冬菇肉片炒翠玉瓜+蒜茸豆豉蒸魚頭

續上回。。。

 

天氣熱，蕭C奶除了愛煮酸酸甜甜的餸菜之外

另一最愛煮瓜類

其中一款瓜類，蕭少爺及蕭C奶都好LIKE的

就係---翠玉瓜

連媽媽都愛吃呢。。。

今晚有醒胃火龍果魚蓉，仲有以下呢款

簡單易整，仲好似有好多嘢食咁添。。。

冬菇肉片炒翠玉瓜

爽爽爽，正正正，靚靚靚！

材料： 梅頭豬肉 15元，翠玉瓜 2條，

冬菇，甘筍，蒜蓉及薑 適量

調味汁： 適量的水，鹽，蠔油 及 少許雞粉（可以不加）

 

預備：

（1）翠玉瓜洗淨切件，備用

（2）梅頭豬肉切片後用薑汁，紹酒，生抽，生粉，少許糖醃好，備用

（3）冬菇浸軟切條後用生抽，糖醃好，備用

（4）甘筍切片（我用了印模印了圖案）

做法：

（1）大火起鑊落油，將肉片及冬菇炒熟後盛起，備用

（2）大火起鑊落油，爆香薑片及蒜蓉後落翠玉瓜，加入

調味汁後蓋上蓋，煮至翠玉瓜腍身，將冬菇肉片回鑊同炒。

（3）最後埋生粉獻，即成。

 

睇吓啲甘筍幾靚。。。有梅花及菊花圖案嫁，

令到成碟餸都生色不少啊。。

 

呢晚好好餸啊。。。

我負責了兩款餸菜，

媽咪就滾咗嗰芥菜湯（因忙於煮餸，唔記得影相添）

仲有就係蒜茸豆豉蒸魚頭

魚頭的味道調較到剛剛好

好好味呢。。。

嘩。。。今餐真係超超超飽呀。。。

食完三個都唔想郁囉。