塔斯曼里亞牛扒@lunch

 

2009年6月14日(星期日)

 

今日以為可以瞓晏啲啦...

點知唔鬼知邊個一早係到 '搞' 啲好似鐵的聲出嚟

嘈鬼住我呀......佢搞幾吓又唔搞,

當佢唔搞時, 正正可以入夢鄉之制

我真係.......頂..佢又搞幾吓...

又醒咗....我

佢又唔搞了喎...以為可以瞓啦...

我又....頂.......佢個肺 (請原諒我蕭C奶咁粗嘴)

到最後...當然係蕭C奶敵不過他的嘈音

被迫要起身....激到蕭C奶紮紮跳呀....

唔好比啲無謂嘢攪到心情差

起咗身...睇咗一陣電視

問少爺想食咩呀????

少爺就答: 想食牛扒囉....

當然琴晚我哋係sogo到買咗一pack

塔斯曼里亞牛扒

咁好啦....嚟個牛扒lunch先...

塔斯曼里亞牛扒

兩件都係110元, 仲有得試食, 覺得好juicy及有牛味

覺得圍番都係五十蚊到一件, ok喎, 咁就買咗佢返嚟了.

準備煎牛扒, 最重要係有我呢樽至愛黑胡椒啦,

阿姐仲教我落少少蒜鹽, 好一於試吓先...

我呢樽蒜鹽又係好鬼屎香嫁....大家不妨又買一枝係屋企.

煎牛扒喎....蕭C奶一定要用有紋及專煎靚扒的pan pan啦

我好like呢個pan pan嫁..唔係成日出場,

專係煎靚扒時就會帶佢出嚟見吓世面囉..

嘩.....係咪好靚先...有紋的真係靚好多, 記得煎牛扒要用大火煎佢呀,

咁先可以鎖住啲肉汁嫁, 而且每面煎1分鐘就夠, 最多唔好超過分半鐘.

大功告成....美味又jucy的牛扒咁就完成了....

食完一件仲覺得好想食呀....我係食肉獸嚟嫁...哈哈...

 

係屋企就地取材....見到有啲雜豆及星星薯餅

就用佢哋嚟配襯一吓啦....