢一餐都ok啦, 唔好睇啲相好似好少咁呀

食吓食吓就好飽了

不過我都係覺得去西貢及鯉魚門食係最好食的

下次都係同少爺去西貢食先得...