簡單晚餐--紅棗豬潤廋肉湯

 

2009年1月19日（星期一）

 

今日真係唔應該返工，

因為我的兩位老細都超煩呀，

一早九點左右就煩到我收工，

攪到我全日都好無心情，好忟憎呀。。。

阿榮老公今日要返東莞到返工，

臨放工時， 打個電話比佢，

聽到佢把聲好似好攰又好無心情，

問吓，原來老公話佢好攰喎。

我聽到後，當然有啲心痛啦，

好。。。放工一於滾個靚湯比老公補吓先。

紅棗豬潤廋肉湯

（老公一路飲一路話好飲呀，好甜呀，好味，啲豬潤滾得剛剛好，

食落好爽口，所以最終一飲就飲咗三碗LU）

材料：20元豬潤廋肉，7至8粒紅棗，頭菜及水適量

做法：

（1）把豬潤及廋肉先用少許油，豉油及粟粉拌勻，備用。

（2）紅棗去核，頭菜切條

（3）水加入頭菜及紅棗，煲滾後，加入廋肉滾一會，然後加埋豬潤滾一會，關火，完成

（呢個湯又補又簡單又便宜呢）

隨意炒烏冬

（今晚好想食炒烏冬，見到屋企有咩就炒咩。。）