紅酒燴牛仔膝@beka

早前幾位敗婦去Logostina Cooking Workshop

學了這個 [紅酒燴牛仔膝]

敗婦們說非常容易煮

剛巧也要試用BEKA的鍋子

而且也未煮過牛仔膝

既然她們說EASY

一於就試吓

謝謝敗婦們的分享!!

食譜來至煤氣烹飪中心

********************************

材料:

牛仔膝    4件,  1公斤

(但我當天只買到三件 (圖中約800克)

洋蔥      半個

甘筍    半條, 切碎

西芹   1條, 切碎

罐頭番茄連汁    200克

月桂葉    2片

乾百里香 / 雜香草   1/4茶匙

紅酒    100毫升

牛肉湯精    1粒

水  300毫升

ZOOM埋影近啲

比大家看清楚我的材料

牛仔膝個樣係咁嫁

中間好大件骨, 煮咗後, 有啲牛骨髓, 好好味嫁.

咪以為煮咗後, 啲肉會縮咗, 無嘢好食,

但其實煮完後, 都仲有好多肉

同埋都幾'漏'嫁...

做法: 

先把牛仔膝洗淨, 印乾水份, 用海鹽及黑胡椒碎醃一醃, 備用.

西芹洗淨, 切粒, 備用

洋蔥切碎, 備用

甘筍切粒, 備用

準備一煎pan / 煎鍋, 燒熱pan/鍋,

加入少許油, 用中大火把牛仔膝煎一煎

煎至金黃色, 如圖

取出放在一旁, 備用

同一鍋, 放入2湯匙橄欖油, 先將洋蔥少至透明

再加入甘荀, 西芹, 香葉及百里香, 同炒香

加入蕃茄碎連汁及牛肉湯精, 拌勻

灒紅酒,  用中大火煮至差不多完全蒸發為止

牛仔膝放回鑊中, 加入水

蓋上鍋蓋, 滾後, 轉小火炆牛仔膝約45分鐘至1小時熟透及稔身.

或

用180度焗爐, 炆牛仔膝, 時間和明火一樣

************

煮好後, 把牛仔膝取起,

取出月桂葉, 將餘下汁液蔬菜以攪拌機一同攪成醬.

汁液用隔篩渣後放回煲內與牛仔膝同煮熱,

調味後可與意大利燴飯或意粉同食.

美味的牛仔膝配意大利飯, 一流呀.

牛仔膝好稔身, 非常容易吃.

又入味, 我家少爺讚口不絕.

這一件骨比較大, 所以cc super 的售貨員便宜了一點給我. :p

**  煮的時間, 不同爐具及鍋子, 要自行調配. 

而我45分鐘巳經好夠稔身了.

** 牛仔膝可以到CC SUPER購買, 不算太貴, 大約26元, 100g

** 食譜中, 汁液連蔬果用攪拌機打成醬, 我只用了小許汁液來打,

因為我想保留一點蔬菜拌碟及品嘗.

** 牛仔膝洗淨, 必定要印乾水份, 才醃才煎

********************

常常在意大利餐廳都看到這個菜式

一直以為很難煮

但原來一點也不難

實在很開心, 可以又來煮到一款美味的西餐

不用常常只煎牛扒, 炆牛肋條

又多了一款新菜式.