出前一丁

 

2009年6月14日(星期日)

 

每逢星期日蕭C奶同蕭少爺

多數都會待在家中好好休息

最大的活動....識我哋的朋友都一定會答到...

就係...

瞓覺....哈哈哈

今日都唔例外啦....

上文提過今早比人嘈醒

所以到咗下午蕭C奶真係頂唔順了

不過蕭少爺比我梗早入咗房瞓著咗

最後我哋又係咁成個下午用咗嚟瞓覺lu...

.

(有好多朋友都好唔抵得嫁...呵呵呵...

因為佢哋而家要湊仔湊女, 根本無得瞓覺囉...)

唔好眼紅啦....我都恨好似你哋咁湊仔女嫁...哈哈.

一瞓就瞓到六點幾...唔想郁

唔想落街買餸囉...懶..懶...懶

琴日去叻叻屋企

叻叻切咗啲生果比我哋食

佢用咗我哋上年去日本時買的公仔籤

一見到我就話: 係喎...你唔用我都唔記得我都有添...

就係咁....今日我就..

係咪好可愛呢....食都食得開心啲呀.

想小朋友食多啲生果, 家長不妨都考慮吓

買呢啲咁可愛得意的公仔籤嚟冧吓啲囝囡

咁樣佢哋可能會食多嫁

蕭C奶真係好多玩具玩嫁...所以成日係屋企都唔覺得悶

係香港的十元店, 我都見過有得買嫁...

 

由於屋企都無咩特別嘢食..我又懶喎...

就食出前一丁啦....不過我見冰箱有鴨胸

就整咗呢個:

出前一丁配黑椒鴨胸

不過相信以蕭家夫婦的食量....

好快會肚餓囉...不過咁...唔緊要..

因為我哋有甜品呀...

就係琴日係sogo買的布甸

因為好掛住上年係日本九州時食過的

琴日買的都係日本, 不過係北海道

個樣都好似係九州食的

咪買嚟試吓囉....

 

呢啲就係係日本九州時品嚐過好美味的布甸

真係好好食, 上面係sogo買的, 雖然係好滑,

但係真係同日本食的差好遠呢...

日本九州時品嚐過好美味的布甸

就咁食好香滑,加埋右下角的一包包的蕉糖醬

又有另一種味道, 兩個口味都好好食.

到最後, 臨走時蕭少爺都忍唔住要買咗幾個帶番香港...