開心的一天

 

2009年6月12日(星期五)

 

嘩...咁快又到星期五

原本想放下午約媽咪的

不過媽咪一早約咗啲朋友

所以無放到lu....

今日lunch約了Apple返嚟同我哋食飯

我哋真係好耐無見了

Apple依然係咁靚女又keep 到咁fit

以前我哋一齊著短裙仔嫁...

可惜而家...蕭少爺唔比lu....哈哈..

今日好開心, 因為美美送來了一本烹飪書給我

佢話一見到呢本烹飪書

好自然咁諗起我喎.....(而攪到人哋好冧嫁啫...)

禮物不在乎貴平

而係講求送來者的心意

我喜觀美美話諗起我呢一點

多過本書....重點係佢諗起我囉...

朋友諗起自己, 蕭C奶覺得好幸福啊...

係到多謝美美的心意

 

放工返到屋企

而家最開心係.....唔駛咁急咁趕囉

因為有媽咪係到, 我咩都唔駛做呀...yeah

真係好鬼正嫁啫....

 

今日媽咪煮意:

咸蛋蒸肉餅

嘩...媽咪一擺碟餸出嚟, 我忍唔住 '嘩' 咗一聲出嚟

因為我覺得個賣相好靚呀

個咸蛋黃剛好在中間, 好靚呀....

而且個肉餅真係好好味, 唔太咸唔太淡, 適中

 

煎紅衫魚

都係嗰句啦, 媽咪的煎魚一直係我的最愛

煎到魚的表面脆脆哋, 肉質滑, 好味.

 

灼菜心

同事D仔話成日睇我blog, 讚媽咪灼啲菜灼得好翠綠喎.....

(唔知你知唔知我係呢到叫你做D仔呢, 因為我怕你介意

我公開你的真名啊.....睇吓我下次去你到,

你識唔識得自己認D仔先得....)

 

食完飯...媽咪真係好呀...

蕭C奶同蕭少爺真係咩都無做

因為媽咪搶哂啲嘢嚟做

咁我都唔客氣了...

算啦....媽咪想做就又佢啦....

啲朋友講得又啱的..

佢唔做好悶的....咁又係...

咁就我有好大好大的藉口唔做lu...

kakakakakakakaka...