2009年6月3日 (星期三)
今日媽咪正式搬入嚟同蕭C奶蕭少爺住了
嘻嘻...好興奮呢
放咗工即刻返屋企
有媽咪係到真係正啦
因為媽咪買定餸及洗好嘛
蕭C奶一返去就可以即刻煮
慳咗好多時間同工夫囉
不過媽咪真係好煩啊...
因為佢好心急囉, 我話明我煮嫁嘛
要佢係到享受, 休息, 叫佢嚟住唔係要佢調轉頭服待我哋呀
我未沖好涼, 蕭少爺又未沖澡
佢就趁我去沖涼就嗱嗱林煮鬼哂
其實我真係心裡唔係幾高興嫁
我知...啲媽咪係咁, 佢都係錫我哋
諗住我哋返工, 放咗工更係唔想我哋操勞囉
但係...都係嗰句啦....
我叫媽咪嚟住真係想佢好好咁休養
我同佢講咗了
再係咁呢...我唔留佢係到住嫁..嘻嘻
煎豬扒炒勝瓜
梅菜蒸豬肉
琴日去季季紅到食淨的乳豬及蓮藕
就係咁.....媽咪煮的靚菜...
咁又一餐lu..
幾好呀...我哋一齊睇電視傾吓講吓
我又無覺得有咩唔同喎...
又無話唔慣喎...
其實我就覺得我媽咪唔慣就真
希望佢會適應啦
佢好快會適應的~
回覆刪除「罰」燕嫦姐住耐啲。
回覆刪除老人家係咁心急ga喇.....!
回覆刪除見到你們一家三口樂也融融，真幸福!你們這份孝心，妳媽媽一定感受得到!不過，她們都是喜歡在家做些家務，煮下飯，先開心。因為我媽媽話在家不做野好辛苦，好悶，有野做時間過得快好多。如果不是粗重工夫，都可以比Auntie做下，等佢消磨一下時間。
回覆刪除好好餸啊, 無錯啲父母係咁~ 算啦佢唔辛苦既話咪由佢囉,可能咁佢開心呢~
回覆刪除[版主回覆06/05/2009 17:09:00]我都知， 所以我叫咗媽咪有時你想做咩都OK， 最緊要係唔好攪到個傷口處。
我唔要佢煮 係因為我覺得佢都煮咗幾十年比我哋食，而家應該係轉到我哋考順佢的時候，我想係佢打後的幾十年食我煮的餸，我想趁佢仲係到時，做番多啲嘢，我唔想後悔。
愛需要及時！
佢一個人係度唔搵d野做好悶架ma, 過多幾日你會發現間屋越來越"光鮮"...下次你沖涼時,叫榮少頂住個廚房門先
回覆刪除[版主回覆06/05/2009 16:34:00]係囉。。。嘻嘻
唔記得話你聽,我阿媽仲利害呀!佢上我屋企借個廁所之ma,都要做返半個鐘家務先肯走,成日都要我吹佢先肯走...
回覆刪除[版主回覆06/05/2009 16:33:00]咁你要好好檢討吓。。。點解你咁唔整齊囉。。。哈哈。。攪到伯友要做半個鐘家務。（其實你唔好鬼吹佢走啦，佢其實係借頭借路想見多你一陣咋。）
其實我屋企冇咩要做, d媽咪習慣了要做下家務先開心......所以唔可以俾佢一個人上我屋企,每次我都跟佢上樓再落返黎...
回覆刪除