日本九州之旅--天神--屋台(第二天)-----Part III

日本九州之旅--天神--屋台

2008年11月14日(星期五)

(第二天)

終於嚟到天神站了....唔知屋台係邊喎...問吓人先...

終於嚟到'屋台'了, 成條街都有好多檔屋台啊....

經過我哋再三挑選後, 我哋決定去黃色呢間.....因為...只有呢間係夠我哋六個人坐呀, 其餘都巳經full咗,又或者得番幾個位啊....

老闆....

每個人都自己點一份'關東煮'...有蘿蔔, 魚蛋, 菜包等等...

好入味, 好冧, 唔錯喎...

明太子燒蛋

炒雜菜....好味呀....

 豚肉串燒....正呀....

見到其餘的人都叫呢個, 我哋又唔執輸喎, 又叫咗一客, 係牛腩煮

嘩...唔怪之得有位客人, 一個人都要咗兩客啦....真係好好好好味呀.....

又冧身, 又入味, 總之就正啦....

煙肉串燒及大蒽串燒......又係好好味呀.....點算好....

要咗一客青瓜冷盤, 好爽, 上面的芝麻加咗少少豉油及麻油, 好鬼野味呀.

又係見到人叫拉麵, 我哋又唔執輸囉....好食過第一天個啲喎...

去完屋台之後, 我哋當然唔夠飽啦...哈哈...

我哋去咗一間好出名的壽司店到諗住再食過的, 只不過, 太多人了, 要等位呀....我地商量過後, 決定買外買, 攞番去酒店到開餐.....

原來係買咗三瓶'甘酒'....今晚一於試吓....

唔只一盒嫁, 仲有一盒係隔離的....

開餐前, 梗係影張相先啦....仲有生果嫁....

後記: 屋台...其實就好似香港的大排檔, 只不過係小型的大排檔. 價錢便宜, 唔怪之得, 啲日本人放咗工, 都會約三五知己係到吹吓水先會再返去屋企到食正餐lu.....

成日都係日劇見到, 今次有得試..好開心呀...仲要係又平又好味喎....

仲有呀, 日本的柿, 真係好食好多囉...至於甘酒, 都幾特別的, 甜甜哋, 係熱飲喎.

 

第二天的旅程完了,

明天我哋將會到別府住一晚, 哥哥一個人去熊本市,

不跟我們啊.....要到後天, 才會合了.

下篇見....88