日本九州之旅-由布院(又名湯院)--第四天-----Part III

日本九州之旅-由布院(又名湯院)

2008年11月16日(星期日)

(第四天)-----Part III

話說我同阿榮老公, ivy及經理都唔打算去金鱗湖, 大家都各自各在由布院活動.

當到咗五點左右, 巧遇叻叻及哥哥, 叻叻同我哋講, 話金鱗湖好靚好多紅葉, 當我聽到時, 覺得好可惜啊, 我無去, 但後來問哥哥, 如果要去係要幾耐時間呢?

哥哥話其實唔係好遠的, 跟住我就同阿榮老公講, 我好想去呀, 因為我從來都無親眼見過紅葉, 而且今次嚟日本都係想見到紅葉, 最重要係我好想同阿榮老公一齊第一次睇紅葉, 所以阿榮老公知我心意, 我哋立即飛奔咁金鱗湖lu...

其實我哋好想即刻call 經理同ivy, 但係佢哋兩個都無電話啊...咁無辦法啦, 唯有影多啲相比佢哋睇囉....

終於比我哋搵到'金鱗湖'了...好興奮啊....

嘩...開始見到啲紅葉了, 有啲係黃色的, 都好靚呀....

以下的相片都係由叻叻提供, 因為佢哋去時仲好光, 影啲相靚好多啊...

 

 

嘩...有倒影啊.....好清楚好靚呀...

 

 

 

終於都睇到紅葉了, 因為開始都入黑, 我同阿榮又要趕回去車站搵佢哋.

到咗車站了, 唔見佢哋的, 打個電話比哥哥先...

原來佢哋係車站內浸腳啊....我哋又去..

浸完腳, 消除咗少少疲勞, 我哋就出番去車站等車了,

嘩....睇吓我哋六個人幾多行李....兩日一夜的行李加手信....勁呀.

上咗車, 今次我無訓覺喎...唔知點解咁鬼精神呢?

但係ivy姐同我老公就好鬼好訓呀....

哥哥見ivy姐訓到九十度角, 忍唔住要影相喎....

阿榮都得好冧喎...又影吓佢...哈哈..

而我哋就要坐返車返博多了.....好肚餓呀...

我哋而家就係要返入去食晚飯lu...

想知我哋食咩好嘢....下一篇再見啦....