食到蕭少爺想嘔。。。

 

2009年6月21日（星期日）

Part I

 

今日可以好好留係屋企LU。。

蕭C奶都係瞓到十一點到啦，

起身做吓少少家務先，然後梗係準備整午餐比少爺食啦

哈哈。。。見到個標題啦。。食到佢嘔呀

究竟蕭C奶整咗啲咩比少爺食到嘔呢？？

蕭C奶好少咁失敗嫁喎！！

攪邊科呀！

 

答案就係： 納豆

其實唔關我事嫁，早前同少爺到SOGO超市，

係佢自己話不如買嚟試食吓，少爺話見日本人咁鐘意喎

點知。。。佢一路食就一路喊住話好難食。。

不過佢都好勁又叻，成碗食哂，唔浪費喎

 

打開咗之後，係有包介辣及麻油

 

少爺撈埋咗了。。。個樣都幾靚呀

 

早前好友‘蕉蕉’同‘蕉生’去咗首爾旅遊兼掃貨

買來了這個‘泡菜魷魚’給蕭少爺

今日有機會試食LU。。

 

打開咗之用咗一個密封袋入住的

 

嗱。。個樣就係咁嫁了， 辣辣哋送飯最好味。

多謝蕉蕉及蕉生啊。。。好味，好滿意啊

 

少爺的午餐

 

少爺將啲納豆撈哂落啲飯到， 個樣都好吸引呀

好彩有泡菜魷魚咋。。唔係我諗少爺真係會食唔落呀

 

 

呢一餐就係食到蕭少爺想嘔的一餐，

好彩唔關我事啫。。。哈哈。。

啲豆唔係我整， 又唔係我叫買的。

有時啲嘢，係要自己負責番的。

話時話，仲有一盒添呀，蕭少爺，

我提吓你。。記得要品嘗埋呀！