2009年6月8日(星期一)
蕭C奶媽媽今日返嚟屋企了
媽咪今日去咗做特區謢照
然後就去咗元朗買餸
同朋友飲吓下午茶
跟住就返嚟準備晚飯的材料了
睇吓媽咪整咩:
苦瓜炒豬肉
以前不喜歡苦瓜的苦甘味...而家好like啊...
豬肉用普通醃料醃一會, 苦瓜切件, 備用.
起鑊, 落油炒豬肉一會, 取起, 備用
再起鑊, 落油炒蒜茸及豆豉, 加入苦瓜炒至軟身, 加入巳炒豬肉回鑊,
加小許水, 炒至收汁, 即成.
蒸烏頭
大家有無見到呀, 睇清楚啲, 蕭C奶媽媽被人呃啦,
你哋睇吓...見唔見條魚連埋啲魚鱗蒸呀,
根據媽咪所講, 係賣魚婆教佢喎, 連埋鱗蒸啲魚肉會滑啲喎...
你估而家蒸大眼雞咩....
大家唔好學呀, 超級唔好呀, 食的時候啲鱗好難整走佢,
仲有我覺得因為多咗鱗, 攪到條魚無哂啲咸檸檬味,
攪到條魚無咩味囉...
蕭C奶一路食一路嘈嘈閉囉......係咁叫媽咪唔好亂聽人講囉...
跟住阿媽咪話...試過一次, 以後都唔咁樣蒸啦....
記住....蒸大眼雞就一定要連皮蒸,
真係滑好多, 同好味好多嫁...
ok.
我都好怕食苦瓜,但因為佢有益又好想去食,你做咩辦法克服佢呢?
回覆刪除[版主回覆06/10/2009 15:20:00]我無咩特別辦法去克服苦瓜嫁，係唔知點樣，大吓大食吓食吓，越食越好食，可能年紀大咗，連啲口味都變咗。
阿榮都唔LIKE嫁， 佢一向凡係苦的都唔LIKE，不過佢有樣好，就 係你煮到嚟，佢咪會照食囉。不過若太苦太苦的，佢就真係唔食了。
我都聽過D魚販叫人唔洗打鱗，蒸熟先去鱗食，就會保留到D好甘香的黃油，係真有其事的，不過我就未試過，因為家人唔食。
回覆刪除[版主回覆06/10/2009 21:41:00]我就覺得唔好囉.....所以我都係堅持食呢隻魚一定要打鱗.
烏頭勁就勁在佢d油，老一輩嘅人確係唔打鳞嘅噃！食嘅時候先連皮帶撕咗佢嘅。
回覆刪除[版主回覆06/10/2009 21:40:00]我就唔like了,我都係覺得唔要鱗好食好多囉...
阿be, 鍾意食苦瓜，證明你老啦！
回覆刪除[版主回覆06/10/2009 21:42:00]吓.... 唔係掛...