Happy X'mas and New Year Party @ Home Gathering

 
 
2009年1月3日(星期六)
 

 
我哋呢堆朋友仔, 每年都會開聖誕派對,
今年大家都太多活動, 所以今年要過埋08年先可以約齊人.
 
由於過咗08, 09先開派對,
所以今年我哋的party係叫做:
Happy X'mas and New Year Party!
 
而且今年我哋改咗地點兼派對的形式,
以往會在經理屋企, 今年就係我屋企,
以往形式會是大食會, 今年就改為打邊爐了.
 
為咗今次的打邊爐, 我巳經分咗幾日買嘢之外,
仲要攪著我阿哥添...因為佢幫我哋包餃子囉...
仲要有三款口味呢?
 

好了...唔講住...
開始我哋的party了....
 

 
 

 
 
 
大家分工合作, 預備打邊爐的食物,
洗呀, 切呀....
 

 
又要準備少少裝飾, 人未齊, 得幾份禮物炸,
今年我準備咗每份禮物都掛上一個不同圖案的牌.
 

 
阿榮老公切的蒜蓉, 辣椒仔及蔥
還有各款調味料----豉油, 醋, 麻油, 美極, 日本買回來的柚子辣汁
(老公話要學出面啲打邊爐鋪頭咁專業喎..

  .)
 
哥哥帶來的二鍋頭及叻叻帶來的果酒
(今次真係飲咗支二鍋頭呀...佢地話好難頂呀....
但支果酒就超好飲呀....)
 
還有各款飲品
忌廉, 雞骨草, 蔘蜜, 烏龍茶, 綠茶, 煎茶, 紅酒等等
 
四款湯底
豆乳鍋, 譚魚頭的辣鍋, 海鮮鍋
仲有一款係小肥羊鍋(不過係阿蕉到, 所無得影相呀)
 
各款餐具
 

 

 
睇吓有咩食先:
 
第一格左開始:
金菇,雞肶菇, 鮮東菇, 西洋菜, 莞茜, 豆苗及茼蒿,
玉子豆腐及豆枝竹
 
第二格左開始:
日本素食, 日本稻庭烏冬及日本的粉絲
 
第三格左開始:
鱔, 豆腐, 炸枝竹及生根
 
 

 

第一格左開始:
豬潤, 雞肉及各款丸類
 
第二格左開始:
小肥羊, 豬肉, 肥牛及阿哥親手包的三款餃子,
分別有:  菠菜豬肉, 蝦豬肉及齋餃
 
第三格左開始:
海蝦, 生蠔及象拔蚌仔
 

 
嘩...好多嘢食呀.....
雖然蕉蕉及佐冶未到...但係大家都好肚餓了,
唔等佢倆公婆了, 食住等啦...
 

 
開始我哋的打邊爐了.....食吓嘢, 又講吓笑
唔講唔知, 我哋係開咗三個爐囉.
我都未試過係屋企到開咁多個爐呀...
但無計...因為我哋成十幾人喎....而且哥哥又食素的...
唔開咁多過點得呀....好彩我有咁多爐炸...

 

 

 

 
由於較早前, 大家各自各都有去旅行,
今日齊人, 大家都可以互相送手信了...
枱面嗰啲咪係手信囉...
 

 
至於我準備咗兩份禮物比靖悠b及sze sze,
希望佢哋鐘意啦....
原來經理都有份小禮物比靖悠b喎...
 

又到交換禮物的時間了....
影張合照先....
 
 

 

 
今年ivy姐攪攪新意思,
唔再係用抽號碼形式了,
今次係要答IQ題呀...
ivy姐問, 各位就舉手答, 答中自己擇禮物.
 
ivy姐開始問了.....
睇吓各人的表情及動作...
超攪笑
 

 
 

 
抽完禮物, 開支香檳, 然後一齊拆禮物lu....
 

 
再食埋dada親手整的兩款蛋糕.....咁就完咗我哋的party了...
好開心, 好興奮, 好玩, 超滿足呀...
 

 

 
 
哈哈....送哂佢哋搭車之後,
我同阿榮老公就返屋企了...
有咩做,,,你哋話呢....

 
 

 
 

再祝大家

~MERRY CHRISTMAS~

AND

A

~HAPPY NEW YEAR~