2009年6月7日(星期日)
呢兩天媽媽話返去孫孫到喎...
咁蕭C奶今天可以自己做菜了
上回講到今天為食齋日
午餐食了咖喱烏冬
咁...夜晚食咩好呢.....
呢幾日天氣好鬼屎熱啊...
蕭C奶打開個櫃望吓...
咦...有包抺茶冷麵喎...
(其實都買咗好耐嫁了,
只係因為蕭C奶一直都好想買到冷麵的食具,
所以一直都唔想整.)
哈哈....於是見今日有mood
蕭C奶就下午自己一個人去咗吉之島的十元店
碰碰運氣啦．．因為之前去過多次都無返貨啊．．．
真係好開心呀．．
因為真夠運氣， 買到了．．終於都買到了
好開心啊．．．．
這是蕭少爺的， 一定有紫菜啦．．．
特別為了少爺準備咗一隻生雞蛋及青蔥配冷麵汁
少爺話加咗雞蛋及青蔥， ｙｕｍｍｙ ｙｕｍｍｙ．勁讚！
這款金菇伴Ｓｕｋｉｙｉｋｉ汁伴菜
都是專為少爺而做的， 因為少奶不可以吃金菇啊．．
因為濕熱囉．．．
食譜請到:
http://hk.myblog.yahoo.com/jobechan0911/article?mid=5658
這是蕭Ｃ奶的， 一定走紫菜啦， 所以無咁靚囉．．．．
蕭Ｃ奶的伴菜為灼生菜， 清清哋又叫做有菜呀嘛．嘻
而我呢就無生雞蛋， 反而係配青蔥及芥末醬
辣辣哋再加埋啲勁多青蔥，勁正呀．．．
溫馨日本菜
回覆刪除[版主回覆06/08/2009 22:05:00]ok啦.....
嘩~成屋都係煮食用具同餐具,第時搬新屋個廚房要整大D啦! 叫左媽咪黎住放假仲去"秘撈"......
回覆刪除[版主回覆06/09/2009 09:13:00]要搵錢， 還錢呀。。唔做秘撈咪維持生計啊。
無錯，蕭少奶的而確係好LIKE買新餐具玩意，因為啲餐具靚啲，食的時候都開胃啲，開心啲呢
最近我都好頭痕嫁，因為第日我哋的屋一定好細，超細，勁細，到時再算LU。。。鬼無錢買大屋咩。
去抽居屋囉, 好似榮少哥哥間屋咁大就夠啦, 仲可以整到個廚房有幾大得幾大
回覆刪除[版主回覆06/09/2009 22:02:00]其實好多人都叫我哋唔好抽居屋, 有錢買私人樓好啲喎....保值好啲, 轉手好啲.
居屋自住其實都唔錯的, 老實講. 唔理lu...到時再算啦, 我哋入咗申請抽公屋, 雖然會好細, 但係租金平,我哋可以儲多點錢.
我都好想有間自己的大屋,不過要多點時間呢.
似模似樣的冷麵呀！要學習下先得~
回覆刪除[版主回覆06/10/2009 15:03:00]一齊玩一齊學啦。。大家互相交流心得啊。
下~~~乜濕熱唔食得金菇架???屎火~~我重勁鍾意食,食唔停tim~~
回覆刪除[版主回覆06/10/2009 15:02:00]唔好呀，濕熱有好多嘢都要戒啊。
草菇，金菇，紹菜，芒果，榴槤，荔枝，唔好食咁多呀，少少都可以的，但盡量都唔好食太多囉。
我都少食少食呢。
阿be, 你唔食紫菜，可以加木魚碎／絲 （食日式炸豆腐時喺上面遇熱會郁郁貢嗰d），或者炸過嘅牛蒡條（城市超級有售）
回覆刪除我喺屋企自已整嘅時候，會攞放蓆個盆加d水放入冰格等佢結成一層簿冰，咁d soba or udon 食到尾都夠凍! （張蓆都分開放响冰格雪吓啦当然！）
[版主回覆06/10/2009 21:39:00]你仲講究呀.....嘻嘻
我連木魚絲都唔食嫁....
咁就大鑊喇~~~ 金菇，紹菜，芒果，榴槤全部都係我至愛~~~死得喇~~~ 順手問下,我個人成日處於好似發燒既狀態(係冷氣地方對手都可以熱到滾晒),d人話我係內熱,有無野岩我食架,thanks
回覆刪除[版主回覆06/11/2009 10:13:00]你真係內熱喎。。。要盡量避免唔好食煎炸嘢，要飲多啲水及飲一啲比較清潤的湯水或者煲啲粉葛赤小豆鯪魚湯，如果唔想要鯪魚，可改用豬骨，不過記得要先出水才煲湯。OK。
仲有要多吃水果，尤其多水份的及要盡量11點前睡。睇吓有無改善。
清潤的湯水，我就見議蘋果，雪梨，雪耳，蕃茄，紅蘿蔔等等這些湯料，都係比較清潤及甜的。
謝謝~~~~~但好難11點前訓~~~因為食完飯都9點幾,重要陪兩隻狗狗再整下自己野~~~我都好耐無試過11點前訓lu~~~~同埋呢排要3點幾起身睇電視(嘻嘻)
回覆刪除[版主回覆06/11/2009 23:53:00]我都知呀, 好難十一點前就睡啊...
吓....3點鐘.......聽到想屎啊...
但真係好好睇架~~~個細路女好好好好好好好得意架~~(我對於講親情既戲唔識say no),好彩佢就黎做完姐~~
回覆刪除[版主回覆06/12/2009 00:05:00]咩戲嚟啊....我都like呢啲親情戲喎...不過要我咁夜,我一定唔得囉...
你睇下上網搵唔搵到黎睇~~ http://www.hkatv.com/drama/06/wonderfullife/ <==美妙人生
回覆刪除