星期一之煮(內附食譜)

2009年1月12日(星期一)

 

又返工了..超唔想返呀,

因為天氣太凍的關係,

真係好想留係個被窩到啊....

今日無咩特別,

做完哂要比老細的數,

比較輕鬆啲囉, 因為唔駛比佢吹嫲...

今日超傻呀, 因為打咗兩次去阿榮老公的公司搵佢,

但係..一次無人聽, 另一次個同事接聽,

佢話: 阿wing今日返咗東莞喎.

一聽之吓....嘻嘻....係喎, 唔記得老公今日返東莞開工添...

真係無心肝了.

放咗工, 好鬼開心, 因為老公早過我返囉,

佢好好呀, 巳經煲落飯, 仲切蒜蓉啦, 切翠玉瓜, 切薑啦等等...

幫我做定啲煮前工夫.

真係抵鍚了...

 

今晚煮咩餸....

 

蒜蓉炒翠玉瓜+腸仔粒

炒番琴日的腸, 唔錯呀....好味.

鹽水雞翼

材料: 雞中翼2磅, 三湯匙鹽, 薑及蔥

做法: (1) 先將薑及蔥拍扁及切段

(2) 煲一煲水, 加入薑及蔥及鹽, 煲滾

(3) 滾後加入雞中翼直至煮熟, 即成.

呢個餸好容易整及好好味嫁....我好鬼鐘意食囉...

 

仲有琴日煲的花膠螺頭西施骨湯啊...