大掃除@媽咪屋企

 

2009年1月13日(星期二)

 

今日媽咪要見醫生, 每次我都會放假陪佢一齊去的,

不過平時只放上午, 今日放全日,

等我唔駛咁趕住下午返工.

而且今日有個好重要的任務,

就係-----大掃除

 

　

 

今日好快就可以見醫生了,

離開醫院我同哥哥及媽咪慢慢步行去新墟,

阿哥就去買菜,

而媽咪就陪我去食嘢囉, 食完嘢,

我哋倆個就係新墟到行咗一陣,

去樓上燕窩莊到買咗少少嘢.

跟住我就陪媽咪去屯門市中心到攞眼鏡了.

跟住呢....我話要返屋企了, 唔行街LU...

返到媽咪屋企都巳經兩點幾, 坐咗一陣,

由兩點半開始...拾執了.....

嘩....我搵咗好多好多衫係唔要的,

又搵咗好多好多衫係比人的,

跟住又執我的物品,

超多唔要呀....就係咁....一執就執到晚上的八點,

跟住阿榮公返咗嚟, 我哋大家就開飯LU....

 

 

嘩...勁開心呀, 兩邊的衣櫃真係吉咗勁多呀,

另外有啲櫃又係吉咗好多呀.

其實我仲未執哂呀, 仲有成六成係味執好囉...

我要呢個星期執埋佢,

然後我就會CALL個機構嚟車走哂佢.

咁就可以好好咁過新年了....... 　

而家唔會再好似以前咁亂咁買嘢了,

除咗慳錢, 都可以慳番屋企的位.

好了, 今日好攰呀 各位晚安了!