最唔想到的節日
終於都就快到(現實係殘酷嫁)
就係父親節。。
心情有點冷，有點痛，有點不安，
唔經唔覺同老豆一年無聯絡
無通電，無見面。。（好似陌路人咁）
但係其實自己個心依然好掛住老豆
時時刻刻都係到諗
唔知老豆做緊咩呢
天氣凍咗，佢有無著衫，凍親 呢
天氣炎熱，又係到諗佢會唔會熱到飛起呢
又會諗, 唔知老豆你有無去表演呢?
又有無種菜呢,釣魚呢?
有無病過呢?
當然會好傻咁諗: 有無想過我呢???
節日對於我嚟講， 其實係一件好唔開心的事
咩節日都係，表面上好開心， 其實心裡難過得很
因為最想的。。。係一家人一齊
就算是分開， 都可以見面，傾談，
而家呢。。好似同老豆劃清界線咁。。。唉。
突竟我會幾時可以見到老豆呢
又突竟我又會幾時有勇氣見佢呢
我自己都唔知...係唔想知定係唔想理,我都開始分唔清
其實我好怕會有日忘記老豆的嘢
好驚 ....人有時耐咗唔見,唔了解,
真係會生疏...其實我好驚.
所以我要每日諗起老豆.
係到靜靜哋咁同老豆講:
父親節快樂!
好想同你講: 我一直沒有把你忘記, 你依然係我心目中的好老豆,
無人能代替,無論任何人點睇你都好,
我都唔會理佢哋點諗,
總之你係我老豆, 呢一點係鐵一般的事實,
你永遠都係我的好老豆!
呢篇BLOG不設回應,
係朋友的睇完就唔好問我嘢,
亦都唔好提, OK. 感謝大家關心.
沒有留言:
張貼留言