阿哥你係最好的

2009年1月2日(星期五)

 

今日超正, 因為我放咗今日假, 就可以連續放四日啊...

今日只係訓到十點半到就起床,

因為我好多嘢要做呀.

由於明天好友會來家做聖誕及新年party,

點都要執好間屋卦....要招呼朋友仔喎.

而且都好的, 反正就快到新年啊...

可以有個藉口比自己, 的起心肝將間屋打掃得乾乾淨淨啊.

攪咗幾個鐘....超有滿足感...

我哋呢啲女人仔係咁嫁啦, 小小嘢就好有滿足感.

打掃完都巳經成兩點, 要準備返媽咪到.

因為我叫咗阿哥幫我手買定啲靚菜及包定啲餃子比我打邊爐用啊.

哈哈....返到去, 阿哥話無下次喎...

因為佢由今朝包到兩點, 同我打掃的時間一樣啊...

不過, 佢真係比我辛苦好多..

阿哥超好, 包咗三款....

佢知我有位朋友食素, 所以佢有一款係齋嚟的,

但係超好味呀.....因為我試咗..

謝謝您呀....阿哥...哈哈.

然後我又係媽咪到大掃除,

好攰呀 到最後, 係媽咪到食埋飯先走,

而阿榮老公因為約咗睇牙醫,

所以佢自己食完先返屋企囉....

今日超級充實,  明天又要早少少起身了,

因為仲有好多嘢未買呀...

明天成十幾人打邊爐.....諗起都興奮呀....

而我我仲準備咗好多嘢食啊.....

好了, 遲啲再見了.

bye bye.